Samayeli2 8:11 - LAWA A BOO SONBORE 2011

¹¹ Davida bɛn lɛn dɔn kɔ Dɛnaa Lawa la, kun ka wɔrɔ kɛ laanka sana kɛ nɛ, á ǹ kɔ Dɛnaa Lawa la lɛlɛ. A boo tɔrɔ kɔsɔn mɛnɛn tumaa la, a na a ǹ si bɛn la.

LAWA A BOO SONBORE

¹¹ Davida bɛn lɛn dɔn kɔ Dɛnaa Lawa la, kun ka wɔrɔ kɛ laanka sana kɛ nɛ, á ǹ kɔ Dɛnaa Lawa la lɛlɛ. A boo tɔrɔ kɔsɔn mɛnɛn tumaa la, a na a ǹ si bɛn la.

Samayeli2 8:11 ပူးပေါင်းရင်းမြစ်များ

Samayeli2 8:10

Toyii tɔ́n a nɛgiĩ Zoramu dia kii Davida li, mà a wo fòo da nɛ. A zia mɛn baa Adadezɛɛrɛ ganaa á boo la, má a bɛa fòo da nɛ. A giala, Adadezɛɛrɛ lɛ na á goã Toyii a ziadɛnaa lɛa. Zoramu woo ka wɔrɔ mànan nɛ, sana wɔn nɛ, ka zan wɔn nɛ.

Kiin1 7:51

Kii Salomɔn goã á dí mɛn yii nya Dɛnaa Lawa a kion lɛ ganaa, bɛ yii mìi tã sɔnbɔraanɛ. Ǹ di Davida goã á mànan mɛnɛn kɔ Lawa la, á bɛn goa á daa ǹ kaa Dɛnaa Lawa a kion mànan li. A mànan mɛnɛn lɛn goa á daa ǹ nɛ, sana tan, wɔrɔ tan ka dí nya ǹ mànan nɛ.

KZS1 18:11

Bɛa mànan kɛn lɛn dɔn, kii Davida nə́ ǹ kɔ Dɛnaa Lawa la kũ ka wɔrɔ laanka sana mɛn bɛ á ǹ si tɔrɔ kɔsɔn la: Edɔmu minin ni, Moabu minin ni, Amɔn tɔrɔn nɛ, Filisiti minin ni ka Amalɛki minin ni.

KZS1 29:2

Ma bɛ́ boe sii mɛn din tumaa la maa Lawa a kion lɛ a doe taman yii, ma bɛn yɔrɔ bɔ. Má sana sɔkɔn, wɔrɔ nɛ, zan nɛ, fɔlɔ nɛ ka gɔn nɛ, laadoo mànan zɛnaa a lɛa. Má kɔlɔ tɔrɔ gigiã yɔrɔ bɔ kɔrɔnalini kɔlɔ lɛa, ka kɔlɔ kɔsɔn nɛ, nyaǹ kɔ ǹ wɔn lɛa, kɔlɔ gɔ̀nɔn totoro ne ka kɔlɔ tɔrɔ kɔsɔn nɛ, kɔlɔ giɔ̀mɔ kaka-a tɔrɔ tumaa nɛ ka marbərə fu gigiã nɛ.

KZS2 5:1

Salomɔn goã á dí mɛn yii nya Lawa a kion lɛ ganaa, bɛ yii mìi tã sɔnbɔraanɛ. Ǹ di Davida goã á mànan mɛnɛn kɔ Lawa la, á bɛn goa á daa ǹ kaa Dɛnaa Lawa a kion mànan li. A mànan mɛnɛn lɛn goa á daa ǹ nɛ, sana tan, wɔrɔ tan ka dí nya ǹ mànan nɛ.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.