Sofonii 3:19 - LAWA A BOO SONBORE 2011

¹⁹ Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

LAWA A BOO SONBORE

¹⁹ Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Sofonii 3:19 ပူးပေါင်းရင်းမြစ်များ

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 61:7

Dɛnaa Lawa pɛ: «A laan sìi ka kũ, ka ǹ die là màn paa yii. A laan ǹ nə́ sɔ baraa kɔ ka ganaa, ka ǹ die n lɛ dii ka foo kɔɔ̃n nɛ ka gii kɛ taman yii. A giala, ka gii n die goɛ̃ paa ǹ gána nɛ. Foo kɔɔ̃n mɛn bɛ́ a nyɛɛ wa, ka ǹ die goɛ̃ bɛ gɔ́ɔ̃ nɛ.

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 30:19

Loe laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Zeremii 46:28

Nsɛ Zakɔba maa dí-nyali, nyɛ́ɛ nyan nə n kũ wa, Dɛnaa Lawa a da ǹ boo ne, a giala ma tá kunun n ni. Ma ka pɛsɛ̃ tɔrɔn mɛnɛn bii, ma á re yui bɛn gialaa, ma ǹ bɔ̀n baa lenlen. Sɛnɛ nsɛ, ma a re n bɔ̀n biɛ lenlen wa. Taãn nɛ, má n doroo ka peperebaa nɛ. A giala, ma a boe la ma n toa walan ka yii tì-a bɛ́ lɔn wa!

Ezekieli 16:27

Á ke, bɛ lɛ nɛ má tɔ́n yoo n gialaa, má màn-bii kurəə n ganaa. Filisiti kiwin mɛnɛn bɛ́ n zɔ́ɔn lɛa, má n wɔ bɛn gɔn, ǹ nə n foo nyɛɛ n la. N gɛsɛbaa lɛ dinmaa lɛ n sìi diɛ bɛn ganaa.

Ezekieli 16:57

Bɛa biikoo li, bɛ̀ n baraabaa lɛ tɔn soo kanaa wa. Edɔmu kiwi laanka a lɛkoro lɛ-a minin nə́ ke sɔ kiɛ n dɔ la kanna, Filisiti kiwin nə́ ke n piɛ̃ boe.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 39:13

Zaman lɛ tumaa á re ǹ gere biĩ. Bɛ̀ masɛ maa gugurubaa nyaa ǹ mɛn pinaa, ǹ tumaa foo á re kɔɔ̃n koe. Ma din Dɛnaa Lawa a da ǹ boo ne.

Ezekieli 39:26

Ǹ sii baraa mɛn tumaa zɛnaa ma nɛ, ma sìi mɛn da ǹ ganaa bɛ taman yii, ǹ yiri á die boe ka bɛa sìi lɛ nɛ. Ǹ tá re wusii ǹ giã ǹ gána lɛ nɛ ka là nyantoro ne, min kɔn ná a re yii a nyɛ́ɛ da ǹ ganaa wa.

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Timəə dí-pɛn 26:19

A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.

Ebrəə 12:13

Ka ga zii sonboren li ka kɔ ǹ lɛ, màn mɛn bɛ́ toɛ, kaa talaa wolen baran mɛnaa wa, sɛnɛ, ǹ wusoo ǹ zii saa.

Sii-nyaan 20:9

Ǹ nə́ ke ǹ nə́ soo kanaa paǹ tumaa li, ǹ nə́ die, Zeruzalɛmu kiwi mɛn bɛ́ kɔɔ̃n Lawa ganaa, a din a minin giã ǹ bǎã lɛa, ǹ nə́ bɛ lɛnpɛnɛ. Sɛnɛ, tɛ bɔ lon á daa ǹ tumaa kũkũ.

Sii yɔrɔ-bɔlen 1:7

Bezɛkin kii tɔ́n pɛ: «Kii pɔsɔbaa na á goã màn-bii bisin goɛ masɛ a màn bii ǹ goo giulun, ǹ gɔn a gòon mìi golen laanka ǹ gòãn wɔn nə́ kurii ni. Ma sii mɛn zɛnaa, a din lɛ n ke Lawa ma saraa nɛ.» Ǹ nə́ woo ne Zeruzalɛmu, á gã walan.