Loe kɔɔ̃n kɔɔ̃n 1:5 - LAWA A BOO SONBORE 2011

⁵ Zeruzalɛmu nɛnɛn lɛn, masɛ gɔ̀nɔn nə tì birəəne, sɛnɛ ma á siĩni. Kedaara minin kionən kɛn, ma gɔnɔn lɛ n tì birəə miɛ̃. A laanka bɛ yii ni, masɛ n siĩni, ka Salomɔn a kion mɔnaa nyaǹ dɛnan kɛn bɛ́ lɔn.

LAWA A BOO SONBORE

⁵ Zeruzalɛmu nɛnɛn lɛn, masɛ gɔ̀nɔn nə tì birəəne, sɛnɛ ma á siĩni. Kedaara minin kionən kɛn, ma gɔnɔn lɛ n tì birəə miɛ̃. A laanka bɛ yii ni, masɛ n siĩni, ka Salomɔn a kion mɔnaa nyaǹ dɛnan kɛn bɛ́ lɔn.

Loe kɔɔ̃n kɔɔ̃n 1:5 ပူးပေါင်းရင်းမြစ်များ

Loen 120:5

Bɔ̀n na á masɛ yɛ! Ma din a wo tii baa min kakaarɛn bii ke Mesɛki, ma din a wo giã min baraan bii ke Kedaara.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 45:9

N mɔnaa tumaa n *miíri nyɔɔ gìĩ kɔɔ̃n-a lɛa. N kiibaa ǹ kion ke, ǹ ná a nyaǹ kɔ ka don a díi sɔ nɛ, bɛ̀ dɛ ǹ mànan wuu n boe walan, n foo kɔɔ̃n koe.

Loen 90:17

Dɛnaa Lawa, n die n barka da wɔ ganaa. N die n barka da wɔa nya ǹ dín ganaa, n nyan toa wɔa nya ǹ dí kooro baa wa.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Loe kɔɔ̃n kɔɔ̃n 2:7

Zeruzalɛmu nɛnɛn lɛn, ma gɛlɛɛ ka nɛ! Ma n ka nyankoe ka don woreen laanka don a yuunun tɔ nɛ. Ka baran bũ wa, ka baran ma din foo dùũ wɔ kɛ yii kaa, bɛ̀ a ná a tɔn dɔ a din wɔ lɛ-a wa.

Loe kɔɔ̃n kɔɔ̃n 3:10

Á ná a gòãn zɛnaa ka wɔrɔ nɛ, á ná a tiləə ǹ bǎã zɛnaa ka sana nɛ, á ná a giã ǹ bǎã zɛnaa ka mɔnaa sonbore ne. A gɔ́ɔ̃ ke, Zeruzalɛmu nɛlɔn man nə́ bɛ zɛnaa ka kɔn-narɛɛ nɛ.

Loe kɔɔ̃n kɔɔ̃n 3:5

Zeruzalɛmu nɛnɛn lɛn, ma gɛlɛɛ ka nɛ! Ma n ka nyankoe ka don woreen laanka don a yuùnun tɔ nɛ. Ka baran bũ wa, ka baran ma din foo dùũ wɔ lɛ yii kaa, bɛ̀ a ná a tɔn dɔ a din wɔ lɛ-a wa.

Loe kɔɔ̃n kɔɔ̃n 4:3

N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

Loe kɔɔ̃n kɔɔ̃n 5:16

A sɔɔ min ni n nɔnɔɔ, ka min na a dinmaa tumu saa n mui. Zeruzalɛmu nɛlɔn lɛn, ma din foo dùũ wɔ lɛ n ka bɛ nɛ, maa paa ǹ wɔ lɛ n ka bɛ nɛ.

Loe kɔɔ̃n kɔɔ̃n 5:8

Zeruzalɛmu nɛlɔn lɛn, ma gɛlɛɛ ka nɛ! Bɛ̀ ka n na ma din foo dùũ wɔ lɛ nɛ, ka die ka pɛ-n kaa, mà kɔn-narɛɛ na á busu baa ma ganaa.

Loe kɔɔ̃n kɔɔ̃n 6:4

Maa paa ǹ wɔ, n tá siĩni ka Tirsaa kiwi ni, n tá kiɛ yii ni ka Zeruzalɛmu kiwi ni. Yii á boe n li á la yii ni.

Loe kɔɔ̃n kɔɔ̃n 8:4

Zeruzalɛmu nɛlɔn lɛn, ma gɛlɛɛ ka nɛ! Ka baran bũ wa, ka baran ma din foo dùũ wɔ lɛ yii kaa, bɛ̀ a ná a tɔn dɔ a din wɔ lɛ-a wa.

Izayii 21:16

A giala Dɛnaa boo mɛn pɛ ma nɛ á ke: «Kànaa ka lɛ̀ goon ka te, Kedaara a yii gugurubaa kɛ tumaa á re nyɛɛ.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Izayii 60:7

Kedaara minin tɔɔ kurun kɛn tá re die n soekɔn-a n li. Nebayɔti minin sère gɔ̀lɔ̀n kɛn tá re maa wɔn biɛ, ǹ tá re wúlu boe ǹ ne maa *wúlu bɔ ǹ bǎã kɛ nɛ, Á re *wúlu màn sonbore biɛ ma yii li. Man die maa kion lɛ a siĩnbaa tɔ boe ka bɛ nɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Ezekieli 16:14

N tɔ bɔ gána kɔsɔn nɛ n siĩnbaa lɛ taman yii. A giala, ma nyaǹ mànan mɛnɛn kaa n ganaa, bɛ lɛ na á toa, n siĩnbaa lɛ pã. Masɛ din Dɛnaa Lawa a da ǹ boo ne.

Ezekieli 27:21

Larabu gána minin laanka Kedaara a goledɛnan kɛn tumaa goã pii koe kunun n ni. Bɛn man nə́ goã die sère nɛn we n pii mànan lɛn nɛ, sère gɔ̀lɔ̀n nɛ, butumun ni.

Matiə 10:25

A dàn nɛ kialandɛnaa nə n baa ka a mìilandɛnaa bɛ́ lɔn, dí-nyali nə n baa ka a mìinaa bɛ́ lɔn. Bɛ̀ n nə́ kɛdɛnaa din bíi mà *Sɛtaan, ǹ bɛ́ re tɔn mɛnɛn koe a kion minin ganaa bɛn tá baraa!

Matiə 22:11

Ǹ min mɛnɛn bíi, kii lɛ wɔ á ga ǹ ganaa. Á giĩ goon yɛ, wo kɔn wɔ ǹ bǎã nɛ ǹ mɔnaa ba a ganaa wa.

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Luku 15:22

Sɛnɛ, díi lɛ mà a dí-nyalin ganaa: «Ka da fufuu ka dɔnkɛ sonbore ne a wɔ. Ka kaaran kɔ la a wɔ a gòon-a, ka kɔsɔn kɔ la a ǹ wɔ.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 4:26

Sɛnɛ, lɔ wɔsiɛ kɛ n goon ka lon a Zeruzalɛmu kɛ nɛ, a din nə wɔa náa lɛa.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.