Samayeli1 17:45 - LAWA A BOO SONBORE 2011

⁴⁵ Davida pɛ Filisiti min lɛ nɛ: «Ma n die masɛ ganaa ka gɔya sa laanka sɛmiɛ̃n nɛ, sɛnɛ, masɛ n die n ganaa ka Dɛnaa Lawa Pàãyiidɛnaa tɔ nɛ. Ma nə n sɔ kɔ a din lɛ ganaa, Izirayeli minin Lawa lɛ.

LAWA A BOO SONBORE

⁴⁵ Davida pɛ Filisiti min lɛ nɛ: «Ma n die masɛ ganaa ka gɔya sa laanka sɛmiɛ̃n nɛ, sɛnɛ, masɛ n die n ganaa ka Dɛnaa Lawa Pàãyiidɛnaa tɔ nɛ. Ma nə n sɔ kɔ a din lɛ ganaa, Izirayeli minin Lawa lɛ.

Samayeli1 17:45 ပူးပေါင်းရင်းမြစ်များ

KZS2 14:10

Azaa lɛ dia Dɛnaa Lawa, a Lawa la, á gu da nɛ, á pɛ: «Dɛnaa Lawa, n dinsɔɔ̃ n boe la n wɔ pàãdɛnaa laanka pàãwɛ̃naa bii. Da n dɔ wɔ lɛ Dɛnaa Lawa, wɔa Lawa! Wɔ foo n doa nɛ n din ganaa. Wɔ n woe sɔraasi damata kɛ gialaa ka n din tɔ nɛ. Dɛnaa Lawa n din ni wɔa Lawa lɛa. N nyan lɛ kɔ minbuiin nɛ gɔ̀lɔ̀baa yɛ n la wa!»

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

Loen 124:8

Wɔsɛn dɔmalɛ wole n ka Dɛnaa Lawa din ni. A din na á lon laanka tán zɛnaa.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 20:8

Kɛn mà ziabaa ǹ wotoron, kɛn mà ziabaa ǹ sùin, sɛnɛ wɔsɛn Dɛnaa Lawa tɔ ke, bɛ lɛ n wɔsɛn lɛ-n.

Loen 3:8

Dɛnaa Lawa, n dɔ ma lɛ! E, maa Lawa, da ma la! N din lɛ n dɔlɔ boe maa zɔ́ɔn tumaa ganaa. N din lɛ n toɛ, min baraan kɛn ba boe la ǹ basaã kɔ ma-n wa.

Loen 44:6

Ka n din pàã nɛ, wɔ́ wɔa zɔ́ɔn lɛn loo. Ka n din tɔ nɛ, wɔ́ tɔtɔrɔ wɔa ziadɛnan lɛn la.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 37:28

Ma tá n giã tán biikoo doɛ̃, n soo laanka n wɔ kion biikoo ne, hinlaa bɛ̀ n foo yoo masɛ li.

Korɛnti2 10:4

Haayii, wɔsɛn ziabaa ǹ mànan bie kanaa a minbuiinin wɔn lɛa wa, sɛnɛ, ǹ pàã n boe Lawa li, ǹ nə́ Lawa a zɔ́ɔn sii ziziɛ̃. Min mɛnɛn bɛ́ taasiɛ gole we ǹ dinin ganaa, maǹ bɛn taasiɛ ziziɛ̃.

Korɛnti2 3:5

Sonbore ne, ma a boe la ma taasɛ, máa ma á boe la, ma bɛa dí kɛ miã nya ka ma din pàã-n wa. Ma pàã lɛ n boe Lawa li.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Samayeli1 17:10

Filisiti min lɛ nə́ n toa. «Pelo, man yoo diɛ Izirayeli minin sɔraasin lɛn ganaa! Kaa min goon da masɛ-a, wɔ kɔn dɛ.»

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»

Samayeli1 17:6

Màn mɛn goã koe ne a gòãn lɛ, a dɔ na á goa zan lɛa. Á zan sɛmiɛ̃ lɔɔ a kɔkɔrɔ nɛ.