Samayeli1 17:46 - LAWA A BOO SONBORE 2011

⁴⁶ Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.

LAWA A BOO SONBORE

⁴⁶ Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.

Samayeli1 17:46 ပူးပေါင်းရင်းမြစ်များ

Siin Giala 40:19

Lɛawaa sɔɔ kɛ kio, Faarahɔn lɛ á die n mìi kuri, a bɔ a ganaa, a nə n dinmaa lɔɔ da ganaa, lon bàanan nə da n siĩ mui.»

Samayeli2 18:28

Ayimasi bɛ́ á dɔ, á n lɛ dɛ á pɛ kii ni: «Fòo ka là nyantoro ne!» Bɛ kio, á kaa tán kii giulun guguru kɔ ǹ sii lɛa á pɛ nɛ: «Ma á barka diɛ n Lawa, Dɛnaa Lawa kɛ nɛ. A giala, min mɛnɛn bɛ́ ǹ nə́ yoo maa dɛnaagiĩ kii gialaa, Lawa nə́ ǹ kɔ wɔsɛn la.»

Samayeli2 21:10

Ayia a nɛlɔ Rispaa mɔnaa kəkə saa á naa tán gɛ̀fu la. Á giã walan, a saa ɔrzi kurii waáraa ganaa, yǎa la wusoo á kaa, á daa nɛnyaanan lɛn gere yaa tán. Bɛ̀ lɛ̀ waa, a toɛ bàanan tá miɛ̃ ǹ gere la wa. Tèlò-n, a na á goã don màn babaraan lui ǹ gere ganaa.

Kiin1 8:43

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.

Kiin1 8:60

Bɛ á re toɛ kanaa tɔrɔn tumaa dɔ̃, mà Dɛnaa Lawa lɛ n Lawa lɛa, mà kɔsɔ bie a tan wa.

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

Kiin2 5:15

Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

Loen 31:8

Foo kɔɔ̃nbaa gɔ́ɔ̃ nɛ, manə n nyɛnyɛɛ, n din a kɔn-narɛɛ gole kɛ taman yii. A giala, n bɛ́ ń maa nɔmaa yɛ, ń maa fuu gole kɛ dɔ̃,

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 37:20

Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 56:9

Ka dinin tumaa, wuru gɔ́ɔ̃ nɛ ǹ tɔɔn, ka daã gòã li wɔn nɛ, ka da màn bii!

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 34:20

Man die ǹ we ǹ zɔ́ɔn gɔn, ka min mɛnɛn bɛ́ zoɛ̃ ǹ gɛ̀ li. Ǹ siĩ á re zèwon laanka tolokan màn-bii biɛ.

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 3:29

Bɛ lɛ nɛ, masɛ á kɛ pii koɛ tán: «Tɔrɔn tumaa bii, gána woo gána nɛ, bɔlɔ woo bɔlɔ a pɛlen bii, bɛ̀ min mɛn boo baraa da Sadraki laanka Mesaki ka Abɛdi-Negoo a Lawa ganaa, ǹ die ǹ bɛa dɛnaa kakã, ǹ na a kion bɔyaa, ǹ baa kɛbɔlɔ lɛa. A giala, lawa kɔsɔ banban, a boo la a min bɔ sii-n kɛnɛn wa.»

Matiə 24:28

Bɛ̀ màn gere a bǎã mɛn nɛ, zèwon ma nə n lɛ soekɔn walan.

Timəə dí-pɛn 28:26

Ka gere á re kaa gána a don mànan laanka bàanan wɔ biɛ, min dɔ ná a re yii a ǹ loo wa.

Timəə dí-pɛn 7:2

Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

Timəə dí-pɛn 7:23

Sɛnɛ, kaa Lawa, Dɛnaa Lawa á re bɛa tɔrɔn kɛn lɛn we ka gɔn. Á re nyɛ́ɛ gole diɛ ǹ ganaa, ǹ tá re giɛ̃ ǹ nya.

Zozoe 10:8

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, má ǹ wɔ n gɔn. Min goon din ba re golee n nyɛɛn wa.»

Zozoe 4:24

A na á bɛ zɛnaa, màn mɛn bɛ́ toɛ, kanaa minbuiinin tumaa dɔ̃, mà Dɛnaa Lawa pàã á gole. Màn mɛn bɛ́ toɛ dɔn, ka dininmaan lɛn nə nyɛ́ɛ baa kaa Lawa, Dɛnaa Lawa nɛ biikoo tumaa li.»

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

Samayeli1 17:44

Filisiti min lɛ pɛ Davida-n doo: «Kiɛ̃ n da kànaa, man siĩ kɔ bàanan laanka don mànan la.»