Samayeli1 17:32 - LAWA A BOO SONBORE 2011

³² Davida pɛ Sayulu ni: «Dɛnaagiĩ, min kɔn foo baran ziziɛ̃ ka Filisiti min kɛa sii-n wa! Masɛ tá re woe zia diɛ kɔn nɛ.»

LAWA A BOO SONBORE

³² Davida pɛ Sayulu ni: «Dɛnaagiĩ, min kɔn foo baran ziziɛ̃ ka Filisiti min kɛa sii-n wa! Masɛ tá re woe zia diɛ kɔn nɛ.»

Samayeli1 17:32 ပူးပေါင်းရင်းမြစ်များ

Loen 3:6

Má waa tán má nyuù wɔ. Ma yii bɛ́ á kaa, má yɛ máa Dɛnaa Lawa n maa dɔmalɛ wole lɛa.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 7:4

N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe.

Minin nimi 13:30

Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Ebrəə 12:12

Ka wusoo ka n gù wen yii, ka ǹ yii taãn-taãnɛ.

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

Samayeli1 16:18

Dí-nyalin lɛn min goon ná a lɛ si: «Sonbore, Zesee lɛ, Bɛtlehɛmu min lɛa, ma bɛa nɛginin kɔn yɛ, á boe a dɛ la. Zia-baali sonbore ne, á nɛginin lɛa, á boo diɛ ka yiri ni, a n giĩ siĩn dɔ lɛa. Dɛnaa Lawa tá kun ni.»

Samayeli1 17:31

Davida boon mɛnɛn da, minin nə́ ǹ ma ǹ nə́ ǹ gũ ǹ nə́ pɛ Sayulu ni. Sayulu nə́ ǹ dia, ǹ nə́ woo Davida bíi ǹ nə́ daa nɛ.