Sofonii 3:18 - LAWA A BOO SONBORE 2011

¹⁸ ka zɔ́n pinaa bɛ́ lɔn. Dɛnaa Lawa pɛ: Màn mɛn bɛ́ guĩ lɛa n ganaa Zeruzalɛmu, ma á re bɛ wɔlɔ lui n ganaa, màn mɛn bɛ toɛ, sìi nyan nə n kũ doo wa.

LAWA A BOO SONBORE

¹⁸ ka zɔ́n pinaa bɛ́ lɔn. Dɛnaa Lawa pɛ: Màn mɛn bɛ́ guĩ lɛa n ganaa Zeruzalɛmu, ma á re bɛ wɔlɔ lui n ganaa, màn mɛn bɛ toɛ, sìi nyan nə n kũ doo wa.

Sofonii 3:18 ပူးပေါင်းရင်းမြစ်များ

Loen 43:3

N din nə ń tɛ fúlu kɛ kɔ ma la, ka n sonbore kɛ nɛ, bɛn lɛn tá re ma nyɛɛnaan boe, ǹ wo ma koa *Siɔn n kele sonbore kɛ la, n din a giã ǹ bǎã kɛ nɛ.

Loen 79:4

Wɔ á ke, wɔ miãkɛnɛn nə́ sɔ kiɛ wɔ la. Min mɛnɛn bɛ́ wɔ lɛnpɛnɛ, bɛn man wɔ diɛ yaa lɛa, ǹ nə́ wɔ pɔpɔsɛ.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Busii pɛ 1:7

Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Ezekieli 34:13

Ma á re ǹ wɛɛ ma ǹ bɔ tɔrɔn bii, ma á re ǹ wɛɛ ma ǹ bɔ gána kɔsɔn nɛ, ma ǹ sɔkɔn, ma da ǹ nɛ, ǹ dinin gána nɛ. Ma á re ǹ kiɛ buu ganaa Izirayeli gána a kelen kɛn la, nyankɔrɔ basan kɛn nɛ, ka gána lɛ a bǎã mɛn tumaa bɛ́ min nə́ boe la a n giɛ̃ a nɛ.

Ezekieli 36:24

Ka goã tɔrɔn mɛnɛn bii gánan mɛnɛn tumaa nɛ, ma á re ka wɛɛ ma ka bɔ walan, ma ka sɔkɔn, ma da ka ka nɛ, ka dinin gána nɛ.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Ozee 9:5

Kɔn-yɛ gole kɛa pinaa, Dɛnaa Lawa a zɔ́n kɛa pinaa, ka ǹ die wàa zɛnɛɛ?

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.