Samayeli1 17:12 - LAWA A BOO SONBORE 2011

¹² Davida na á goã Zesee a nɛ lɛa. Zesee lɛ n Efrataa dala min lɛa, boe Bɛtlehɛmu kiwi, Zudaa gána nɛ. Nɛgiĩ kiwisi na á goã a lon. Sayulu a kiibaa biikoo li, Zesee yii goã fulii ni zaman lɛ bii.

LAWA A BOO SONBORE

¹² Davida na á goã Zesee a nɛ lɛa. Zesee lɛ n Efrataa dala min lɛa, boe Bɛtlehɛmu kiwi, Zudaa gána nɛ. Nɛgiĩ kiwisi na á goã a lon. Sayulu a kiibaa biikoo li, Zesee yii goã fulii ni zaman lɛ bii.

Samayeli1 17:12 ပူးပေါင်းရင်းမြစ်များ

Siin Giala 35:19

Raseli gã, ǹ ná a gere bĩ Efrataa zii la. Efrataa kiwi lɛ nɛ, ǹ tá bíi Bɛtlehɛmu.

Samayeli2 23:1

Davida n Zesee a nɛgiĩ lɛa, a n min lɛa Lawa koa gole. Zakɔba a Lawa lɛ na á bɔ á koa kii lɛa. Izirayeli minin bɛ́ loe kɔɔ̃nɔn mɛnɛn loe, a din na á bɛn bɔ. Davida lɛ a boo giala nyɔmiɛ̃n man ka kɛn nɛ.

Loen 132:6

Wɔ́ ma mà *lɛ kɔ kɔn la ǹ goo lɛ á Efrata. Wɔ́ yɛ Yaara don.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Matiə 1:6

Zesee na á kii Davida yɛ. Davida na á Salomɔn yɛ Urii a lɔ giɔɔrɔ ganaa,

Matiə 2:1

Yezu na á yɛ Bɛtlehɛmu kiwi, Zudee gána nɛ, Erɔdi a kiibaa biikoo li. A yɛ kio, leere-dɔ̃lin nə́ n toa lɛ̀giala-n ǹ nə́ daa Zeruzalɛmu.

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Uruti 1:2

Bɛa giĩ lɛ tɔ n Elimelɛki, a lɔ tɔ n Naomii, a nɛ lɛ a goon tɔ n Maalɔn, goon tɔ n Kiliyɔn. Efrataa tanlɛ minin manɛ Bɛtlehɛmu kiwi, Zudaa tɔrɔn bǎã nɛ. Ǹ bɛ́ ǹ nə́ dɔ Moabu gána lɛ nɛ, ǹ nə́ giã walan.

Uruti 4:17

Lɔn mɛnɛn bɛ́ ǹ miã kɛnɛn lɛa, bɛn nə́ pɛ: «Naomii lɛ nɛgiĩ yɛ kəni!» Ǹ ná a tɔ kɔ mà Obɛdi. A din lɛ na á Davida ǹ di Zesee a díi baa.

Uruti 4:22

Obɛdi na á Zesee yɛ, Zesee na á Davida yɛ.

Samayeli1 1:1

Giĩ goon na á goã Ramaa kiwi, Efrayimu kele yii ni, a tɔ n Ɛlkaana. Yerahamu a nɛ nɛ, Yerahamu n Eliwu a nɛ lɛa, Eliwu n Towu a nɛ lɛa, Towu n Sufu a nɛ lɛa.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:18

Dí-nyalin lɛn min goon ná a lɛ si: «Sonbore, Zesee lɛ, Bɛtlehɛmu min lɛa, ma bɛa nɛginin kɔn yɛ, á boe a dɛ la. Zia-baali sonbore ne, á nɛginin lɛa, á boo diɛ ka yiri ni, a n giĩ siĩn dɔ lɛa. Dɛnaa Lawa tá kun ni.»

Samayeli1 17:11

Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

Samayeli1 17:58

Sayulu tɔ́n nɔ̀n da la: «Tɔntɔraagiĩ, die a nɛ n ka n nɛ?» Davida pɛ nɛ: «N dí-nyali Zesee mɛn nə́ ke Bɛtlehɛmu min lɛa, bɛa nɛ n ka ma nɛ.»