Samayeli1 17:11 - LAWA A BOO SONBORE 2011

¹¹ Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

LAWA A BOO SONBORE

¹¹ Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

Samayeli1 17:11 ပူးပေါင်းရင်းမြစ်များ

Loen 118:6

Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Timəə dí-pɛn 31:8

Dɛnaa Lawa din tá re miɛ̃ n nyɛɛnɛ, á re goɛ̃ kun n ni. A re n gɔn boe n ganaa wa, a re n toɛ walan wa. N baran nyɛ́ɛ baa wa, n baran toa màn kɔn nyɛ́ɛ da n ganaa wa.»

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Samayeli1 13:7

Ebrəə minin nə́ yɛ, ǹ nə́ Zurdɛ̃ tà lɛ kuru, ǹ nə́ woo Gaadi gána laanka Galaati gána nɛ. Bɛ́ daa yaa bɛ̀ Sayulu tá tɔn Gilgaali, zaman lɛ din tumaa gɔ̀nɔn nə́ bìn diɛ a kio.

Samayeli1 17:10

Filisiti min lɛ nə́ n toa. «Pelo, man yoo diɛ Izirayeli minin sɔraasin lɛn ganaa! Kaa min goon da masɛ-a, wɔ kɔn dɛ.»

Samayeli1 17:12

Davida na á goã Zesee a nɛ lɛa. Zesee lɛ n Efrataa dala min lɛa, boe Bɛtlehɛmu kiwi, Zudaa gána nɛ. Nɛgiĩ kiwisi na á goã a lon. Sayulu a kiibaa biikoo li, Zesee yii goã fulii ni zaman lɛ bii.

Samayeli1 21:13

Bɛa boon lɛn nə́ baasi boo baa Davida gɔn, á nyɛ́ɛ gole baa Gaati kiwi a kii Akiisi ni.

Samayeli1 7:7

Filisiti minin lɛn nə́ ma mà Izirayeli minin nə́ goã ǹ nə́ n lɛ sɔkɔn Misipaa. Filisiti minin kiin lɛn nə́ woo Izirayeli minin lɛn gialaa. Izirayeli minin lɛn bɛ́ ǹ nə́ bɛ ma, ǹ nə́ nyɛ́ɛ baa Filisiti minin lɛn manɛ.