Loe kɔɔ̃n kɔɔ̃n 5:1 - LAWA A BOO SONBORE 2011

¹ Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

LAWA A BOO SONBORE

¹ Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 5:1 ပူးပေါင်းရင်းမြစ်များ

Siin Giala 37:25

Bɛ kio, ǹ nə́ giã tán, ǹ nə́ màn bii. Ǹ bɛ́ ǹ nə́ n mìi saa lon, ǹ nə́ nyɔɔmaadɛnan yɛ boe Galaati gána-n die. Isimayeli tɔrɔn manɛ. Da gón gìĩ kɔɔ̃n nə́ ǹ nyɔɔmaan lɛn la, ǹ tá woe-n Ezipti gána nɛ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 16:3

Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

Suusun 24:13

Maa nɛ, zoo nyɔɔ bii, a n kɔɔ̃nɛ, á re goɛ̃ nɔɔnɔɔ n lɛ-n.

Suusun 9:5

«Ka da màn bii, ka duvɛ̃ mi.

Boo-laakalaali 2:5

Má dù gɔrɔn laanka da wurun bɔ ma din wɔn lɛa, má da nɛ-kɔle tɔrɔ tumaa zumu ǹ ni.

Loe kɔɔ̃n kɔɔ̃n 1:13

Ma din foo dùũ wɔ lɛ n ka *miíri nyɔɔ gìĩ kɔɔ̃n bɛ́ lɔn, a n lɛ̀ wɛɛ a yii n koo kun ma nɛ.

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Loe kɔɔ̃n kɔɔ̃n 4:8

Da kiɛ̃, maa paa ǹ wɔ, n bɔ Liban kelen kɛn li, n da kun ma nɛ. Gisĩ n nə n bɔ Amanaa kele kɛ baã bii, n bɔ Seniiri kele kɛ laanka Ɛrmɔn kele kɛ baã bii. Bɛa bǎã kɛ lɛ, yàran giã ǹ bǎã nɛ, bɛa kele yii kɛ lɛ, gòen bǎã nɛ.

Loe kɔɔ̃n kɔɔ̃n 6:11

Dù gɔrɔ ke, da nɛ-kɔlen ná a nɛ, man má woo walan, ma ń giɛ, dan bɔ tán ganaa nyankɔrɔ lɛ kɛ nɛ. Ma ń giɛ, bɛ̀ *rezɛ̃ da fɔ̃, bɛ̀ grenadie da dɔ buũ kɔ.

Loe kɔɔ̃n kɔɔ̃n 6:2

Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

Loe kɔɔ̃n kɔɔ̃n 8:1

Aa! Toa bɛ̀ n nə ma miãgiĩ lɛa dɛ! Toa bɛ̀ ma n wɔa kion min lɛa dɛ! Bɛ̀ má kaa n lɛ bǎã nɛ, bɛ̀ ma bɛ́ re n soɛ n nɛ minin yii ni, min ná a boe la a ma tɔ pɛ wa.

Loe kɔɔ̃n kɔɔ̃n 8:13

E! Nsɛ mɛn bɛ́ giã-n tán dù gɔrɔ bii, ma miãn tá n too diɛ n lɛn li, toa ma n lɛ ma.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 5:1

Ka toa ma loe goon lɔ maa giaára giĩ wɔ lɛa. A n maa giaára giĩ lɛ wɔ lɛa ka a rezɛ̃ wuru ni. Maa giaára giĩ a rezɛ̃ wuru lɛ n tenten la, bǎã sonbore ne.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 61:11

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Luku 12:4

Yezu pɛ ǹ nɛ: «Kasɛn mɛnɛn bɛ́ maa giaáran lɛa, masɛ n pii ka nɛ: Minbuiin nɛ á boe la a gɔ̀nɔn siĩ dɛ a gã, sɛnɛ, a ba boe la a màn kɔsɔ zɛnaa bɛ kio wa, ka baran nyɛ́ɛ baa minbuiin nɛ-n wa.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Sii yɔrɔ-bɔlen 14:11

Filisiti minin lɛn nə Sansɔn yɛ lɔn gɔrɔ, ǹ nə́ tɔntɔraa pɔsɔɔ bɔ, mà bɛn nə giã a li.

Sii yɔrɔ-bɔlen 14:20

Ǹ ná a lɔ lɛ kɔ a tá-kun wole goon la, ǹ mɛn lɛ bɛ́ á ná a siére baa kɔn-wɔ lɛ gɔ́ɔ̃ nɛ.