Samayeli2 23:8 - LAWA A BOO SONBORE 2011

⁸ Min mɛnɛn nə goã zia-baali babaraan lɛa kun ka Davida nɛ, bɛn man ka kɛn nɛ: Zosɛbu-Basebɛti mɛn bɛ́ boe Akimonii kiwi. Zia-baali dadaran lɛn nyɛɛnaandɛnaa goon ne. Etnii tɔrɔ nɛ, ǹ tá bii Adinoo, a din lɛ na á min biɛ kiwisi dɛ zia goon gɔ́ɔ̃ nɛ.

LAWA A BOO SONBORE

⁸ Min mɛnɛn nə goã zia-baali babaraan lɛa kun ka Davida nɛ, bɛn man ka kɛn nɛ: Zosɛbu-Basebɛti mɛn bɛ́ boe Akimonii kiwi. Zia-baali dadaran lɛn nyɛɛnaandɛnaa goon ne. Etnii tɔrɔ nɛ, ǹ tá bii Adinoo, a din lɛ na á min biɛ kiwisi dɛ zia goon gɔ́ɔ̃ nɛ.

Samayeli2 23:8 ပူးပေါင်းရင်းမြစ်များ

Samayeli2 10:7

Davida bɛ́ á bɛ ma, á Zoabu dia woe ǹ gialaa, kun ka zia-baalin ni, ǹ mɛnɛn tumaa bɛ́, zia-baa lɛ nə́ ǹ dí baa.

Kiin1 1:8

Sɛnɛ Lawa a wúlu-bɔle Sadɔki ni, Zozadaa a nɛgiĩ Benaazaa nɛ, Lawa a boo gii-dali Natan nɛ, Simeyii ni, Reyii ni, Davida a min foo taãnaan kɛn nɛ, bɛn kɔn goã kun ka Adoniya-n wa.

KZS1 11:10

Davida a zia-baali babaraa nyɛɛnaadɛnan mɛnɛn nə n dɔ lɛ sɔɔ̃nɛ a pàã biikoo lɛ tumaa gɔ́ɔ̃ nɛ, kun ka Izirayeli minin tumaa nɛ, ǹ nə́ koa kii lɛa Izirayeli mìi la, ka Dɛnaa Lawa goã á pɛ lɔn, bɛn man ka kɛn nɛ.

KZS1 27:1

Izirayeli minin mɛnɛn bɛ́ dí nyɛɛ kii ni, ǹ tɔn goa ǹ sɛ́wɔ á ke: Kɛdɛnan manɛ, sɔraasin nyɛɛnaadɛnan mɛnɛn bɛ́ sɔraasi duu goon hinlaa paabiɛ mìi la, sɔraasin sii yɔrɔ-bɔlen ne. Ǹ dí n ka sɔraasi kurun gamawalan nɛ lɛ̀ din tumaa gɔ́ɔ̃ nɛ. Bɛa sɔraasi kurun kɛn lɛn man dí nyɛɛ ǹ nə́ kɔn boboe a ganaa mui li. Sɔraasi kuru goon ne minbuiin nɛ duu fuəwensii (24 000).

KZS1 27:2

Ǹ goã sɔraasin goledɛnan mɛnɛn kio, bɛbn man ka kɛn nɛ: Mui bibinaa, Perɛso a tanlɛ nɛ, Zabdiyeli a nɛgiĩ Yakobamu ni. Min duu fuəwensii na a sɔraasi kuru lɛ nɛ. A din ni sɔraasin nyɛɛnaandɛnan tumaa mìi la mui bibinaa lɛ nɛ.

KZS1 27:32

Davida ǹ dikoɛ Yonatan nə min yiridɛnaa lɛa, sɛ́wɔ-kiɛ̃-li ni. A n kii a yirikɔmala wole lɛa. Yeyiieli n Akimonii min lɛa, kii a nɛnyaanan doroo na a din gɔn.

Sii yɔrɔ-bɔlen 15:15

Dundun mɛn bɛ́, a dɛ ná a tɔn belebɔ wa, Sansɔn bɛ pàãgɔn we yɛ tán. Á n gɔn dia á saa, á giĩ duu goon (1 000) dɛ nɛ.