Samayeli1 2:8 - LAWA A BOO SONBORE 2011

⁸ A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.

LAWA A BOO SONBORE

⁸ A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.

Samayeli1 2:8 ပူးပေါင်းရင်းမြစ်များ

Siin Giala 41:14

Faarahɔn minin dia, mà ǹ wo lɛ dia Zozɛfu la. Ǹ nə́ woo Zozɛfu bɔ kòso-n ka baa nɛ, ǹ ná a mìi kɔɔ̃. Bɛ kio, á n sɔlɔ á mɔnaa kɔsɔn wɔ, á tɔ́n woo kii li.

Siin Giala 41:40

N din nə die giɛ̃ maa kion mìi la. Maa minin tumaa á re n bɔlɔ sii, maa kiibaa kɛ dinsɔɔ̃ n die masɛ diɛ n nyɛɛnɛ.»

Samayeli2 7:8

Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

Kiin1 16:2

«Bayesaa goã màn kɔn lɛa wa, sɛnɛ, masɛ n má kũ má baa maa zaman Izirayeli minin nyɛɛnaandɛnaa lɛa. Kanna kəni, a n sii baraa zɛnɛɛ ka Zeroboamu wɔ bɛ́ lɔn, á maa zaman Izirayeli minin lɛn kiɛ sii baraa nɛ, a n we ma lon ne.

Kiin2 9:6

Zewu tɔ́n yoo á wɔ kion. Tɔntɔraagiĩ lɛ nyɔɔ kaa a mìi ni, á pɛ: – Dɛnaa Lawa, Izirayeli a Lawa n kɛ pii: «Man nyɔɔ kɛ loe n ganaa, ma á n biɛ kii lɛa n koɛ maa zaman Izirayeli minin lɛn mìi la.

Zɔbu 1:21

«Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 104:5

N din nə́ ń tán giala wɔ a bǎã nɛ, a ba n boe a bǎã-n wa.

Loen 107:41

Sɛnɛ, a n doobaa kanbiɛ yii koe-yɛ ganaa, a na a sumu minin mɔnɛɛ ka tɔɔ kuru gigiã bɛ́ lɔn.

Loen 24:2

A din na á koa kɔ̀ mu lalan, a din dɔ n kuĩ golee-n mu gole lalan.

Loen 75:3

Lawa lɛ n pii kɛnɛn: Ma bɛ́ re biikoo mɛn koɛ, bɛ̀ bɛ́ dɔ, ma á re kiri kuri ka peperebaa nɛ.

Loen 75:4

Tán tá boe la a yalaa, ka a minbuiinin tumaa nɛ, sɛnɛ, ma din nə kuĩ, ma á golee ne, a giala la. *Doa

Loen 75:7

Ka dɔ̃ mà golebaa bie boe lɛ̀giala-n wa, a bie boe lɛ̀nyɛɛn wa, a bie boe don gɔ́ɔ̃ dɔ din ni wa,

Boo-laakalaali 4:14

Ta bɛa nɛginin kɛ lɛ na á yɛ doobaa lɛa, ta a na á soo kòso kion á pàã saa,

Izayii 22:23

Man die a gòã we tán parsiini, ka yirəə bɛ́ lɔn. Á re gugurubaa koe a díi a sumu la.»

Danayeli sɛ́wɔ 2:48

Bɛ kio, kii lɛ golebaa kɔ Danayeli la, á gɔ ka màn sonbore gigiã nɛ. Á koa Baabilonii bǎã tumaa a gánadɛnaa lɛa, á koa doɛ̃-wɔlen kɛn tumaa dɔ a nyɛɛnaandɛnaa gole lɛa.

Danayeli sɛ́wɔ 4:17

Ma nə́ n da yɛ, gole, gegere, a sasabaa woo yǎa lon a labaran ganaa, min nə́ n toɛ kanaa paǹ tumaa nɛ a yii ná a ganaa.

Danayeli sɛ́wɔ 6:3

Á goledɛnaa dadara sɔɔ koa ǹ mìi la, màn mɛn bɛ́ toɛ, gánadɛnaa dadaran lɛn nə ǹ dí yɔrɔ pɛ bɛn manɛ, sii kɔn dɔ baran n zɛnaa kii laadoo ziziɛ̃ ǹ sii lɛa wa. Bɛa min sɔɔ kɛ lɛ a goon nə ka Danayeli ni.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.

Sii-nyaan 3:21

Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»

Samayeli1 15:17

Yǎa Samayeli tɔn nə n toa: – A laanɛ n mìi goã kiɛɛrɛ n din yii li, n bie ke Izirayeli tɔrɔn lɛn mìi la wa? Dɛnaa Lawa na á n bɔ á n koa Izirayeli a kii lɛa.