Samayeli1 30:6 - LAWA A BOO SONBORE 2011

⁶ Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.

LAWA A BOO SONBORE

⁶ Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.

Samayeli1 30:6 ပူးပေါင်းရင်းမြစ်များ

Siin Giala 32:7

Dia dí-a wolen lɛn nə́ n bɔyaa, ǹ nə́ daa Zakɔba li, ǹ nə́ pɛ nɛ: «Wɔ́ woo n golo Ezawu lɛ li. A dɔ á zii la die n diɛ n lɛ, ka giĩ biɛsii-n (400) kun ni.»

Samayeli2 17:8

Bɛ kio, Usayii pɛ Abusalɔn nɛ: «N dinmaa bɛ́ n di lɛ laanka a minin lɛn doɛ̃: Giĩ foo taãnaan manɛ, kakaarɛ ka yàra nɛn dan mɛn bɛ́ ǹ ná a nɛnyaanan dɛ don. Ka bɛ dɔ nɛ, n di lɛ bɛ́ n zia-baali lɛa lɛlɛndun, a die lɛ koe a waa tán kun ka a zia-baalin lɛn nɛ wa.

Kiin2 4:27

Lɔ lɛ bɛ́ á woo dɔ Lawa a min lɛ li, kele lɛ la, á Lawa a min lɛ gòãn kũ. Geazi nə́ n zɔ̃ á dɔ, mà a n lɔ lɛ nyɛnɛɛ zuĩ, sɛnɛ, Yiliizee pɛ nɛ mà a toa walan, a giala mà a n yɔrɔ kɔsiɛ gɔ́ɔ̃ nɛ. Mà Dɛnaa Lawa na á duru asɛ la, a pɛ asɛ-n wa.

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Loen 116:10

Maa nɔmaa a la yii-n lɛ gɔ́ɔ̃ nɛ, má goã pii, máa koe na á bɔ ma ganaa, máa min tumaa n soɛ-bɔle lɛa, a laanɛ má goã pii miɛ̃, ma foo goã doa-n Dɛnaa Lawa ganaa.

Loen 138:3

Ma bɛ́ má lɛ dia n la ǹ mɛn pinaa, ń nə́ n nyəə ma la. Ń ma foo taã, ń màn da ma pàã li.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 18:6

Bǎã babaraa kɛ gɔn na á goã ma ganaa, gɛ̀ na á goã á kan koa ma nyɛɛnɛ.

Loen 25:17

Màn nə miɛ maa foo-ziziɛ̃ li, bǐɛ̃ kɔ n ma si maa nɔmaa la.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Loen 31:24

Ka Dɛnaa Lawa narɛ, kasɛn mɛnɛn tumaa bɛ́ a wɔn lɛa. Dɛnaa Lawa n goleemali wolen tamaɛ. Sɛnɛ, min mɛnɛn bɛ́ n dinin gole koe, a n dɔlɔ babaraa boe bɛn ganaa.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 42:5

Lɛlɛ, man má goã miɛ̃ zaman kɛ nyɛɛnɛ zɔ́n biikoo li. Man má goã woe koɛ yǎa Lawa a Kion. Maǹ nə́ goã foo kɔɔ̃nbaa ǹ loe loe, bɛ̀ ǹ Lawa tɔ bɔ. Bɛ̀ ma yiri gisĩ bɛ lɛ-n sisia, ma foo n ziziɛ̃.

Loen 42:7

Ma foo ziziɛ̃ ma din li, maa Lawa. Bɛ lɛ n ke, ma bɛ́ Zurdɛ̃ tà mu a pìã lɛ-a, tenten bǎã nɛ, Ɛrmɔn kele la, ma nə n taasɛ ka n din ni.

Loen 56:11

Man Lawa tɔ boe a lɛ-kɔn kɛn lɛa. Sonbore, man Dɛnaa Lawa tɔ boe bɛa boon kɛn lɛa.

Loen 62:1

Loe-saalin goledɛnaa loe mɛn lɔ. Yedutun na á lɔ. Davida a loe n ke.

Loen 62:5

Ka nə n doɛ mà yǎa ka boe a bǎã nɛ. Soɛ-bɔ n kɔɔ̃n ka ganaa. Ka n Lawa bǐɛ̃ bíi ka ka lɛ nɛ, sɛnɛ, ka n dì bíi ka gɔ́ɔ̃ nɛ. *Doa

Loen 71:4

Maa Lawa, ma si min baraa la, ma si gɛ̀-dɛle baraan kɛn laanka min kakaarɛn kɛn la.

Loen 71:5

Dɛnaa Lawa, n din nə maa foo doa ǹ bǎã lɛa, ma foo n doa nɛ n din ganaa, a kũ maa boɛɛnmaa ganaa.

Bɔ bɛ̀rɛbaa nɛ 17:4

Muizu Dɛnaa nyankɔ: «Ma doamaa nɛ, ma wàa mɛn zɛnaa zaman kɛ nɛ? Bɛ̀ á kiɛ̃ kɛ la boɛɛn nɛ, ǹ tá re ma dii ka kɔlɔ nɛ.»

