Loe kɔɔ̃n kɔɔ̃n 1:8 - LAWA A BOO SONBORE 2011

⁸ Nsɛ mɛn bɛ́, n siĩnbaa miã ná a banban lɔn bii wa, bɛ̀ n ba bǎã lɛ doɛ̃ wa, n die n soo, n kɔ tɔɔn lɛn basa lɛ, n nə n bòe nɛn kɛn lɛduə̃, tɔɔn-lɛduə̃lin giã ǹ bǎãn genli.

LAWA A BOO SONBORE

⁸ Nsɛ mɛn bɛ́, n siĩnbaa miã ná a banban lɔn bii wa, bɛ̀ n ba bǎã lɛ doɛ̃ wa, n die n soo, n kɔ tɔɔn lɛn basa lɛ, n nə n bòe nɛn kɛn lɛduə̃, tɔɔn-lɛduə̃lin giã ǹ bǎãn genli.

Loe kɔɔ̃n kɔɔ̃n 1:8 ပူးပေါင်းရင်းမြစ်များ

Loen 16:3

Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

Loen 45:11

N too kɔ, maa nɛniɛ! Ga, n nə n too kɔ doɛ̃: N yiri bɔ n bɔ n minin kio, n yiri bɔ n bɔ n dikion kio.

Loen 45:13

Bɛa biikoo li, Tiiri minin kɛn, pàãma lɛa ǹ nə́ la min tumaa nɛ, bɛn tá re gɔn màn boe ǹ da kɔ n la, mà ǹsɛn man nə n mɛ boe n ne.

Suusun 8:34

Min mɛnɛn bɛ́ n too koe ma lon, bɛn wɔ á re bǐɛ̃ koe. Maǹ lɛ̀ wɛɛ maa kiɛnlɛ-a baraa nɛ. Maǹ maa kion a wɔ ǹ kiɛnlɛ lɛduĩ.

Loe kɔɔ̃n kɔɔ̃n 1:15

N tá siĩn dɛ! Maa paa ǹ wɔ, n tá siĩni dɛ! N yii nànan gamaa á kɔɔ̃nɛ, maǹ siĩni ka zɛrɛkantoanan bɛ́ lɔn.

Loe kɔɔ̃n kɔɔ̃n 2:10

Ma din foo dùũ wɔ lɛ lɛ dia ma la, á pɛ ma-n kɛnɛn: «Yoo n daa, maa paa ǹ wɔ, maa paa ǹ wɔ siĩni, yoo n da kiɛ̃.

Loe kɔɔ̃n kɔɔ̃n 4:1

N tá siĩn dɛ, maa paa ǹ wɔ, n tá siĩn dɛ! N mɔnaa ke n yɔrɔ lɛ, n yii nànan gamaa á kɔɔ̃n bɛ nɛ, maǹ siĩni ka zɛrɛkantoanan bɛ́ lɔn. N mìi ka n tì kɔnɔnɔ, ka bòe tìtì kuru n gisĩ Galaati tenten la.

Loe kɔɔ̃n kɔɔ̃n 4:10

Miãnɛn, maa nɛniɛ, n kɔn-narɛɛ á kɔɔ̃nɛ á la yii ni, n sɔɔ min ni á kɔɔ̃nɛ á la duvɛ̃ nɛ. N nyɔɔ gìĩ á kɔɔ̃nɛ, á la nyɔɔ gìĩ kɔɔ̃n tumaa nɛ.

Loe kɔɔ̃n kɔɔ̃n 4:7

Maa paa ǹ wɔ, n siĩnbaa lɛ pã. Haalɛ wɔ̀lɔ̀ boɛɛnɛ, a ba n-a wa.

Loe kɔɔ̃n kɔɔ̃n 5:9

Ebe! Nsɛ kɛ lɛ siĩn lɔn tumaa bii, n bɛ́ min mɛn lɛ narɛ, wàa na a soɛ koe ǹ miã kɔsɔ nɛ? N bɛ́ min mɛn lɛ narɛ, wàa na a soɛ koe ǹ miã kɔsɔ nɛ, bɛ ń toɛ n tá n gɛlɛɛ diɛ wɔ-n kɛnɛn?

Loe kɔɔ̃n kɔɔ̃n 6:1

Ebe! Nsɛ kɛ lɛ siĩn lɔn tumaa bii, n foo dùũ wɔ lɛ na á woo maa? A na á n yɔrɔ dia maa, wɔ ga li kunun n ni.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Zaã a sɛ́wɔ 21:15

Ǹ bɛ́ ǹ nə́ màn bii ǹ nə́ nya, Yezu pɛ Piɛrɛ nɛ: «Zaã a nɛgiĩ Simɔn, n tá masɛ narɛ á la kɛn manɛ?» A ná a lɛ si: «Hiĩ, Dɛnaa, n din tá doɛ̃ mà ma tá n narɛ.» Yezu tɔ́n pɛ nɛ: «Ga maa sère nɛn lɛn walan.»

Korɛnti1 11:1

Ka ma lɛn zɔɔ̃, ka ma dinmaa bɛ́ *Krita lɛn zoɛ̃ lɔn.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Zaaki 2:21

Bɛ̀ ń yaa Lawa wɔ digolo Abrahamu kũ min peperen lɛa, wàa a lɛa nɛ? A zɛnaa ǹ siin lɛa nɛ. A giala, á Lawa bɔlɔ si, mà a tá a nɛgiĩ Izaaki biɛ wúlu bɔ ǹ màn lɛa.

Zaaki 2:25

Lɔ kɔrɔ Rahabu kɛ dɔ wɔ na á n baa miɛ̃. A zɛnaa ǹ siin lɛn man nə́ toa Lawa lɛ kɔ a ganaa. A giala, á lɛ kɔ á Izirayeli minin dia dí-a wolen kũ, á ǹ tamaa doɛ̃, á ǹ kaa zii kɔsɔ la, ǹ nə́ la ǹ nə́ woo.

Zaaki 5:10

Ma dɔɔ̃nɔn lɛn, Lawa a boo gii-dalin mɛnɛn nə boo da ka Dɛnaa tɔ nɛ, ka dɔn nə nɔmaa si ka ganaa ka bɛn lɛn wɔ bɛ́ lɔn.

Piɛrɛ1 3:6

Saaraa na á goã zɛnɛɛ miɛ̃, a na á goã n zuũ Abrahamu bɔlɔ sii, a n bíi mà "Asɛ a dɛnaagiĩ". Kasɛn man bɛa Saaraa lɛ a nɛlɔn lɛa pelo, bɛ̀ ka á bǐɛ̃ zɛnɛɛ miɛ̃, ka n ka a toɛ màn kɔ́n tá nyɛ́ɛ diɛ ka ganaa wa.