Loe kɔɔ̃n kɔɔ̃n 4:16 - LAWA A BOO SONBORE 2011

¹⁶ Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

LAWA A BOO SONBORE

¹⁶ Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Loe kɔɔ̃n kɔɔ̃n 4:16 ပူးပေါင်းရင်းမြစ်များ

Boo-laakalaali 1:6

Piɛ̃ n boe a wo gusin a lɛ̀gɔn li, a n pɛnɛ a wo gɔsɛ a lɛ̀gɔn li, a n pɛnɛ, a n pɛnɛ miɛ̃, a wusoo doo a kɔ a din basa goon lɛ lɛ.

Boo-laakalaali 2:5

Má dù gɔrɔn laanka da wurun bɔ ma din wɔn lɛa, má da nɛ-kɔle tɔrɔ tumaa zumu ǹ ni.

Loe kɔɔ̃n kɔɔ̃n 1:13

Ma din foo dùũ wɔ lɛ n ka *miíri nyɔɔ gìĩ kɔɔ̃n bɛ́ lɔn, a n lɛ̀ wɛɛ a yii n koo kun ma nɛ.

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Loe kɔɔ̃n kɔɔ̃n 2:3

Ka da bɛ́ lɔn, a nɛ n kɔɔ̃nɛ á la ǹ miãn wɔ nɛ, ma din foo dùũ wɔ lɛ dɔ n soɛ tɔntɔraa gialakunun kɛn man miɛ̃. A wúlu a giã á kɔɔ̃n ma ganaa, a nɛ kɔɔ̃n kɛ dɔ á kɔɔ̃n ma lɛ-n.

Loe kɔɔ̃n kɔɔ̃n 2:8

Ma din foo dùũ wɔ lɛ lɛ á boe! Á ke yii die! A n pipiɛ̃ kelen la, paparɛ tentenen la,

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 6:2

Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

Loe kɔɔ̃n kɔɔ̃n 8:12

Ma din gɔn tɔ rezɛ̃ da wuru lɛ n bii-a maa lɛa. Haya! Salomɔn! Duu goon lɛ nə n din wɔ lɛa, min mɛnɛn bɛ́ giɛ da nɛ lɛ walan, bɛn wɔ n biɛpaa.

Izayii 64:1

Bɛ̀ ma n die goɛ̃ ka tɛ bɛ́ lɔn, tewonən kuĩ, hinlaa mu diɛ pipii ganaa. Bɛa yɔrɔ lɛ la, n bɛ́ màn mɛn lɛa, n zɔ́ɔn tá re n tɔ doɛ̃, tɔrɔn tumaa á re bìn diɛ n nyɛɛnɛ!

Ezekieli 37:9

Lawa tɔ́n pɛ ma nɛ: – Maa boo gii da yiikoonaabaa ǹ piɛ̃ kɛ nɛ, n pɛ nɛ: «Yiikoonaabaa ǹ piɛ̃, bɔ kanaa gùrù sii kɛ li n da kaa geren kɛn ganaa, màn mɛn bɛ́ toɛ, ǹ yii wusoo a kaa.»

Matiə 26:10

Yezu bɛ́ á dɔ̃ mà maǹ boo diɛ miɛ̃, á tɔ́n pɛ ǹ nɛ: «Wàa na á baa ka tá lɔ kɛ lɛ nɔmiɛ? Dí taãn nɛ ka kɛ nɛ á nya masɛ nɛ.

Matiə 26:12

A bɛ́ á nyɔɔ gìĩ kɔɔ̃n kɛ kaa masɛ gɔ̀nɔn ganaa, a na á maa biĩ yɔrɔ bɔ ka bɛ nɛ.

Zaã a sɛ́wɔ 3:8

Bǎã mɛn bɛ́ kɔɔ̃n piɛ̃ ganaa, a n boe a wo walan. Min na á wuu miɛ, sɛnɛ a bɛ́ boe maa, a n woe maa, min ba bɛ doɛ̃ wa. Bɛ̀ min mɛn yɛ ka Yiri Fu pàã nɛ, a n miɛ̃; Lawa a nya ǹ dí ni, minbuiin nɛ a boe la a na a giala ma wa.»

Zaã a sɛ́wɔ 5:8

Yezu tɔ́n pɛ nɛ: «Yoo n nə n piì saa n tɔ wɔ.»

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Rɔmu minin 15:28

Bɛ̀ má bɛa dí lɛ yɔrɔ bɔ má nya ka lenlen, bɛ̀ má bɛa màn boboe kɛ lɛ a kaa kun kɔ ǹ la ǹ mɛn waáraa, ma á die woe Espanyi, sɛnɛ, ma á re boe ka li ma tɔ́n kiɛ̃.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.