Samayeli2 7:22 - LAWA A BOO SONBORE 2011

²² Dɛnaa Lawa, n din ni maa Lawa lɛa, n din nə gole. Wɔsɛn nə màn mɛn tumaa ma ka wɔ too ne, bɛ n ka kɛ nɛ: «N miã banban, Lawa kɔsɔ banban á kiɛ̃ n din la wa.»

LAWA A BOO SONBORE

²² Dɛnaa Lawa, n din ni maa Lawa lɛa, n din nə gole. Wɔsɛn nə màn mɛn tumaa ma ka wɔ too ne, bɛ n ka kɛ nɛ: «N miã banban, Lawa kɔsɔ banban á kiɛ̃ n din la wa.»

Samayeli2 7:22 ပူးပေါင်းရင်းမြစ်များ

Samayeli2 22:32

A giala, die kɔsɔ n Lawa lɛa kəni, bɛ̀ n din bie wa, Dɛnaa Lawa? Die kɔsɔ n wɔ tamaɛ, bɛ̀ wɔa Lawa kɛ bie wa?

Kiin1 8:23

– Izirayeli a Lawa, Dɛnaa Lawa, lon laanka tán la, lawa kɔn banban ka Nsɛ bɛ lɔn wa! Lɛ kɔ kɔnla laanka kɔn narɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, ma n bǐɛ̃ koe bɛn ganaa.

KZS1 16:25

Sonbore, Dɛnaa Lawa lɛ n gole. A din lɛ doamaa-n ka tɔ-bɔ nɛ. Á kakaarɛ á la lawan tumaa nɛ.

KZS2 2:5

Ka boo taãnɛ, pàã ba min kɔn lon a kion dɔ a kɔ la wa. Taãn nɛ, lon laanka a golebaa nɛ, a boe la a guĩ wa. Masɛ n die lɛa ma tɔn kion dɔ a wɔ lɛa? Man giɛ máa ma bǎã dinsɔ̃ɔ dɔ, ǹ bɛ́ re wúlu mànan koe la ǹ mɛn nɛ.

Loen 135:5

Sonbore, má dɔ̃ máa Dɛnaa Lawa á gole. Minbuiinin bɛ́ màn mɛn tumaa guguru koe, wɔsɛn Dɛnaa lɛ á gole á la bɛn tumaa nɛ.

Loen 145:3

Dɛnaa Lawa á gole, wɔ doamaa-n wɔ a guguru kɔ taãn-taãnɛ. Min ba boe la n na a golebaa kɛ lɛ-doa dɔ̃ wa.

Loen 44:1

Koore a minin doree kɔ ǹ loe. A n boe loe-saalin goledɛnaa a sɛ́wɔ nɛ.

Loen 48:1

Koore a minin Lawa tɔ bɔ ǹ loe.

Loen 86:10

A giala, mà n tá gole, n tá kaãbaa ǹ siin zɛnɛɛ. N dinsɔɔ̃ n Lawa lɛa.

Loen 86:8

Dɛnaa, n miã banban lawan bii wa. N bɛ́ dí mɛn nyɛɛ, a zɔɔ̃ kɔn-a banban.

Loen 89:6

Dɛnaa Lawa, toa lon a dia dí-a wolen nə n tɔ bɔ, n kaãbaa ǹ siin zɛnaa a lɛa. Toa min sonbore zaman nə n peperebaa kɛ pɛ.

Loen 89:8

Lon a dia dí-a wolen lɛ-sɔkɔn bǎã nɛ, Lawa, n pàã gole kɛ á nyɛ́ɛ diɛ parsiini, n pàã á gole, á nyɛ́ɛ diɛ á la n lɛnpɛnɛɛ wolen kɛn tumaa nɛ.

Loen 96:4

Sonbore, Dɛnaa Lawa lɛ n gole. A din lɛ doamaa-n ka tɔ-bɔ nɛ. Á kakaarɛ á la guguru kɔ ǹ mànan tumaa nɛ.

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 8:10

Ǹ nə́ ǹ geren goa ka giãgiãgiã. A gìĩ na á goã boe gána lɛ paǹ tumaa ganaa.

Bɔ bɛ̀rɛbaa nɛ 8:6

Faarahɔn pɛ mà biɛ̃. Muizu dɔ pɛ: «Ka n bɛ́ n pɛ lɔn, man die zɛnɛɛ miɛ̃, màn mɛn bɛ́ toɛ, n dɔ̃ mà min kɔ́n ba n zoɛ̃ kɔn ka wɔsɛn Dɛnaa Lawa lɛ-n wa.

Bɔ bɛ̀rɛbaa nɛ 9:14

A giala, kanna kəni, man die maa dɔlɔ siin lɛn tumaa yɔrɔ diɛ n dinmaa dɔ la, ka n kiodɛnan nɛ, ka n gána minin ni, màn mɛn bɛ́ toɛ, n dɔ̃ mà min kɔ́n ba tán la, á n zoɛ̃ kɔn ka masɛ Lawa-n wa.

Izayii 40:18

Wɔ n boe la wɔ Dɛnaa Lawa zɔɔ̃ kɔn ka die ne? Wɔ n boe la wɔ wàa mɛn baa a kɔnboe lɛa?

Izayii 40:25

Lawa sonbore n nɔ̀n diɛ: Ka n boe la ka ma zɔɔ̃ kɔn ka die ne? Die n boe la a goã goon ka masɛ nɛ?

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 45:5

Dɛnaa Lawa n ka masɛ nɛ, bɛ̀ á n bɔ masɛ nɛ, Lawa kɔsɔ banban. N tɔn ma dɔ̃ wa, sɛnɛ, man pàã koe n la n sii zɛnaa.

Ezekieli 36:22

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan.

Ezekieli 36:32

Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»

Danayeli sɛ́wɔ 2:45

Kɔlɔ lɛ, á bɔ kele lɛ la a din li á daa fɔlɔ lɛ yɔyɔrɛ, zan lɛ nɛ, gì-tiɛ̃ lɛ nɛ, wɔrɔ lɛ laanka sana lɛ nɛ, bɛ n bɛ giala pii. Kii, sii mɛn bɛ́ re n zɛnɛɛ kɛ kio, Lawa gole na á bɛ nyaa n nɛ. N narɛɛ mɛn wɔ, a din taãn lɛ n ke. A binyəə lɛ dɔ, sàabaa ba la wa.»

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Timəə dí-pɛn 3:24

«Ma nə n sii kɛ zɛnaa, n tá n golebaa laanka n boo sii la nyɛɛ ma nɛ. A giala, lawa mɛn kɔsɔ bɛ́ boe la a n nya ǹ dín kɛn miã nya, a n tɔ bɔ ǹ siin kɛn zɛnaa, a banban lon wa, a banban tán wa.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Timəə dí-pɛn 4:39

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Samayeli1 2:2

Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.