Samayeli1 2:29 - LAWA A BOO SONBORE 2011

²⁹ Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.

LAWA A BOO SONBORE

²⁹ Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.

Samayeli1 2:29 ပူးပေါင်းရင်းမြစ်များ

Kiin2 12:6

Lawa a wúlu-bɔlen lɛn nə bɛa wɔrɔ lɛ si ǹ wɔrɔ koa-lin la. Lawa a kion lɛ a paǹan mɛnɛn bɛ́ kɔnboe ka zɛnaa nɛ, ka die ka bɛn zɛnaa nɛ.

Loen 26:8

Dɛnaa Lawa, n giã ǹ kion kɛ tá kɔɔ̃n ma ganaa. N gugurubaa kɛa giã ǹ bǎã á kɔɔ̃n ma ganaa.

Ezekieli 13:19

Ka masɛ yii puusə kɔ, maa zaman lɛ yɔrɔ-a, *ɔrzi gɔn yii goon a lɛa ka buuru lɛkoron ne. Ka doamaa bɛ́ nɛ ka min mɛnɛn yii toa koo, ka n bɛn dii; ka doamaa bɛ́ nɛ ka min mɛnɛn dɛ, ka ǹ bɛn yii toɛ koo. Maa zaman lɛ bɛ́ a ba n mìi bibiĩ doɛ̃ wa, ka nə ǹ yiri siɛ̃ ka bɛa yɔrɔ lɛ nɛ.»

Ezekieli 34:10

Masɛ Dɛnaa Lawa a da ǹ boo á ke: «Á ke, bɛa tɔɔn-lɛduə̃lin kɛn lɛn, ma á re yui ǹ gialaa, ma ǹ tɔɔn lɛn sii ǹ la ma ǹ sɔkɔn, ma ǹ lɛduə̃lin lɛn kaa ma ǹ bɔ dí ni. Ǹ ba re boe la ǹ nə n dinin too doo wa. Ma á re ma a tɔɔn lɛn sii ǹ lɛ la, ǹ ba re ǹ màn-bii biɛ doo wa.»

Ezekieli 34:2

– Minbuiin a nɛ, maa boo kɛ da Izirayeli zaman nyɛɛnaandɛnan kɛn wɔ paǹ li n pɛ ǹ nɛ, mà masɛ Dɛnaa Lawa a da ǹ boo á ke: «Izirayeli a zaman-lɛduə̃lin mɛnɛn bɛ́ giɛ ǹ dininsɔɔ̃nɔn walan, ǹ nə́ ǹ ba giɛ zaman kɛ walan wa, bɔ̀n nə bɛn wɔ lɛa!

Ozee 4:8

Maǹ nə́ n dinin toe ka maa zaman lɛ a wúlu mànan nɛ. Maa zaman a sii baraan kɛn, bɛn man kɔɔ̃nɛ ǹ ganaa.

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Matiə 22:16

Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Luku 14:26

«Bɛ̀ min mɛn daa kɔ masɛ lɛ, bɛ̀ a masɛ soɛ kɔ ǹ di-n wa, ka ǹ dan nɛ, ka a lɔ nɛ, ka a nɛnyaanan nɛ, ka ǹ dɔɔ̃ngiĩn ni ka ǹ dɔɔ̃nlɔn nɛ wa, haalɛ a dinmaa, ǹ dɛnaa ba boe la a masɛ a kialandɛnaa baa wa.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zozoe 18:1

Izirayeli zaman tumaa nə́ n lɛ sɔkɔn Siiloo. Ǹ nə́ kɔn yɛ ka Lawa nɛ ǹ mɔnaa kion kɛ doa walan. Bɛ á zɛnɛɛ, bɛ̀ ǹ nə́ boo gána lɛ la.

Samayeli1 3:13

Má pɛ nɛ, máa ma á re dɔlɔ boe a kion ganaa duduu a sã lɛ taman yii. Á goã doɛ̃ mà a nɛnyaanan lɛn man barka boe masɛ Lawa nɛ, sɛnɛ, a na á bɔ ǹ gɔn lɛ-a wa.