Loe kɔɔ̃n kɔɔ̃n 7:5 - LAWA A BOO SONBORE 2011

⁵ N wìi n paraa nɛ, pepere, ka sanabolo siĩn bɛ́ lɔn. N yii nànan man ka Ɛsibɔn a pɛrɛn kɛn mu bɛ́ lɔn, kunu Bati-Rabimu a wɔ ǹ kiɛnlɛ ganaa. N nyin gòã n pɔrɔɔ nɛ, ka Liban a sanabolo kɛ bɛ́ lɔn, a yɔrɔ ń dia-n Damaasi kiwi la.

LAWA A BOO SONBORE

⁵ N wìi n paraa nɛ, pepere, ka sanabolo siĩn bɛ́ lɔn. N yii nànan man ka Ɛsibɔn a pɛrɛn kɛn mu bɛ́ lɔn, kunu Bati-Rabimu a wɔ ǹ kiɛnlɛ ganaa. N nyin gòã n pɔrɔɔ nɛ, ka Liban a sanabolo kɛ bɛ́ lɔn, a yɔrɔ ń dia-n Damaasi kiwi la.

Loe kɔɔ̃n kɔɔ̃n 7:5 ပူးပေါင်းရင်းမြစ်များ

Siin Giala 32:26

Ǹ bɛ́ kɔn ǹ mɛn waáraa, a kɔn-kũli lɛ bɛ́ á dɔ̃, mà a die boe la wa, á nɔmaa á Zakɔba dɛ a kiɛnpɛrɛ ganaa, a ná a gìĩ bɔ.

Loen 68:24

màn mɛn bɛ́ toɛ, n nə n gòãn dɔdɔrɔ mà li, n ginin dɔn nə boo la, ǹ nə n zɔ́ɔn kɛn mà mi.

Loen 87:2

Kiwi lɛ laanka a kiɛnlɛn tá kɔɔ̃n Dɛnaa Lawa ganaa, á la kiwin tumaa nɛ, Izirayeli gána lɛ nɛ.

Suusun 5:19

A siĩnbaa n ka yuùn wɔ bɛ́ lɔn. Toa a kɔn-narɛɛ goã n foo ne, a n foo kɔɔ̃n kɔ biikoo yii li.

Loe kɔɔ̃n kɔɔ̃n 1:17

Wɔa kion a mɛnɛn man ka da kakan kɛn nɛ. Wɔa kion gɔ̀nɔn man ka gɔn sonboren kɛn nɛ.

Loe kɔɔ̃n kɔɔ̃n 4:1

N tá siĩn dɛ, maa paa ǹ wɔ, n tá siĩn dɛ! N mɔnaa ke n yɔrɔ lɛ, n yii nànan gamaa á kɔɔ̃n bɛ nɛ, maǹ siĩni ka zɛrɛkantoanan bɛ́ lɔn. N mìi ka n tì kɔnɔnɔ, ka bòe tìtì kuru n gisĩ Galaati tenten la.

Loe kɔɔ̃n kɔɔ̃n 4:4

N wìi n siĩni ka Davida a sanabolo kɛ bɛ́ lɔn. N bɔlɔ-a ǹ gii kɛn man a ganaa ka góoro gigiã bɛ́ lɔn. N bɔlɔ-a ǹ gii n zɔɔzaa, n bɔlɔ ganaa, ka zia-baali zanbian ǹ góoro ne.

Loe kɔɔ̃n kɔɔ̃n 5:11

A mìi n sana yoreen lɛa. A mìi ka n pɔsiaã, tì biribiri, ka zankoo bɛ́ lɔn.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Minin nimi 21:26

A giala, Ɛsibɔn lɛ na á goã Amɔɔrɔn kii Sihɔn lɛ a kiwi gole lɛa. Sihɔn lɛ na á goã á zia da Moabu gána a kii bibinaa kɛ ganaa, á ná a gána tumaa si la, yǎa Arnɔn tà li.

Matiə 18:20

A giala bɛ̀ min paa hinlaa min sɔɔ nə́ n lɛ sɔkɔn bǎã mɛn nɛ ka masɛ tɔ nɛ, ma tá ǹ bii walan.»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Efɛɛzi minin 1:22

Hiĩ, Lawa na á màn tumaa kaa Krita gòãn giulun, á koa goledɛnaa lɛa Lawa a sɔmɔ kɛ mìi la.

Kolɔɔsi minin 1:18

A din nə Lawa a sɔmɔ kɛ mìi lɛa, Lawa a sɔmɔ mɛn bɛ́ a din gɔ̀nɔn lɛa. Bɛa gɔ̀nɔn kɛ lɛ nyin nə boe a din ni, a giala, a din nə min bibinaa lɛa, a yii kaa á n bɔ geren bii, a din nə bibinaa lɛa sii din tumaa gɔ́ɔ̃ nɛ.

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Sii-nyaan 1:14

A mìi ka n fu ka sère fu paɛ̃paɛ̃ ka bɛ́ lɔn, a yii nànan man ka tɛ buə̃ ne.