Loe kɔɔ̃n kɔɔ̃n 4:1 - LAWA A BOO SONBORE 2011

¹ N tá siĩn dɛ, maa paa ǹ wɔ, n tá siĩn dɛ! N mɔnaa ke n yɔrɔ lɛ, n yii nànan gamaa á kɔɔ̃n bɛ nɛ, maǹ siĩni ka zɛrɛkantoanan bɛ́ lɔn. N mìi ka n tì kɔnɔnɔ, ka bòe tìtì kuru n gisĩ Galaati tenten la.

LAWA A BOO SONBORE

¹ N tá siĩn dɛ, maa paa ǹ wɔ, n tá siĩn dɛ! N mɔnaa ke n yɔrɔ lɛ, n yii nànan gamaa á kɔɔ̃n bɛ nɛ, maǹ siĩni ka zɛrɛkantoanan bɛ́ lɔn. N mìi ka n tì kɔnɔnɔ, ka bòe tìtì kuru n gisĩ Galaati tenten la.

Loe kɔɔ̃n kɔɔ̃n 4:1 ပူးပေါင်းရင်းမြစ်များ

Loen 45:11

N too kɔ, maa nɛniɛ! Ga, n nə n too kɔ doɛ̃: N yiri bɔ n bɔ n minin kio, n yiri bɔ n bɔ n dikion kio.

Loe kɔɔ̃n kɔɔ̃n 1:15

N tá siĩn dɛ! Maa paa ǹ wɔ, n tá siĩni dɛ! N yii nànan gamaa á kɔɔ̃nɛ, maǹ siĩni ka zɛrɛkantoanan bɛ́ lɔn.

Loe kɔɔ̃n kɔɔ̃n 2:10

Ma din foo dùũ wɔ lɛ lɛ dia ma la, á pɛ ma-n kɛnɛn: «Yoo n daa, maa paa ǹ wɔ, maa paa ǹ wɔ siĩni, yoo n da kiɛ̃.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Loe kɔɔ̃n kɔɔ̃n 6:5

N yii saa n bɔ ma la, a giala, n gamaa lɛ n ma yiri sii ma la. N mìi ka n tì kɔnɔnɔ, ka bòe tìtì kuru n gisĩ Galaati tenten la.

Loe kɔɔ̃n kɔɔ̃n 6:7

N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

Loe kɔɔ̃n kɔɔ̃n 7:5

N wìi n paraa nɛ, pepere, ka sanabolo siĩn bɛ́ lɔn. N yii nànan man ka Ɛsibɔn a pɛrɛn kɛn mu bɛ́ lɔn, kunu Bati-Rabimu a wɔ ǹ kiɛnlɛ ganaa. N nyin gòã n pɔrɔɔ nɛ, ka Liban a sanabolo kɛ bɛ́ lɔn, a yɔrɔ ń dia-n Damaasi kiwi la.

Zeremii 22:6

Dɛnaa Lawa bɛ boo mɛn diɛ Zudaan kii a kion a paǹ li, á ke: N siĩnbaa n ka Galaati a daã kɛ wɔ bɛ́ lɔn, ka Liban a kele mìin kɛn nɛ. A da yaa, sàabaa ba la wa, man die n biɛ diə gole lɛa, kɛbɔlɔ lɛa.

Ezekieli 16:14

N tɔ bɔ gána kɔsɔn nɛ n siĩnbaa lɛ taman yii. A giala, ma nyaǹ mànan mɛnɛn kaa n ganaa, bɛ lɛ na á toa, n siĩnbaa lɛ pã. Masɛ din Dɛnaa Lawa a da ǹ boo ne.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Minin nimi 32:1

Urubɛn tɔrɔn laanka Gaadi tɔrɔn tɔɔn man nə́ goã mɔnaa-n taãn-taãnɛ. Ǹ nə́ tɔ́n yɛ, mà Yazɛɛrɛ bǎã laanka Galaati gána tá tɔɔn sii.

Minin nimi 32:40

Muizu tɔ́n Galaati gána lɛ kɔ Manaasee a nɛgiĩ Makiiri la, á giã a nɛ.

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.