Samayeli1 20:8 - LAWA A BOO SONBORE 2011

⁸ Bǐɛ̃ kɔ n dí-nyali lɛ-a, a giala, n nə n lɛ kɔ ma la ka Dɛnaa Lawa tɔ nɛ. Sɛnɛ, sii woo sii má zɛnaa, bɛ̀ ma zɛ̀rɛ n ka ǹ mɛn nɛ, n dinmaa lɛ ma dɛ, a giala, wàa na á baa, n tá re woe ka ma nɛ yǎa n di li?

LAWA A BOO SONBORE

⁸ Bǐɛ̃ kɔ n dí-nyali lɛ-a, a giala, n nə n lɛ kɔ ma la ka Dɛnaa Lawa tɔ nɛ. Sɛnɛ, sii woo sii má zɛnaa, bɛ̀ ma zɛ̀rɛ n ka ǹ mɛn nɛ, n dinmaa lɛ ma dɛ, a giala, wàa na á baa, n tá re woe ka ma nɛ yǎa n di li?

Samayeli1 20:8 ပူးပေါင်းရင်းမြစ်များ

Siin Giala 24:49

Sisia, bɛ̀ ka á li, ka sii sonbore zɛnaa maa dɛnaagiĩ lɛ nɛ ka bɔlɔgoondɛnaabaa nɛ, ka pɛ ma nɛ. Bɛ̀ a giala yii dɔn wa, ka pɛ ma nɛ, ma wo bǎã kɔsɔ nɛ.

Siin Giala 47:29

A gɛ̀ bɛ́ dirii ǹ mɛn waáraa, a ná a nɛgiĩ Zozɛfu lɛ bíi, á pɛ nɛ: «Bɛ̀ ma sii a kɔɔ̃nɛ n ganaa, n kɔn-narɛɛ laanka n bɔlɔgoondɛnaabaa nyaa ma nɛ. N baran ma gere bĩ Ezipti gána-n wa. N gɔn wɔ ma gisi li, n nyaa, mà ń lɛ kɔ.

Samayeli2 14:32

Abusalɔn tɔ́n pɛ Zoabu ni: «A giala, má goã má lɛ dia n la máa n da kànaa, màn mɛn bɛ́ toɛ, ma n dia woe pii kii ni máa wàa na á baa má bɔ Gesuuru má daa piɛ. Bɛ̀ man tɔn walan, bɛ̀ á soɛ ma ganaa. Kanna, man giɛ li ma kii lɛ yɛ. Bɛ̀ á daa yaa má sii kɔn la, a ma dɛ.»

KZS1 12:17

Bɛnzamɛn tɔrɔ kɔsɔn laanka Zudaa tɔrɔn nə́ woo Davida li a duru ǹ bǎã lɛ nɛ.

Suusun 3:3

Toa n min sonborebaa, n bɔlɔgoondɛnaa baa baraabaraa. N paraa bɛa sɔ̀nɔn lɛn ganaa, n nə ǹ tamaa n foo ne.

Nya ǹ dín 25:11

Bɛ̀ ma zɛ̀rɛ-n sonbore, bɛ̀ má sii la sonbore, sii mɛn bɛ́ gɛ̀ dɔlɔ boe ka bɛ da ma mìi ni, ma ba n piɛ̃ ka gɛ̀-n wa. Sɛnɛ, minin kɛn bɛ́ masɛ zɛ̀rɛ biɛ ka siin mɛnɛn nɛ, bɛ̀ ǹ ba sonbore lɛa wa, min kɔ́n doamaa bie a ma kɔ ǹ la wa. Bɛ lɛ taman yii, man giɛ li Rɔmu a kii gole gole lɛ sii kɛ lɛ a yɔrɔ-bɔle baa.»

Zozoe 2:14

Giĩn lɛn nə́ tɔ́n pɛ nɛ: «Wɔsɛn tá re wɔ dinin koe n lɛa. Yǎa n baran wɔsɛn boo da min ni wa. Bɛ̀ Dɛnaa Lawa gána lɛ kɔ wɔ la ǹ mɛn waáraa, wɔ á re koe wɔ bɔlɔ lɛ, wɔ bǐɛ̃ zɛnaa n nɛ.»

Zozoe 22:22

– Dɛnaa Lawa n lawan Lawa lɛa. Wɔsɛn nə sii mɛn zɛnaa ke, màn mɛn nə wɔsɛn da a ganaa, Dɛnaa Lawa, lawan Lawa lɛ á doɛ̃. Izirayeli minin lɛn tumaa dɔ á re doɛ̃. Bɛ̀ á daa yaa sonbore wɔsɛn nə́ n piã ka Dɛnaa Lawa nɛ, wɔ sii babaraa la la, a nyan toa pelo a lɛawaa kɛ kiɛ̃ wɔsɛn la wa.

Uruti 1:8

Naomii tɔ́n pɛ ǹ manaa min paa lɛ-n kɛnɛn: A bɛ́ miɛ̃, didie wusoo a wo ǹ dan li. Ka bǐɛ̃ gole mɛn zɛnaa masɛ laanka woo wolen kɛn manɛ, Dɛnaa Lawa die a zɛnaa ka dɔn man miɛ̃.

Samayeli1 18:1

Davida bɛ́ á boo da ka Sayulu ni á nya, Zonaatan dama Davida ganaa, á narɛ ka a dinmaa bɛ́ lɔn.

Samayeli1 18:3

Zonaatan nə́ n lɛ kɔ Davida la, a giala, a na á goã narɛ ka a dinmaa bɛ́ lɔn.

Samayeli1 20:16

Zonaatan nə́ n lɛ kɔ Davida laanka a kion minin la, á pɛ: Dɛnaa die a dɔlɔ bɔ Davida a zɔ́ɔn ganaa.

Samayeli1 20:9

Zonaatan nə́ n toa: «Bɛ boo bie wa! Bɛ̀ má dɔ̃ sonbore, má maa díi lɛ nə́ n yɔrɔ bɔ a n die dii, ta á n baa lɔn, ma á re pii n ni.»

Samayeli1 23:18

Ǹ dinin paanan lɛ-kɔ wɔ Dɛnaa Lawa yɔrɔ-a. Davida goã daã lɛ nɛ, Zonaatan nə́ n bɔyaa á woo piɛ.