Samayeli1 25:13 - LAWA A BOO SONBORE 2011

¹³ Davida pɛ a minin manɛ: «Didie na a gɔya da a din ganaa!» Didie ná a gɔya da a din ganaa. Davida dɔ ná a gɔya da a din ganaa. Min biɛsii (400) kɛ miã kɔ Davida lɛ, ǹ nə́ woo, min biɛpaa (200) golee ǹ nə́ giã guĩn li.

LAWA A BOO SONBORE

¹³ Davida pɛ a minin manɛ: «Didie na a gɔya da a din ganaa!» Didie ná a gɔya da a din ganaa. Davida dɔ ná a gɔya da a din ganaa. Min biɛsii (400) kɛ miã kɔ Davida lɛ, ǹ nə́ woo, min biɛpaa (200) golee ǹ nə́ giã guĩn li.

Samayeli1 25:13 ပူးပေါင်းရင်းမြစ်များ

Samayeli2 15:18

A dí-nyalin lɛn tumaa daa a li: Kerɛti minin tumaa ka Pelɛti minin tumaa nɛ. Gaati minin kɛn dɔn tumaa, min biɛsɔrɔ (600), ǹ nə́ bɔ Gaati ǹ nə́ daa a kio, bɛn nə́ mɛ kii lɛ nyɛɛnɛ.

Suusun 14:29

Min mɛn bɛ́ boe a din foo la, bɛ n yiridɛnaa lɛa taãn-taãnɛ. Sɛnɛ min mɛn foo bɛ́ a gole yoo-n wa, a siɛ̃ yii n fuu.

Suusun 16:32

Min mɛn foo bɛ́ a yui wa, á soɛ gɔ̀lɔ̀ nɛ. Min mɛn bɛ́ boe a din la, á soɛ zia mìinaa nɛ.

Suusun 19:11

Yiridɛnaa foo á yui naanaa wa. Ǹ bɛ́ baraa mɛn zɛnɛɛ nɛ, bɛ toa walan nə gugurubaa koe la.

Suusun 19:2

Taasiɛ wɛɛ a siĩn wa. Wo fufuu a la yii-n ni die ka siɛ̃ nɛ.

Suusun 20:22

N nyan pɛ: «Man die baraa sarɛɛ ka baraa nɛ.» Sɛnɛ, n foo doa Dɛnaa Lawa ganaa, á re n kirisibiɛ.

Suusun 25:8

N sii mɛn yɛ, n nyan saa lɛlɛ n bɛ pɛ fufuu kiri wɔ ǹ bǎã-n wa. Bɛ̀ n zɔ́ɔ nyaa mà sonbore ba n lon wa, ma nə n biɛ lɔn bɛ kio?

Zozoe 9:14

Izirayeli minin nə́ ǹ màn-bii lɛ kɔn si ǹ nə́ bii, sɛnɛ, ǹ nɔ̀n da Dɛnaa Lawa la ka a lɛ gɔ́ɔ̃ ǹ boo-n wa.

Samayeli1 22:2

Min mɛnɛn tumaa goã foo ziziɛ̃ gɔ́ɔ̃ nɛ, giɔ̀mɔ goã min mɛnɛn tumaa ganaa, min mɛnɛn tumaa yɔrɔ goã kɔsiɛ nɛ, ǹ nə́ woo kaa kun ka Davida nɛ, á n baa ǹ goledɛnaa lɛa. Ǹ nə́ dɔ min biɛsii (400) kɛ miã kun ni.

Samayeli1 23:13

Davida tɔ́n yoo, á zii saa kun ka a minin ni. Ǹ nə́ dɔ min biɛ sɔrɔ (600) kɛ miã. Ǹ nə́ soo ǹ nə́ n bɔ Kelaa kiwi, ǹ wo bǎã mɛn nɛ, mà ǹ nə́ woo walan. Ǹ nə́ pɛ Sayulu ni, mà Davida baa si á n bɔ Kelaa, Sayulu nɔmaa á wo zia la lɛ da.

Samayeli1 25:12

Davida a minin lɛn nə́ n bɔyaa, ǹ nə́ n basa kũ ǹ nə́ woo. Ǹ bɛ́ ǹ nə́ dɔ, ǹ nə́ bɛa boon lɛn yii gũ ǹ nə́ pɛ Davida nɛ.

Samayeli1 27:2

Davida bɔ á mɛ zii la ka a min biɛsɔrɔ (600) lɛ nɛ, á woo bɔ Gaati gána a kii Akiisi li. Akiisi lɛ n Maawɔki a nɛ lɛa.