Samayeli2 15:31 - LAWA A BOO SONBORE 2011

³¹ Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

LAWA A BOO SONBORE

³¹ Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 15:31 ပူးပေါင်းရင်းမြစ်များ

Samayeli2 15:12

Abusalɔn bɛ́ wúlu mànan lɛn dii ǹ mɛn waáraa, á minin dia Giloo kiwi, mà ǹ wo lɛ dia Giloon giĩ Ayitofɛli la. Bɛa giĩ lɛ na á goã yiri koe Davida la. Abusalɔn a minin lɛn nə́ daa ǹ nə́ mɔnaa. Ǹ kɔn wɔ ma lɛ pàã daa á gole kɔ, kii lɛ a bɔ a daa boo wɔ paǹ li.

Samayeli2 16:23

Ayitofɛli goã doro ǹ boon mɛnɛn koe bɛa biikoo li, minin màn nə́ goã ǹ sii ka Lawa dinmaa na á ǹ pɛ. Ayitofɛli a minin doro ǹ boon lɛn tumaa na á goã miɛ̃. Ta a nə ǹ koe Davida la, ta a nə n koe Abusalɔn la, a din goon ne.

Samayeli2 17:14

Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Samayeli2 17:5

Sɛnɛ, Abusalɔn wusoo á pɛ: «Ka wusoo ka Arkaan giĩ Usayii bíi a daa, màn mɛn bɛ́ toɛ, wɔ a dɔ lɛ gɔ́ɔ̃ ǹ boo ma.»

Samayeli2 17:7

Usayii tɔ́n pɛ Abusalɔn nɛ: «Ayitofɛli a doree ke á kɔ kanna, bɛa siĩn wa.»

Zɔbu 5:12

A din nə yiri baraa-bɔlen sii yɔrɔ bɔ ziziɛ̃. Ǹ taasiɛ baraan lɛn ba yɔrɔ yii wa.

Loen 109:3

Ǹ boon lɛn man zɔ́ɔbaa boon lɛa, ǹ nə́ ma lɛnpɛnɛ nɛ. Maǹ yui ma gialaa kooro kooro.

Loen 3:1

Davida a loe n ke. A baa mɛn si a nɛ Abusalɔn nyɛɛnɛ, loe lɛ n woe kun ka bɛ nɛ.

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Loen 55:10

Dɛnaa! Maa zɔ́ɔn lɛn sii lɔlɔkɔn, toa ǹ dinin nə mɛ kɔn. Má yɛ, kiwi lɛ gɔ́ɔ̃ nɛ, kakaarɛbaa laanka sii lɔlɔkɔn na a tan,

Loen 55:12

Gɛ̀-dɛ nɛ, pàã nyaa kɔn nɛ nɛ, koɛ̃n-koe ne, bɛn manə n zɛnɛɛ a ziin la.

Izayii 19:3

Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Zaã a sɛ́wɔ 13:18

Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: «Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li.»

Korɛnti1 1:20

Ka bɛ nɛ, Lawa nyaa ǹ nɛ, mà kanaa a sii-doɛ̃ siin kɛn lɛn dinin man gàãnaabaa lɛa. Sii-dɔ̃lin man pii mà wàa? Sɛ́wɔ-dɔ̃len man pii mà wàa? Boo doɛ̃ wole dadaran kɛn dɔn man pii mà wàa?

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.