Loe kɔɔ̃n kɔɔ̃n 6:2 - LAWA A BOO SONBORE 2011

² Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

LAWA A BOO SONBORE

² Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

Loe kɔɔ̃n kɔɔ̃n 6:2 ပူးပေါင်းရင်းမြစ်များ

Loe kɔɔ̃n kɔɔ̃n 2:16

Ma din foo dùũ wɔ lɛ n maa wɔ lɛa, ma dɔ na a dɔ wɔ lɛa. Da buũ bǎã n kɔɔ̃n a ganaa.

Loe kɔɔ̃n kɔɔ̃n 4:12

Miãnɛn, maa nɛniɛ, ma n dù gɔrɔ lɛa, a lɛ n tiɛ̃-n. Ma n mu yala lɛa, a lɛ n tiɛ̃-n. Ma n tù lɛa, koa nɛ ma dinsɔɔ̃ wɔ lɛa.

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Loe kɔɔ̃n kɔɔ̃n 4:5

N nyɔ màn paa ke, bɛn man ka yuùn nɛ màn paa nɛ, ǹ dan nə́ ǹ yɛ bɛlɛmanan lɛa, maǹ buu soɛ̃ da buũ bǎã nɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 5:13

A pàãn man ka miíri nyɔɔ gìĩ kɔɔ̃n bǎã bɛ́ lɔn.

Loe kɔɔ̃n kɔɔ̃n 6:11

Dù gɔrɔ ke, da nɛ-kɔlen ná a nɛ, man má woo walan, ma ń giɛ, dan bɔ tán ganaa nyankɔrɔ lɛ kɛ nɛ. Ma ń giɛ, bɛ̀ *rezɛ̃ da fɔ̃, bɛ̀ grenadie da dɔ buũ kɔ.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 57:1

Maǹ min peperen nyin boe, min kɔn dɔ ba n yiri koɛ li wa. Min sonboren man papaɛ̃, min kɔn ná a doɛ̃ mà maǹ nə́ papaã ǹ nə́ n bɔ nɔmaa li wa,

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 61:11

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Matiə 18:20

A giala bɛ̀ min paa hinlaa min sɔɔ nə́ n lɛ sɔkɔn bǎã mɛn nɛ ka masɛ tɔ nɛ, ma tá ǹ bii walan.»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»