Samayeli1 16:1 - LAWA A BOO SONBORE 2011

¹ Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

LAWA A BOO SONBORE

¹ Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:1 ပူးပေါင်းရင်းမြစ်များ

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

Kiin2 9:1

Lawa a boo gii-dali Yiliizee lɛ dia Lawa a boo gii-dalin lɛn min goon la á pɛ nɛ: N binbin kũ n nyɔɔ màn kɛ saa n gɔn, n wo Ramɔti kiwi Galaati gána nɛ.

Kiin2 9:3

N die n nyɔɔ màn lɛ saa, n nyɔɔ kaa a mìi ni, n pɛ: «Dɛnaa Lawa n nyɔɔ loe n ganaa, á n koɛ Izirayeli gána a kii lɛa!» Bɛ kio, n die n kiɛnlɛ bũ n soo n baa si n woo, n baran golee wa.

Kiin2 9:6

Zewu tɔ́n yoo á wɔ kion. Tɔntɔraagiĩ lɛ nyɔɔ kaa a mìi ni, á pɛ: – Dɛnaa Lawa, Izirayeli a Lawa n kɛ pii: «Man nyɔɔ kɛ loe n ganaa, ma á n biɛ kii lɛa n koɛ maa zaman Izirayeli minin lɛn mìi la.

KZS1 11:3

Izirayeli minin lɛn min golen tumaa daa dɔ kii lɛ li Ebrɔn. Kii Davida lɛ-kɔ wɔ ǹ nɛ walan, Dɛnaa Lawa yɔrɔ-a. N nə́ nyɔɔ kaa Davida mìi-n walan, ǹ nə́ bɔ ǹ nə́ koa Izirayeli minin lɛn kii lɛa, ka Dɛnaa Lawa goã á Samayeli da a pɛ ganaa lɔn.

KZS1 28:4

Sɛnɛ, ma din lɛ nɛ, Dɛnaa Lawa, Izirayeli a Lawa ma bɔ ma di a kion minin tumaa bii. A na á gole li mà masɛ kii baa Izirayeli gána kuturu mìi la yǎa duduu. Lɛlɛ, á Zudaa bɔ kiã lɛa, bɛ kio, Zudaa tɔrɔn bii á maa díi a kion bɔ, ma di nɛn bii, a na á lɛ kɔ á ma din bɔ kii lɛa á ma koa Izirayeli kuturu mìi la.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 55:4

Á ke, man má n baa maa siére lɛa tɔrɔn bii, má n baa kiã lɛa zaman mìi la.

Zeremii 11:14

Nsɛ Zeremii, n nyan nyankɔ wɔ zaman kɛa lɛa wa. N nyan gú da hinlaa n gòã kũ da ma ganaa ǹ lɛa wa. Koe biikoo li, ta ǹ nə́ n lɛ dɛ ma ganaa, ma a re n too koe ǹ lon wa.»

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 6:30

Maǹ bɛa minin kɛn lɛn bíi: "wɔrɔ bɔbɔnɛɛ". A giala, maǹ màn bɔbɔnɛɛ lɛa Dɛnaa Lawa yɔrɔ-a.

Zeremii 7:16

«Nsɛ Zeremii, n nyan nɔ̀n da ma la ka màn kɔn nɛ zaman kɛ wɔ lɛa wa. N nyan Lawa nyankɔ ǹ lɛa wa. N nyan nə n lɛ dɛ ma ganaa n nə n din nɔmaa wa. Ma a re n too koe n lon wa.

Zakarii 4:14

Á tɔn a giala pɛ ma-n kɛnɛn: «Giĩ màn paa mɛnɛn nə n bɔ, ǹ nə́ n koa tán tumaa a Dɛnaa a dí taman yii, bɛn manɛ.»

Rɔmu minin 15:12

Lawa a boo gii-dali Izayii dɔ́ pɛ: «Zesee tɔrɔ lɛ á re die, á re yui a giã gánan dinin tumaa mìi la, ǹ tá re n foo doɛ a din ganaa.»

Ebrəə 11:32

Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 15:26

Samayeli pɛ Sayulu ni: «Ma a die wusii man ti kunun n ni doo wa, a giala, ń Dɛnaa Lawa bɔlɔ tii. Dɛnaa Lawa nə́ n dɔ tii, n ba kii lɛa Izirayeli gána-n doo wa.»

Samayeli1 15:35

Samayeli na á woo gã miɛ̃, a yii na á Sayulu yɛ doo wa, Sɛnɛ, Samayeli na á goã wuu pii Sayulu a lɛa ka a na á gã, a da yaa Dɛnaa Lawa nə́ n gɔ́ɔ̃ bii ka wàa nɛ asɛ toa, Sayulu giã Izirayeli minin mìi la.

Samayeli1 16:15

Sayulu a dí-nyalin nə́ pɛ Sayulu-n kɛnɛn: «Á ke, Lawa nɔ̀ɔn baraa dia n la, a tá n yiri lɔlɛkɔn.

Samayeli1 16:23

A saa bɛ lɛ-a lɔn, bɛ̀ Lawa toa nɔ̀ɔn baraa lɛ gisĩ Sayulu la, Davida na á goã tùtu siɛ bɛ̀ a dɛ. Bɛ̀ á dɛ miɛ̃, Sayulu n soɛ koe, a golee kiĩ ni. Nɔ̀ɔn baraa lɛ n soe a n bɔ a nɛ.

Samayeli1 17:12

Davida na á goã Zesee a nɛ lɛa. Zesee lɛ n Efrataa dala min lɛa, boe Bɛtlehɛmu kiwi, Zudaa gána nɛ. Nɛgiĩ kiwisi na á goã a lon. Sayulu a kiibaa biikoo li, Zesee yii goã fulii ni zaman lɛ bii.

Samayeli1 9:16

«Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»