Samayeli2 22:33 - LAWA A BOO SONBORE 2011

³³ Bɛa Lawa lɛ n maa duru ǹ bǎã sonbore lɛa. A din nə zii lɛ wɛɛ ma nyɛɛnɛ.

LAWA A BOO SONBORE

³³ Bɛa Lawa lɛ n maa duru ǹ bǎã sonbore lɛa. A din nə zii lɛ wɛɛ ma nyɛɛnɛ.

Samayeli2 22:33 ပူးပေါင်းရင်းမြစ်များ

Samayeli2 22:2

Dɛnaa Lawa n ma tamaali lɛa, a din nə maa duru ǹ bǎã lɛa, a din nə maa si sii la wole lɛa.

Zɔbu 22:3

N peperebaa kɛ lɛ tá Pàãyiidɛnaa yii li ǹ sii lɛa ya? Ta ma n nə́ n tɔ wɔ ǹ gɔn tele, bɛ n wàa koe Lawa la?

Loen 101:2

Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

Loen 101:6

Min mɛnɛn bɛ́ foo doamaa wolen lɛa gána lɛ gɔ́ɔ̃ nɛ, man bɛn yii gɔgoɛ̃, ń giɛ, ǹ tá sii yɔrɔ boe kun ma nɛ. Min mɛn a sii zɛnaa ǹ gɔn bɛ́ siĩni, bɛ lɛ n maa dí nya kun wole biɛ.

Loen 119:1

Min mɛnɛn tɔ wɔ ǹ gɔn bɛ́ pepere, ǹ nə́ tɔ we á n kɔnpii ka Dɛnaa Lawa a landa boon kɛn nɛ, Lawa á re barka diɛ bɛn ganaa.

Loen 18:32

A giala, die kɔsɔ n Lawa lɛa kəni, bɛ̀ n din bie wa, Dɛnaa Lawa? Die kɔsɔ n wɔ tamaɛ, bɛ̀ wɔa Lawa kɛ bie wa?

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Loen 46:1

Loe-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Zakarii 10:12

Ma á re pàã koe maa zaman la. Sii mɛn bɛ́ kɔɔ̃n ma ganaa, ǹ tá re bɛ zɛnɛɛ. Dɛnaa Lawa a da ǹ boo ne.»

Korɛnti2 12:9

Sɛnɛ, a na á pɛ ma nɛ: «Maa bǐɛ̃-zɛnaa kɛ dinsɔɔ̃ tá n boe, a giala, man dɔmalɛ we n ne n pàãwɛɛnaabaa gɔ́ɔ̃ nɛ.» Bɛ lɛ n toɛ kanna, ma á n din kalɛɛ maa pàãwɛɛnaabaa gɔ́ɔ̃ nɛ, ń giɛ Krita a dɔmalɛ kɛ tá n koe ma lɛ.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 18:13

Kasɛn nə n doa ka n naa kaa Lawa, Dɛnaa Lawa lɛ ganaa taãn-taãnɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.