Samayeli1 20:30 - LAWA A BOO SONBORE 2011

³⁰ Sayulu foo yoo Zonaatan li, á tɔ́n pɛ nɛ: «N màn piã wole, too kaka-a ke! Ma á doɛ̃ ka kɛ nɛ máa n lɛ n kun ka Zesee a nɛgiĩ lɛ nɛ. Sìi nə n din laanka ǹ dan kũ!

LAWA A BOO SONBORE

³⁰ Sayulu foo yoo Zonaatan li, á tɔ́n pɛ nɛ: «N màn piã wole, too kaka-a ke! Ma á doɛ̃ ka kɛ nɛ máa n lɛ n kun ka Zesee a nɛgiĩ lɛ nɛ. Sìi nə n din laanka ǹ dan kũ!

Samayeli1 20:30 ပူးပေါင်းရင်းမြစ်များ

Zɔbu 5:2

Foo-yoo n yiriwɛɛnaa dii, foo a wuu-pɛ n baãnaa dii.

Suusun 14:29

Min mɛn bɛ́ boe a din foo la, bɛ n yiridɛnaa lɛa taãn-taãnɛ. Sɛnɛ min mɛn foo bɛ́ a gole yoo-n wa, a siɛ̃ yii n fuu.

Suusun 15:2

Bɛ̀ sii-dɔ̃li á boo diɛ, daraa sii nə n kuĩ. Sɛnɛ, bɛ̀ yiriwɛɛnaa nə n lɛ bũ, boo kooron manɛ á diɛ.

Suusun 19:12

Kii a foo-yoo na á kɔnbɔ ka yàra a lɛbaa nɛ, sɛnɛ, a sonborebaa n ka pele bɛ́ lɔn buu ganaa.

Suusun 19:19

Foo-yoo gole doamaa-n ka dɔlɔ màn saraa nɛ. Bɛ̀ ká n dɛnaa toa walan, ka n tɔn sɔsɔmɛ diɛ a zɛnaa ganaa.

Suusun 21:24

Min mɛn bɛ́ n din koɛ a n gasɛ we ǹ miãn-a, a n yaa wɔ minin ganaa wole lɛa. A din gole kɔ la yii ni a sii zɛnaan tumaa gɔ́ɔ̃ nɛ.

Suusun 25:28

Min mɛn bɛ́ a boe a din foo la wa, bɛ na á kɔnbɔ ka kiwi mɛn bɛ́ panparaanɛ kungɔn ná a ba a ganaa wa.

Suusun 27:3

Kɔlɔ gole á guguru, nyɔɔsɔ̃ boroo dɔ á guguru. Sɛnɛ, baãnaa a min foo yoo á guguru doo á la bɛn manɛ.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Efɛɛzi minin 4:31

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Efɛɛzi minin 6:4

Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

Samayeli1 20:29

A na á pɛ ma-n kɛnɛn: «Bǐɛ̃ kɔ n toa ma woo, a giala, maa tanlɛ minin man die wúlu boe Bɛtlehɛmu kiwi. Á pɛ dɔn, mà asɛ golo mà a n doa a yɛ a bǎã nɛ. Bɛ lɛ nɛ, mà bɛ̀ asɛ á maa giaára lɛa sonbore, mà ma bǐɛ̃ kɔ ma asɛ toa asɛ baa si a woo, a ǹ dɔɔ̃nɔn yɛ.» Bɛ lɛ n ke, a da kii lɛ a màn bii ǹ bǎã-n wa.

Samayeli1 20:31

N ba doɛ̃, mà bɛ̀ Davida yii á koo, mà n ba boe la n gána kɛa kii baa duduu wa? Sisia, wo kũ, n da-n kànaa a giala Davida doamaa-n ka gɛ̀ nɛ.»