Samayeli1 17:34 - LAWA A BOO SONBORE 2011

³⁴ Davida pɛ Sayulu ni: «Man má goã tɔɔn lɛduĩ, maa díi li piɛ. Bɛ̀ yàra hinlaa gòon màn gole daa, mà a n tɔɔn lɛn goon kuĩ,

LAWA A BOO SONBORE

³⁴ Davida pɛ Sayulu ni: «Man má goã tɔɔn lɛduĩ, maa díi li piɛ. Bɛ̀ yàra hinlaa gòon màn gole daa, mà a n tɔɔn lɛn goon kuĩ,

Samayeli1 17:34 ပူးပေါင်းရင်းမြစ်များ

Siin Giala 31:39

Bɛ̀ don mànan nə́ n tɔɔ mɛn kũ, ma bin na a siĩ lɛkaran goa, má daa ǹ kɔ n la wa, ma din nə nɛn bɛ̀ ma ǹ saraa. Bɛ̀ minin nə́ tɔɔ mɛn koã ma li penlee-n hinlaa tèlò-n, n nə ǹ goɛ̃ bɛ̀ n bɛ liɛ ma la.

Samayeli2 17:8

Bɛ kio, Usayii pɛ Abusalɔn nɛ: «N dinmaa bɛ́ n di lɛ laanka a minin lɛn doɛ̃: Giĩ foo taãnaan manɛ, kakaarɛ ka yàra nɛn dan mɛn bɛ́ ǹ ná a nɛnyaanan dɛ don. Ka bɛ dɔ nɛ, n di lɛ bɛ́ n zia-baali lɛa lɛlɛndun, a die lɛ koe a waa tán kun ka a zia-baalin lɛn nɛ wa.

Samayeli2 23:20

Goon dɔ n ka Zozadaa a nɛgiĩ Benaazaa nɛ, ǹ di gole n zia-baali babaraa lɛa, boe Kabsɛli kiwi. Benaazaa sii dadara gigiã zɛnaa: A din na á Moabu a yàra min paa lɛ dɛ. Ǹ kɔn pinaa, nyan a mu da nyuù wɔ ganaa biikoo li, a din na á wɔ nyankɔrɔ goon ne, á yàra dɛ.

KZS1 11:22

Goon dɔ n ka Zozadaa a nɛgiĩ Benazaa nɛ, ǹ digole n zia-baali babaraa lɛa, boe Kabsɛli kiwi. Benazaa sii dadaraa gigiã zɛnaa: A din na á Moabu gána a sɛ̀mɔɔ min paa lɛ dɛ. Ǹ kɔn pinaa, nyan a mu da nyuù wɔ ganaa biikoo li, a din na á wɔ nyankɔrɔ goon ne, á yàra dɛ.

Loen 143:5

Ma nə n yiri koe ka lɛlɛ ǹ siin kɛn nɛ, n sii mɛn tumaa zɛnaa, ma nə n taasɛ bɛ nɛ. N dí mɛn nya, ma nə n taasɛ bɛn nɛ.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Amɔɔsi 3:12

Dɛnaa Lawa na á pɛ: Bɛ̀ yàra tɔɔn-lɛduə̃li a tɔɔ kũ, ta a na á sɔ̃ á toa a gòã paa kɛ li hinlaa a too lɛkoro li, a n bɛ lɛ baɛ̃, a bɔ a lɛ-a. Izirayeli minin mɛnɛn bɛ́ giã-n Samarii kiwi, giã ǹ bǎã sonboren ne, ma dɔ n die bɛn lɛn gialakun boɛɛn sii, ǹ zɔ́ɔn la miɛ̃.

Zakarii 11:16

A giala, man die tɔɔ-lɛduə̃li kɔsɔ diɛ gána lɛ nɛ: Sèren mɛnɛn bɛ́ ǹ banban, a re n taasɛ bɛn nɛ wa, ǹ mɛnɛn nə papaã, a re giɛ bɛn li wa, ǹ mɛnɛn bɛ́ busulən lɛa, a re giɛ bɛn walan wa, ǹ mɛnɛn bɛ́ kakabaa la, a re màn kɔn koe bɛn la wa. Sɛnɛ, n mɛnɛn bɛ́ kasiɛ̃ nɛ ǹ bii, a n die bɛn soɛ̃, a ǹ gòon tɔnɔn wɔwoɛ̃.»

Zakarii 9:7

Siĩ gɔ̀dɛnaa ke ǹ lɛ-n, ma á re bɛ boe ma bɔ a nɛ. Mà bɔbɔnɛɛ ke a ganaa, ma á re bɛ pii ma bɔ a ganaa. Min mɛnɛn yii bɛ́ re goɛ̃ koo ǹ bii, bɛn tá re maa wɔn biɛ ka Zudaa a kiã bɛ́ lɔn, Ekrɔn minin tá re goɛ̃ ka Zebuzu tɔrɔn bɛ́ lɔn.

Luku 2:8

Bɛa kiwi kɛ lɛ a lɛkoro lɛ-a wurun ni, sèren-lɛduə̃lin kɔnɔn man nə́ goã wɛɛ don ǹ tɔɔn li.

Zaã a sɛ́wɔ 10:11

Masɛ n sèren-lɛduə̃li sonbore lɛa. Sèren-lɛduə̃li sonbore nə n din koe a sèren lɛa.

Rɔmu minin 5:4

Bɛ̀ wɔ á sii sii wɔ ganaa, bɛ n toɛ sii kuubaa wɔ nɛ. Bɛ̀ wɔ́ sii a kuubaa yɛ, Lawa a màn ke á die koe wɔ la, wɔ n wɛɛ bɛ la taãn-taãnɛ.

Ebrəə 11:33

Ǹsɛn mɛnɛn bɛ́, ǹ nə́ yɔ bɔ kɔn ka gána tumun ni, golee Lawa li a lɛa, ǹ nə́ gɔ̀lɔ̀baa yɛ. Ǹ nə́ peperebaa ǹ dín nya, ǹ nə́ Lawa a lɛ-kɔ ǹ siin yɛ n zɛnɛɛ. Ǹ nə́ yàran lɛ tã,

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

Sii yɔrɔ-bɔlen 14:6

Dɛnaa Lawa Yiri wɔ Sansɔn nɛ. Á yàra lɛ kũ á woɛ̃ kɔn paa ka ǹ bɛ́ bòe banɛɛ woɛ̃ kɔn lɔn, a da yaa màn kɔn ba a gɔn wa. Sɛnɛ, a sii mɛn zɛnaa, a pɛ ǹ di laanka ǹ dan nɛ wa.

Samayeli1 17:15

Sɛnɛ Davida na á goã woe Sayulu li, bɛ̀ a n toa walan a wo ǹ di a tɔɔn lɛduə̃ Bɛtlehɛmu.

Samayeli1 17:33

Sayulu pɛ Davida nɛ: «N ba boe la n zia baa kɔn ka Filisiti min kɛ-n wa. A giala, nɛnyaan bɔnbɔnɔn kooro nə n ne, a da yaa, Filisiti min lɛ yoo ten lɛa lɔn, a n zia-baali lɛa.»

Samayeli1 17:35

man má goã baa sii a kio, ma dɛ, ma tɔɔ lɛ bɔ a lɛ-a. Bɛ̀ a tá ma kuĩ, ma má goã kuĩ a ka ganaa, ma dɛ, a gã.