Sofonii 3:14 - LAWA A BOO SONBORE 2011

¹⁴ Loe lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

LAWA A BOO SONBORE

¹⁴ LOE lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

Sofonii 3:14 ပူးပေါင်းရင်းမြစ်များ

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Loen 14:7

Min mɛn bɛ́ re boe *Siɔn kele la, a Izirayeli kirisibaa, man zoɛ̃ máa ma bɛ yɛ. Bɛ̀ Dɛnaa Lawa din wusoo a ná a minin kɛn kaa ǹ bǎã nɛ, bɛa biikoo li, Izirayeli á die n nyɛnyɛɛ, a foo á die kɔɔ̃n koe.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 97:8

Zeruzalɛmu kiwi bɛ́ á bɛ ma, a foo kɔɔ̃n kɔ, Zudaa gána a kiwin kɛn nə́ bɛ̀ baa ka foo kɔɔ̃n nɛ, n din a sii yɔrɔ-bɔn kɛn taman yii, Dɛnaa Lawa.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 37:22

Á ke, Dɛnaa Lawa n kɛ pii Senankeribu a paǹ li: N tìĩ bɔ *Siɔn kiwi ni, a n yaa we n ganaa. Zeruzalɛmu kiwi nə n mìi papasɛ n ganaa.

Izayii 40:1

Kaa Lawa pɛ: Ka maa zaman lɛ foo doa, hiĩ ka maa zaman lɛ foo doa.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Izayii 54:1

Zeruzalɛmu, n nyɛnyɛɛ, nsɛ mɛn bɛ́ nɛ goã n lon wa! Nsɛ mɛn bɛ́ n ba nɛ yɛ lɛ doɛ̃ wa, gɔ̀lɔ̀baa ǹ lɛ-dɛ wɔ, n foo kɔɔ̃nbaa ǹ lɛ-dɛ wɔ! Dɛnaa Lawa n pii n ni: Nsɛ mɛn bɛ́ ǹ nə́ n la bɔ n ganaa, n tá re nɛ gigiã yii a la lɔ mɛn din bɛ́ ǹ zuũ ná a tan.

Zeremii 30:19

Loe laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Misee 4:8

Nsɛ Siɔn kele lɛ, maa zaman kɛa daa ǹ bǎã, Zeruzalɛmu kiwi a lɛduə̃ ǹ bǎã, n lɛlɛ a pàã lɛ á re wusii a dɔ n-a, kiibaa lɛ á re wusii a da Zeruzalɛmu kiwi.»

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»