Samayeli1 22:16 - LAWA A BOO SONBORE 2011

¹⁶ Kii lɛ pɛ: «Akiimelɛki, n tá re giɛ̃ ka n di a kion min tumaa nɛ!»

LAWA A BOO SONBORE

¹⁶ Kii lɛ pɛ: «Akiimelɛki, n tá re giɛ̃ ka n di a kion min tumaa nɛ!»

Samayeli1 22:16 ပူးပေါင်းရင်းမြစ်များ

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:2

Zezabɛli min dia woe pii Yilii-n kɛnɛn: «N dɔ Baali a wúlu-bɔlen nyín bɔ lɔn, ma dɔ n die n dɔ wɔ boe miɛ̃ biɛ̃ kɛnɛn yirəə. Bɛ̀ ma bɛ zɛnaa duduu wa, dìn die ǹ dɔlɔ babaraa bɔ ma ganaa.»

Ɛsit 3:6

Sɛnɛ, a n gɔn da Mardoose dinsɔɔ̃ ganaa, bɛ na a gɔ́ɔ̃ yɛ wa. A giala ǹ nə́ goã ǹ nə́ Mardoose lɛ tɔrɔn boo da nɛ. Haman lɛ na á goã giɛ li, mà a Mardoose tɔrɔn tumaa dɛ a ǹ nya. Zuifun mɛnɛn bɛ́ Zɛrzɛsi a gána lɛ nɛ, bɛn tumaa.

Suusun 28:15

Nyɛɛnaadɛnaa baraa mɛn bɛ́ boe doobaa zaman yii ni, bɛ n goon ka yàra mɛn bɛ́ wɔɔsiɛ̃, ka gòon màn gole mɛn bɛ́ parɛ.

Danayeli sɛ́wɔ 2:12

Bɛa boo lɛ tumaa na á kii foo yoo, á busu a ganaa parsiini. Bɛ lɛ nɛ, á tɔ́n pɛ, mà ǹ *Baabilonii a doɛ̃-wɔlen lɛn tumaa dɛ.

Danayeli sɛ́wɔ 2:5

Kii doɛ̃-wɔlen lɛn lɛ si á pɛ ǹ nɛ: «Ma parsii boo á ke: Bɛ̀ ka narɛɛ lɛ laanka a binyəə pɛ ma-n wa, man ka kakaɛ̃, ma kaa kionən bɔyaa ma ǹ baa ton ton bɔlɔ lɛa.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Nya ǹ dín 12:19

Erɔdi minin kaa a ganaa mà ǹ ga li, sɛnɛ, ǹ boo la ǹ nə yɛ wa. Á ǹ kaa a ganaa, mà ǹ nɔ̀n da sɔraasin lɛn la taãn-taãnɛ, á tɔ́n pɛ mà ǹ da ǹ nɛ ǹ nə ǹ dɛ. Erɔdi dinmaa bɔ Zudee gána nɛ á woo Sezaaree kiwi, á biikoo kɔ́n zɛnaa walan.

Timəə dí-pɛn 24:16

Ka baran díi dɛ a nɛ a sii baraa zɛnaa taman yii wa, ka baran nɛ dɛ ǹ di a sii baraa zɛnaa taman yii wa. Ka doamaa-n ka didie dɛ a din a sii baraa zɛnaa taman yii.

Samayeli1 14:44

Sayulu pɛ: «Lawa die a dɔlɔ babaraa bɔ ma ganaa, bɛ̀ á daa yaa gɛ̀ dɔlɔ nə n bɔ Zonaatan ganaa wa.»

Samayeli1 20:31

N ba doɛ̃, mà bɛ̀ Davida yii á koo, mà n ba boe la n gána kɛa kii baa duduu wa? Sisia, wo kũ, n da-n kànaa a giala Davida doamaa-n ka gɛ̀ nɛ.»

Samayeli1 22:15

Ma bie a giala koe pelo, má n nɔ̀n diɛ Lawa la ka Davida a sii-n wa. Taasiɛ kɔsɔ wɔlɔ tá lui ni ma ganaa koe! E kii lɛ, n baran sii da n dí-nyali lɛ mìi-n wa. N baran sii da masɛ a kion min kɔn mìi-n wa, a giala, n dí-nyali lɛ bɔ màn kɔn siére-a sii lɛ gɔ́ɔ̃-n wa.»

Samayeli1 22:17

Bǎã-lɛduə̃lin mɛnɛn nə goã golee ne kii lɛ genli, kii lɛ pɛ ǹ nɛ: «Ka n bɔyaa ka Dɛnaa Lawa a wúlu-bɔlen lɛn dɛ ǹ gã. A giala, ǹ dɔn giala n kun ka Davida nɛ, ǹ nə́ dɔ̃ dinin taãn-taãnɛ mà Davida n baa sii, sɛnɛ, ǹ pɛ ma-n wa.» Sɛnɛ, kii a dí-nyalin lɛn nə́ n piã mà ǹ ba ǹ gɔn diɛ Dɛnaa Lawa a wúlu-bɔlen lɛn ganaa wa.