Loe kɔɔ̃n kɔɔ̃n 1:10 - LAWA A BOO SONBORE 2011

¹⁰ Too kaaranan kɛn nə́ na n ganaa, bɔlɔ ganaa ǹ giin kɛn nə́ n wìi si.

LAWA A BOO SONBORE

¹⁰ Too kaaranan kɛn nə́ na n ganaa, bɔlɔ ganaa ǹ giin kɛn nə́ n wìi si.

Loe kɔɔ̃n kɔɔ̃n 1:10 ပူးပေါင်းရင်းမြစ်များ

Siin Giala 24:22

Nyɔɔmaan lɛn bɛ́ ǹ nə́ mu mi ǹ nə́ nya lɔn, giĩ lɛ sana kaaran gole saa á kɔ la, a gugurubaa dɔ garamu sɔrɔ, á gɔn ganaa ǹ sana zan màn paa dɔ kɔ la, bɛn dɔn gogoonmaa a gugurubaa dɔ garamu paabibiɛ.

Siin Giala 24:47

Má nɔ̀n da la dɔn máa die a nɛlɔ n ka asɛ nɛ? Á pɛ ma nɛ: «Milkaa nɛgiĩ mɛn yɛ Nahɔɔrɔ la, a tɔ n Betoeli, bɛa nɛlɔ n ka masɛ nɛ.» Bɛ lɛ nɛ, má kaaran lɛ da a nyin ni, má zanan lɛn kaa a gɔn wìin ganaa.

Siin Giala 24:53

Bɛ kio, bɛ̀rɛgiĩ lɛ mànan waa, ǹ nə́ ǹ tɛn zɛnaa ka wɔrɔ nɛ, ǹ tɛn nə́ sana lɛa, á ǹ kɔ Rebeka la, ka mɔnaan nɛ. Á màn giɔ̀mɔ kakan kɔ nɛnɛn lɛ miãgiĩ laanka ǹ dan dɔ la.

Siin Giala 41:42

Bɛ kio, a ná a gòon ganaa ǹ kaaran bɔ, á wɔ Zozɛfu goon ganaa, á mɔnaa guguru sonboren wɔ a ganaa, á sana gii da a bɔlɔ-a.

Suusun 1:9

Maǹ ka kii bafolo siĩn bɛ́ lɔn n mìi ganaa, ka bɔlɔ-a ǹ gii bɛ́ lɔn n bɔlɔ-a.

Loe kɔɔ̃n kɔɔ̃n 1:11

Wɔ n die too kaaranan zɛnɛɛ ka sana nɛ, wɔrɔ konkoron nə́ ǹ ganaa, wɔ ǹ kɔ n la.

Loe kɔɔ̃n kɔɔ̃n 4:9

Miãnɛn, maa nɛniɛ, n sii n ka a gàã yoo ma li. N ga ma-a gunyin goon din ni, a n ka a gàã yoo ma li. N nyaǹ mànan kɛn n bɔlɔ-a, bɛn goon dinsɔɔ̃ n ka a gàã yoo ma li.

Loe kɔɔ̃n kɔɔ̃n 5:13

A pàãn man ka miíri nyɔɔ gìĩ kɔɔ̃n bǎã bɛ́ lɔn.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Minin nimi 31:50

Bɛ lɛ n ke, wɔ á die ka mànan nɛ Dɛnaa Lawa gɔ ǹ wɔ lɛa, màn mɛn bɛ́ toɛ wɔ nyin nə goã. Wɔ sanan mànan mɛnɛn yɛ, gɔn ganaa ǹ zanan nɛ, nyàan ganaa ǹ mànan nɛ, gòon ganaa ǹ kaaranan nɛ, too mànan nɛ, ka bɔlɔ ganaa ǹ mànan nɛ, wɔsɛn didie n die a wɔ koe.»

Piɛrɛ1 3:4

Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.