Samayeli1 15:24 - LAWA A BOO SONBORE 2011

²⁴ Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

LAWA A BOO SONBORE

²⁴ Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 15:24 ပူးပေါင်းရင်းမြစ်များ

Siin Giala 3:12

Giĩ lɛ tɔ́n pɛ: «N din lɔ mɛn lɛ kɔ ma la, bɛ lɛ na á da lɛ a nɛ kɔ ma la, má tɔ́n bii.»

Siin Giala 3:17

Bɛ kio á tɔ́n pɛ giĩ ni: «Ma bɛ́ má pɛ má laa n ganaa, máa n baran da mɛn a nɛ bii wa, n bɛ́ ń nə́ n saa n lɔ a boo li ń bii, man die lɛn pipiã bíi tán li, n din lɛ taman yii. N yiikoonaabaa gɔ́ɔ̃ nɛ, n la n die paparɛ n tɔn nə n lɛ-a ǹ bii yɛ a nɛ.

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Zɔbu 31:34

Ma bɛ́ má zɛnaa miɛ̃, man nyɛ́ɛ biɛ zaman lɛ wuu-n ya? Minin nə ma yii puusə kɔ, bɛ n nyɛ́ɛ diɛ ma ganaa ya? Bɛ bie toɛ ma á n lɛ tiɛ̃, má n giɛ̃ kion wa.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Bɔ bɛ̀rɛbaa nɛ 10:16

Faarahɔn nə́ n nanaa á lɛ dia Muizu laanka Aarɔn la, á pɛ ǹ nɛ: «Má sã má wɔ kaa Dɛnaa Lawa lɛ lon, ma wɔ ka dinin dɔn lon.

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Bɔ bɛ̀rɛbaa nɛ 9:27

Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Zeremii 38:5

Kii Sedekiasi tɔ́n nə ǹ lɛ si: «Bɛ̀ sii mɛn kɔɔ̃n kɔ ka ganaa, ka bɛ zɛnaa nɛ. Ma din ni kii lɛa, sɛnɛ ma a boe la ma ka kurəə sii kɔn ganaa wa.»

Minin nimi 22:34

Balaamu pɛ Dɛnaa Lawa a lon dia dí-a wole lɛ nɛ: «Má sii baraa zɛnaa, a giala ma goã doɛ̃, máa n din nə ke ń goã doa nɛ, ma nyɛɛn zii lