Sofonii 3:11 - LAWA A BOO SONBORE 2011

¹¹ Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

LAWA A BOO SONBORE

¹¹ Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Sofonii 3:11 ပူးပေါင်းရင်းမြစ်များ

Loen 131:1

Wo Zeruzalɛmu loe. Davida a loe. Dɛnaa Lawa, din gole kɔ ba ma gɔ́ɔ̃-n wa. Ma ba n yii baɛ̃ sii dɔ li wa. Sii dadaran kɛn, siin mɛnɛn dinin pàã bɛ́ á la ma nɛ, ma bie bɛn kio wa.

Loen 49:5

Ma nə n too koe suusu boon ganaa taãn-taãnɛ. Ma tùtu da loe li, ma boo giməə giala pɛ.

Loen 59:12

N baran ǹ dɛ n nə ǹ yɔyɔrɛ sisia wa. Bɛ bie wa, ma tɔrɔ minin kɛn yiri á re boe n gɔ̀lɔ̀baa kɛ nɛ. Dɛnaa, n din nə wɔa goóro lɛa. Bìn da ǹ ganaa ka pàã gole ne, n toa ǹ mɛnaa.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 5:15

Sìi á re minbuiin nɛ kuĩ, minbuiin nɛ tumaa á re n mìi kumii. Min mɛnɛn yii bɛ́ lon, bɛn tá re n mìi kumii.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 61:7

Dɛnaa Lawa pɛ: «A laan sìi ka kũ, ka ǹ die là màn paa yii. A laan ǹ nə́ sɔ baraa kɔ ka ganaa, ka ǹ die n lɛ dii ka foo kɔɔ̃n nɛ ka gii kɛ taman yii. A giala, ka gii n die goɛ̃ paa ǹ gána nɛ. Foo kɔɔ̃n mɛn bɛ́ a nyɛɛ wa, ka ǹ die goɛ̃ bɛ gɔ́ɔ̃ nɛ.

Zeremii 13:9

«Masɛ Dɛnaa Lawa a da ǹ boo á ke: A din yɔrɔ goon la, man die Zudaa a din koa kɛ ziziɛ̃, kɔnlɛ ka Zeruzalɛmu dɔ a din koa gole kɛ nɛ.

Zeremii 7:4

Ka ǹ pii: «Lawa a kion nə kànaa, Lawa a kion nə kànaa, Lawa a kion nə kànaa. Ka nyan nə dinin sã ka bɛa soɛ boon kɛn nɛ wa.»

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Danayeli sɛ́wɔ 9:16

Dɛnaa, n zɛnaa ǹ sii sonboren lɛn tumaa taman yii, bǐɛ̃ kɔ, n nə n foo-yoo kɛ laanka n foo-busii kɛ yɔrɔ saa n bɔ Zeruzalɛmu la, n din a kiwi ke, n kele sonbore ke! A giala, wɔa sii baraan kɛn taman yii, ka wɔ digolon kɛn sãn nɛ, min mɛnɛn bɛ́ wɔ lɛnpɛnɛ, bɛn man sɔ kiɛ Zeruzalɛmu laanka n zaman kɛ la.

Danayeli sɛ́wɔ 9:20

Má goã Lawa nyankɔ la miɛ̃, má ń ma din a sii baraa laanka maa zaman, Izirayeli minin kɛn sii baraan pii n ni, má ń gòã-kũ diɛ maa Lawa, Dɛnaa Lawa ganaa, a din a kele sonbore kɛ a lɛa.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Minin nimi 16:3

Ǹ nə́ kaa kun ǹ nə́ yoo Muizu laanka Aarɔn gialaa, ǹ nə́ pɛ ǹ nɛ: «Kɛa boe? A giala, zaman lɛ tumaa n Dɛnaa Lawa wɔ lɛa, Dɛnaa Lawa tá kun ka wɔ tumaa nɛ. Wàa na á baa kasɛn tá ka dinin soɛ koe Dɛnaa Lawa a zaman gialakun kɛ nɛ?»

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Rɔmu minin 2:17

A n lɔn kəni, nsɛ kɛ lɛ Zuifu tɔ nə n ganaa? Lawa a dí-pɛn tá ka li, n tá n gòãn koɛ bɛ la, n tá n din dɔ gole koe n Lawa a lɛa.

Rɔmu minin 9:33

Ká a bɛ́ á n kiɛ̃ lɔn: «Man kion gòã daa ǹ kɔlɔ koɛ *Siɔn, minin daa ǹ kɔlɔ nɛ, sɛnɛ, min woo min nə́ n foo doa a ganaa, sìi a re bɛa dɛnaa kuĩ wa.»

Piɛrɛ1 2:6

A giala, Lawa a boo n pii: «Bɛ lɛ nɛ man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n foo doa a ganaa, bɛa dɛnaa a re bìn diɛ wa.»