Samayeli1 22:17 - LAWA A BOO SONBORE 2011

¹⁷ Bǎã-lɛduə̃lin mɛnɛn nə goã golee ne kii lɛ genli, kii lɛ pɛ ǹ nɛ: «Ka n bɔyaa ka Dɛnaa Lawa a wúlu-bɔlen lɛn dɛ ǹ gã. A giala, ǹ dɔn giala n kun ka Davida nɛ, ǹ nə́ dɔ̃ dinin taãn-taãnɛ mà Davida n baa sii, sɛnɛ, ǹ pɛ ma-n wa.» Sɛnɛ, kii a dí-nyalin lɛn nə́ n piã mà ǹ ba ǹ gɔn diɛ Dɛnaa Lawa a wúlu-bɔlen lɛn ganaa wa.

LAWA A BOO SONBORE

¹⁷ Bǎã-lɛduə̃lin mɛnɛn nə goã golee ne kii lɛ genli, kii lɛ pɛ ǹ nɛ: «Ka n bɔyaa ka Dɛnaa Lawa a wúlu-bɔlen lɛn dɛ ǹ gã. A giala, ǹ dɔn giala n kun ka Davida nɛ, ǹ nə́ dɔ̃ dinin taãn-taãnɛ mà Davida n baa sii, sɛnɛ, ǹ pɛ ma-n wa.» Sɛnɛ, kii a dí-nyalin lɛn nə́ n piã mà ǹ ba ǹ gɔn diɛ Dɛnaa Lawa a wúlu-bɔlen lɛn ganaa wa.

Samayeli1 22:17 ပူးပေါင်းရင်းမြစ်များ

Samayeli2 15:1

Bɛa siin lɛn kio, Abusalɔn ga fɔlɔ wotoro goon laanka sùin li a din wɔn lɛa. Á giĩ posooro dɔ bɔ, bɛn nə́ goã miɛ̃ a nyɛɛnɛ bɛ̀ ǹ baa si.

Kiin1 1:5

Bɛa waáraa, Agiti a nɛgiĩ Adoniya na á goã n yiri koɛ kiibaa ganaa bɛ̀ á n pii: «Masɛ din lɛ n die kii biɛ!» Á ga ziabaa ǹ wotoro goon li, ka sùidɛnan laanka min posooro ne, bɛn nə́ goã a nyɛɛnɛ baa sii.

Kiin1 14:27

Kii Roboamu lɛ tɔ́n goóron zɛnaa ka zan nɛ, á ǹ kaa bɛa sana goóron lɛn bǎã nɛ. Min mɛnɛn nə goã kii a kiɛnlɛ-lɛduə̃lin nyɛɛnaandɛnan lɛa, á ǹ gama walan sii toa bɛn gɔn.

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin2 10:25

Ǹ bɛ́ ǹ nə́ wúlu-màn lɛ tã ǹ nə́ nya, Zewu pɛ sɔraasin goledɛnan lɛn laanka ǹ kiodɛnan manɛ: Ka wɔ ka ǹ dɛ, ka baran toa goon nə la a wo wa! Ǹ dɔn nə́ tɔ́n nə ǹ dɛdɛ ka gɔya nɛ, ǹ nə́ ǹ goa ǹ nə́ woo ǹ zũ kanaa. Bɛ kio, ǹ nə́ wusoo ǹ nə́ daa Baali guguru kɔ ǹ kion lɛ nɛ.

Bɔ bɛ̀rɛbaa nɛ 1:17

Sɛnɛ, lɔ nɛ-yolen lɛn nə́ nyɛ́ɛ baa Lawa nɛ. Kii lɛ boo mɛn pɛ ǹ nɛ, ǹ sii lɛ zɛnaa á kɔnpɛ ka bɛ-n wa. Ǹ nə́ nɛgininin lɛn dɔn yii toa koo.

Nya ǹ dín 4:19

Sɛnɛ, Piɛrɛ laanka Zaã nə́ ǹ lɛ si: «Ka dinin nə ga sii màn paa kɛ bii, ǹ mɛn a zɛnaa n pepere Lawa yɔrɔ-a: Wɔsɛn nə ka bɔlɔ si, hinlaa wɔ Lawa bɔlɔ si? Ka dinin nə màn pɛ.»

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 2:31

Á ke, biikoo á re doe, bɛ gɔ́ɔ̃ nɛ, man die n kion min tenən laanka n tanlɛ min tenən dii, min zizi din ná a die yii n kion doo wa.

Samayeli1 20:33

Sayulu ná a sɛmiɛ̃ zũ Zonaatan nɛ, mà a n dii. Zonaatan tɔ́n dɔ̃ mà ǹ di lɛ wen waamaa nɛ ka Davida nyin bɔ boo ne.

Samayeli1 22:13

Sayulu nɔ̀n da la: «Wàa na á baa n din laanka Zesee a nɛgiĩ lɛ nə́ n bɔyaa masɛ li ka durii ni? Wàa na á baa, ń buuru laanka gɔya sa kɔ la? Wàa na á baa ń nɔ̀n da Lawa la ka a sii ni? Pelo, Davida lɛ nə́ n bɔyaa masɛ li, a n kuu koe ma ganaa, ka durii ni, a n die ma dii.»

Samayeli1 22:16

Kii lɛ pɛ: «Akiimelɛki, n tá re giɛ̃ ka n di a kion min tumaa nɛ!»

Samayeli1 25:17

Sisia, n doamaa bɛ́ nɛ n sii mɛn zɛnaa, ga bɛ li n dɔ̃ a giala, Davida laanka a minin lɛn man nə́ golee wɔa dɛnaagiĩ laanka a kion bɔ̀n baa li. Naabaali dinmaa lɛ sɛ sɔ̀n bɛ́ bɔbɔnɛɛ, min bɛ́ a ba doe a li ka boo-n wa.»

Samayeli1 8:11

Á pɛ: «Kii mɛn bɛ́ re goɛ̃ ka mìi la, a n die a pàã zɛnɛɛ yɔrɔ kɛ la: a tá re kaa nɛgiĩn biɛ sɔraasin lɛa, a ǹ kaa ziabaa ǹ wotoron laanka sùin la, ǹ baa si a wotoro nyɛɛnɛ.