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zonaasi 2:2

Zonaasi nə́ n toa zɔ̀ lɛ gɔ́ɔ̃ nɛ, á Dɛnaa Lawa, a Lawa lɛ nyankɔ,

Minin nimi 14:10

Zaman lɛ tumaa na á goã, mà ǹ kɔlɔ kaã bɔ ǹ ganaa, sɛnɛ bǎã goon ne, Dɛnaa Lawa a gugurubaa daa n din nyaa Izirayeli minin lɛn manɛ kɔn yɛ ka Lawa nɛ ǹ kion kɛ la.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Matiə 27:22

Pilati tɔ́n nɔ̀n da ǹ la: «Yezu mɛn bɛ́ ǹ tá bíi Minin Nyin-sili, ma wàa zɛnaa bɛ nɛ?» Ǹ dinin tumaa nə́ n toa: «A dere gɔn ganaa!»

Zaã a sɛ́wɔ 8:59

Bɛa boo lɛ taman yii, ǹ nə́ kɔlɔn goa mà maǹ Yezu dii ni. Sɛnɛ, á n duru á soo á n bɔ Lawa a kion.

Rɔmu minin 4:18

Foo-doa bɛ́ a ba sii mɛn din ni doo wa, asɛ nə́ n foo doa Lawa ganaa ka bɛ nɛ. Á golee li mà Lawa á re asɛ biɛ tɔrɔ gigiã a díi lɛa, a giala, Lawa pɛ nɛ: «N tɔrɔ á die mɔnɛɛ ka lon a leeren bɛ́ lɔn.»

Rɔmu minin 4:20

a gɔ́ɔ̃ dɔ nə n lonlankɔ Lawa a lɛ kɔ ǹ boo kɛ lɛ wɔ gɔn la wa, á golee Lawa li ka foo-doa nɛ, a ná a tɔ bɔ.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Korɛnti2 1:6

Ma bɛ́ fuu lɛ yii ke, ka dinin bǐɛ̃ kɔ a lɛa nɛ. Man máa ka foo tãbaa yɛ. Ma foo bɛ́ tã ke, ka dinin foo tãbaa a lɛa nɛ. Ma dɔ fuun mɛnɛn kuubaa si ma ganaa, bɛa foo tãbaa lɛ n toɛ ka dɔn tá bɛa fuun lɛn miãn sii ka ganaa.

Korɛnti2 4:8

Fuu tɔrɔ tumaa n guĩ lɛa ma kɔrɔn ma paǹ tumaa li, sɛnɛ, a ma dii wa; ma gɔ́ɔ̃ n bii ni, sɛnɛ, ma yiri ba n sii ma la wa;

Korɛnti2 7:5

Haalɛ ma bɛ́ má dɔ Masedoanɛ gána nɛ, ma susui yɛ ka duduu wa. Sii kakan nə́ ma yɛ paǹ din tumaa ganaa: má yɔ bɔ kɔn ka min kɔsɔn nɛ, nyɛ́ɛ n ma foo ne.

Ebrəə 13:6

Bɛ lɛ taman yii, wɔ á boe la wɔ pɛ ka foo tãbaa nɛ: «Dɛnaa n maa dɔmalɛ wole lɛa, ma a re nyɛ́ɛ biɛ màn kɔ́n nɛ wa. Minbuiin nɛ n boe la a wàa zɛnaa ma nɛ?»

Sii yɔrɔ-bɔlen 18:25

Dan tɔrɔn lɛn nə́ tɔ́n pɛ nɛ: «Wɔ baran boo ma n lɛ-n doo wa dɛ! Bɛ bie wa, minin tá re yui ka ǹ foo ne, ǹ kaa n la ǹ nə n dɛ taãn-taãnɛ, n din laanka n kion minin nyin tá ka a goã a nɛ.»

Sii yɔrɔ-bɔlen 20:22

Izirayeli minin lɛn nə́ woo wuu pɛ Dɛnaa Lawa ganaa, yǎa wasa mɛ. Ǹ nə́ nɔ̀n da la, mà ǹsɛn doamaa nɛ, ǹ wusoo ǹ wo zia baa ǹ dɔɔ̃n Bɛnzamɛn tɔrɔn lɛn ganaa? Dɛnaa Lawa nə́ ǹ lɛ si: «Ka wo ǹ gialaa.» Izirayeli zaman lɛ foo taã. Ǹ nə n lɛ sɔkɔn bǎã mɛn nɛ bibinaa nɛ zia-baa lɛ taman yii, ǹ nə́ wusoo ǹ nə́ woo n lɛ sɔkɔn walan.

Samayeli1 1:10

A Anɛɛ toa a yɔrɔ-kɔsiɛ gole gɔ́ɔ̃ nɛ, á Dɛnaa Lawa nyankɔ ka yii mu gole ne.

Samayeli1 23:16

Sayulu a nɛgiĩ, Zonaatan lɛ yoo, á bɔ á mɛ zii la, á woo Davida yaa daã lɛ nɛ. Á Davida foo taã ka Lawa a sii ni.

Samayeli1 28:15

Samayeli pɛ Sayulu ni: «Wàa na á baa n ma bíi, ń maa susui lɔlɔkɔn?» Sayulu pɛ: «Ma n nyɛ́ɛ gole gɔ́ɔ̃ nɛ. Filisiti minin man zia diɛ ma-a, Lawa nə́ n wɔlɔ lui ma ganaa. A ba ma lɛ sii doo wa. A ba Lawa a boo gii-dalin hinlaa narɛɛn siɛ doo a tá ma lɛ sii-n wa. Bɛ lɛ nɛ, ma lɛ dia n la, màn mɛn bɛ́ toɛ, ma doamaa bɛ́ nɛ ma sii mɛn zɛnaa, n bɛ pɛ ma nɛ.»