Samayeli1 19:10 - LAWA A BOO SONBORE 2011

¹⁰ Sayulu mà a n Davida foɛ̃ ka sɛmiɛ̃ nɛ a dama kion gɔ̀nɔn-a, sɛnɛ, Davida nə́ n kanaa á n bɔ Sayulu a sɛmiɛ̃ lɛ li. Sayulu a sɛmiɛ̃ lɛ kiɛ̃ á nyəə kion gɔ̀nɔn ganaa, Davida baa si, á la bɛa tèlò lɛ nɛ.

LAWA A BOO SONBORE

¹⁰ Sayulu mà a n Davida foɛ̃ ka sɛmiɛ̃ nɛ a dama kion gɔ̀nɔn-a, sɛnɛ, Davida nə́ n kanaa á n bɔ Sayulu a sɛmiɛ̃ lɛ li. Sayulu a sɛmiɛ̃ lɛ kiɛ̃ á nyəə kion gɔ̀nɔn ganaa, Davida baa si, á la bɛa tèlò lɛ nɛ.

Samayeli1 19:10 ပူးပေါင်းရင်းမြစ်များ

Loen 124:7

Wɔ́ kirisibaa biɛ-koalin biɛ ganaa. Wɔ́ kirisibaa ka bàan bɛ́ lɔn. Biɛ na, wɔ́ la.

Loen 18:17

Dɛnaa Lawa nə́ n toa lon, á n gɔn dia. Sii mɛn lɛ á ke, mà a n ma bii ka mu gole ne, á ma bɔ á ma bɔ a nɛ.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Loen 37:32

Min baraa n kuu koe min sonbore ganaa, á n zoɛ̃ li mà a dɛ a gã.

Suusun 1:16

Maǹ baa sii sii baraa zɛnɛɛ, manə n nanɛɛ gɛ̀ dɛ li.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Matiə 10:23

Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Luku 4:30

sɛnɛ, Yezu bɔ ǹ gɔn yɛ ǹ bii, á woo.

Zaã a sɛ́wɔ 10:39

Bɛ kio, ǹ nə́ wusoo ǹ nə́ ga a kũ ǹ gɔn li doo, sɛnɛ, á la ǹ la á woo.

Ebrəə 11:34

ǹ nə́ tɛ dadaran pàã nya, ǹ nə́ kirisibaa gɔya gɛ̀ ganaa. Ǹ nə́ goã pàã wɛɛnaan lɛa, ǹ pàã gole kɔ. Ǹ nə́ giĩbaa nyaa zia la, ǹ nə́ gána kɔsɔn zia-baalin loo.

Samayeli1 18:10

Bɛa lɛawaa, Dɛnaa Lawa nɔ̀ɔn baraa lɛ da Sayulu ganaa, Sayulu goã nɔ̀ɔndɛnan siin zɛnɛɛ kion fúlu bii. Davida goã a tùtu lɛ dii ka a bɛ́ nɛn bɛ̀ a dɛ lɛawaa gialakunun kɛn li lɔn. Sɛmiɛ̃ na á goã Sayulu gɔn bɛa pinaa kɛ lɛ nɛ.

Samayeli1 18:11

Sayulu ná a sɛmiɛ̃ lɛ zũ. A na á goã pii a din gɔ́ɔ̃ nɛ: «Man die Davida foɛ̃, a dama kion gɔ̀nɔn ganaa.» Á sɛmiɛ̃ lɛ zũ gunyin paa, sɛnɛ, Davida nə́ n kanaa á n bɔ li.

Samayeli1 19:6

Sayulu Zonaatan bɔlɔ si, á tɔ́n nə n liɛ ka Dɛnaa Lawa Yiikoonaa tɔ nɛ mà asɛ a die Davida dii wa.

Samayeli1 20:33

Sayulu ná a sɛmiɛ̃ zũ Zonaatan nɛ, mà a n dii. Zonaatan tɔ́n dɔ̃ mà ǹ di lɛ wen waamaa nɛ ka Davida nyin bɔ boo ne.