Samayeli1 17:43 - LAWA A BOO SONBORE 2011

⁴³ Filisiti min lɛ pɛ Davida nɛ: «Ma n die masɛ ganaa ka bàlàn nɛ, gin nə ka ma-n nɛ?» Filisiti min lɛ ná a dìn bibii Davida li mà ǹ koe bɔ a ganaa.

LAWA A BOO SONBORE

⁴³ Filisiti min lɛ pɛ Davida nɛ: «Ma n die masɛ ganaa ka bàlàn nɛ, gin nə ka ma-n nɛ?» Filisiti min lɛ ná a dìn bibii Davida li mà ǹ koe bɔ a ganaa.

Samayeli1 17:43 ပူးပေါင်းရင်းမြစ်များ

Siin Giala 27:29

Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Samayeli2 16:5

Kii Davida bɛ́ doe Bawurimu kiwi, bɛ̀ giĩ goon dɔ n soe kiwi lɛ nɛ. Sayulu a kion minin kɛn tanlɛ min ni. A tɔ n Simeyii, Geraa a nɛgiĩ ni. A bɛ́ soe, a na á goã lɛn baraa bíi.

Samayeli2 16:9

Seruzaa a nɛgiĩ Abisayii tɔ́n pɛ kii ni: «Maa dɛnaagiĩ kii ganaa, wàa na á baa n tá toɛ, gin kooro kɛ n lɛn baraa bíi n li? Toa ma kiɛ̃ ma wo a mìi kuru.»

Samayeli2 3:8

Bɛa boon lɛn nə́ Abnɛɛrɛ foo yoo parsiini, á tɔ́n pɛ: – Zudaa minin lɛn gin nə ka masɛ nɛ? A da kaa pelo lɛ, man tɔn bǐɛ̃ zɛnɛɛ n di Sayulu a kion minin manɛ, n dɔɔ̃nɔn nɛ, ka n giaáran nɛ. Má n doa, màn mɛn bɛ́ toɛ, Davida gɔn nyan dɔ n ganaa wa. Pelo-n kəni, n tá ma zɛ̀rɛ biɛ lɔ kɛa sii taman yii!

Samayeli2 9:8

Mefibosɛti kaa tán a giulun á n mìi zuməə tán, á pɛ nɛ: «Masɛ nə n bɛ̀rɛgiĩ lɛa. Man wàa lɛa kəni, n tɔn ga masɛ gin gere kɛ miã walan?»

Kiin1 20:10

Bɛn-Adaadi tɔ́n minin dia pii Akaabu ni: «Min mɛnɛn bɛ́ re koe masɛ lɛ ǹ da Samarii kiwi, bɛ̀ Samarii kiwi lɛ a yu ǹ tii bɛn gɔnɔn pã, dìn die ǹ dɔlɔ babaraa bɔ ma ganaa.»

Kiin2 8:13

Azayeli nə́ n toa: «Masɛ n wàa lɛa, kɛ miã a zɛnaa ǹ pàã tɔn boo la a yɛ ma lon?» Yiliizee ná a lɛ si: «Dɛnaa Lawa na á pɛ ma nɛ, mà n tá re kii biɛ Siirii gána mìi la.»

Suusun 26:2

Leere bàan bɛ́ kiɛ̃ lon lɔn, bàan bɛ́ yui tán lɔn, liɛ mali mɛn bɛ́ mìi ba la wa, bɛa min kuĩ wa.

Minin nimi 22:6

Bǐɛ̃ kɔ n daa kəni, n lɛn baraa bii bɛa tɔrɔ kɛ lɛ a minin lɛn li, masɛ a lɛa. A giala, ǹ pàã la masɛ wɔ nɛ. Bɛ̀ ń lɛ kɔ, kɔntan, masɛ á die boe ǹ la, ma ǹ loo ma ǹ bɔ bǎã lɛ nɛ. A giala, ma á doɛ̃, bɛ̀ ń barka da min woo min ganaa, bɛ wɔ n bǐɛ̃ koe, bɛ̀ ń lɛn baraa bii min woo min li, bɛ wɔ n ziziɛ̃.

Sii yɔrɔ-bɔlen 9:27

Ǹ nə́ soo ǹ nə́ woo don, ǹ nə́ woo rezɛ̃ da nɛ na, ǹ ná a mu bɔ, ǹ nə́ zɔ́n zɛnaa nɛ. Bɛ kio, ǹ nə́ woo kaa ǹ dì kion, ǹ nə́ màn bii, ǹ nə́ duvɛ̃ mi, ǹ nə́ lɛn baraa bíi Abimelɛki li.

Samayeli1 14:12

Min mɛnɛn bɛ́ bǎã lɛ nɛ, ǹ nə́ n toa Zonaatan laanka a ziabaa ǹ mànan-gũli lɛ ganaa: «Ka kiɛ̃ ka da wɔ ganaa, wɔ sii kɔn nyaa ka nɛ.» Zonaatan pɛ a ziabaa ǹ mànan-gũli lɛ nɛ: «Kɔ ma kio lɛ: Dɛnaa Lawa na á ǹ wɔ Izirayeli minin gɔn.»

Samayeli1 24:14

Ka lɛlɛ suusu lɛ bɛ́ pii lɔn: «baraabaa lɛ n boe min baraan nɛ!» Bɛ lɛ-n ke masɛ gɔn ba re miɛ n ganaa wa.

Samayeli1 24:15

Nsɛ, Izirayeli a kii, ma nə n soo woe die gialaa? Ma n die kio lui? Masɛ din kooro kɛ lɛ. Ma a soɛ gin gere-n wa, ma a soɛ dìwi dɔ-n wa.