Samayeli1 2:30 - LAWA A BOO SONBORE 2011

³⁰ Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.

LAWA A BOO SONBORE

³⁰ Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.

Samayeli1 2:30 ပူးပေါင်းရင်းမြစ်များ

Kiin1 11:11

Dɛnaa Lawa tɔ́n pɛ Salomɔn nɛ: «N bɛ́ n nə́ n tɔ wɔ ǹ gɔn baa kɛnɛn, man gɔn waa n nɛ ka lɛ kɔ kɔn la ǹ boon mɛnɛn laanka landa boon mɛnɛn nɛ, n bɛ́ n bɛn tamaa wa, man die n kiibaa lɛ sii n la ma kɔ n dí-nyalin lɛn goon la.

Kiin1 2:27

Salomɔn Dɛnaa Lawa a wúlu bɔ ǹ dí si Abiataara la, ń giɛ Dɛnaa Lawa a boo lɛ á piɛ̃, a goã á boo mɛn lɛ da Elii a kion wɔ paǹ li Siiloo.

KZS1 17:18

Masɛ Davida n boe la ma wàa boo da n nɛ doo kəni, tɔ gugurubaa kɛ taman yii ń kɔ ma la. Ń din tá n dí-nyali doɛ̃.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 26:18

Ǹ nə́ n doa a nyɛɛnɛ, ǹ nə́ pɛ nɛ: «Wɔa kii, n dinmaa doamaa bie n màn gìĩ kɔɔ̃n kɔ Dɛnaa Lawa la wa. Lawa a wúlu-bɔlen kɛn Aarɔn tɔrɔn lɛa, ǹ nə ǹ mɛnɛn bɔ ǹ nə́ ǹ koa, bɛn dininsɔɔ̃nɔn nyan-di ni. Soo n nə n bɔ Lawa a kion kɛ nɛ! Sii baraa n ka kɛ nɛ n zɛnaa. Dɛnaa Lawa yɔrɔ-a, kɛ a nya ǹ dí sonbore lɛa wa.»

Loen 18:20

Á ma si á ma da, a na á ma si á ma da, a giala a tá ma narɛ.

Loen 18:26

Bɛ̀ min mɛn tá bɔlɔgoondɛnaa lɛa, n dɔ n bɔlɔgoondɛnaabaa sii zɛnɛɛ bɛ nɛ. Bɛ̀ min mɛn a sii á pepere, n dɔ n peperebaa sii zɛnɛɛ bɛ nɛ.

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Loen 73:20

Dɛnaa, bɛ̀ n yoo ǹ li, maǹ die papaɛ̃ ǹ nə n bɔ n yɔrɔ-a, ka min a narɛ ǹ siin bɛ́ papaɛ̃ ǹ nə n bɔ a yɔrɔ-a lɔn, bɛ̀ á yoo nyuù ni.

Loen 91:14

Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Bɔ bɛ̀rɛbaa nɛ 28:43

Aarɔn laanka a nɛgiĩn tá re bɛn we, bɛ̀ ǹ tá re we kɔn yɛ ka Lawa nɛ ǹ Kion kɛ nɛ ǹ mɛn waáraa, hinlaa bɛ̀ ǹ tá re n mɔrɛ *wúlu bɔ ǹ bǎã kɛ ganaa, ǹ wúlu bɔ kion sonbore kɛ nɛ. Maǹ die zɛnɛɛ miɛ̃, màn mɛn bɛ́ toɛ, ǹ baran sã, ǹ gã kooro wa. Kɛ n sii zɛnaa ǹ gɔn lɛa Aarɔn mìi ni, ka a kio nɛnyaanan nɛ, a ba n bɔyɛɛ doɛ̃ wa.

Bɔ bɛ̀rɛbaa nɛ 29:9

N binbin yii ǹ màn yii ǹ bɔsɔ̃-n, n bafolon wɔ ǹ mìin ganaa kəni. Wúlu bɔ ǹ dí lɛ nə ǹ dinin wɔ lɛa, a kɔnpɛ ka sii yɔrɔ bɔ kɛ nɛ. Bɛ ba n bɔyɛɛ doo duduu wa. Bɛa sii kɛ lɛ n die wúlu bɔ ǹ dí lɛ koe Aarɔn laanka a nɛnyaanan la.

Suusun 12:8

Maǹ min tɔ boe a yiriwoorobaa taman yii. Yirikɔkɔrɔdɛnaa wɔ n ka papaã nɛ.

Suusun 4:8

Sii-doɛ̃ saa n kolo-n, á re n siɛ lon. Bɛ̀ ń nə́ n sɔɔ a nɛ, á re gugurubaa koe n la.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Zeremii 29:32

Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

Zeremii 49:15

«Taãn nɛ, Edɔmu, man die n biɛ tɔrɔn tumaa a kiɛɛrɛ lɛa, tɔrɔ mɛn bɛ́ min tumaa ná a puusə koe.

Ezekieli 34:10

Masɛ Dɛnaa Lawa a da ǹ boo á ke: «Á ke, bɛa tɔɔn-lɛduə̃lin kɛn lɛn, ma á re yui ǹ gialaa, ma ǹ tɔɔn lɛn sii ǹ la ma ǹ sɔkɔn, ma ǹ lɛduə̃lin lɛn kaa ma ǹ bɔ dí ni. Ǹ ba re boe la ǹ nə n dinin too doo wa. Ma á re ma a tɔɔn lɛn sii ǹ lɛ la, ǹ ba re ǹ màn-bii biɛ doo wa.»

Danayeli sɛ́wɔ 4:34

Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Malakii 2:3

Ma á re n gɔn wɛɛ ka tɔrɔn kɛn ma-n gɔrɔ. Kasɛn kɛn kəni, man die tɔɔn bù kiɛ ka yɔrɔ nɛ, ka tɔɔn mɛnɛn lɛn dɛ kaa zɔ́nɔn kɛn biikoo li. Man die kasɛn lɛ koe kun ka bɛn nɛ.

Minin nimi 11:20

Sɛnɛ, ka n die soɛ̃ mui goon tumu gɔ́ɔ̃ nɛ, yǎa a n toe ka nɛ, a tìĩ boe ka nyin ni. A giala, Dɛnaa Lawa lɛ n kun ka nɛ, ka ná a puusə kɔ, ka wuu pɛ a yɔrɔ-a ká pɛ: Wàa na á baa wɔsɛn nə́ soo wɔ n bɔ Ezipti gána-n dinin?»

Minin nimi 35:34

Gána mɛn lɛ bɛ́ ka n die giɛ̃ a nɛ, masɛ dinmaa dɔ́ n die goɛ̃ ka bii a nɛ, ka die ka yiri bɔ kəni, ka baran bɛ gɔgɔrɛ kɔ wa. Masɛ din nə Dɛnaa Lawa lɛa, má ń Izirayeli minin lɛn bii.»

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Zaã a sɛ́wɔ 8:49

Yezu nə́ n lɛ si á pɛ ǹ nɛ: «Aba, mànan bie masɛ ganaa wa. Man maa Díi guguru koe, sɛnɛ, kasɛn man masɛ dɔ puusə koe!

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Sii yɔrɔ-bɔlen 9:10

Dan lɛn nə́ tɔ́n pɛ gɔ́rɔ da kɔn tɔrɔ nɛ mà asɛ kiɛ̃ a da giã ǹsɛn mìi la kii lɛa.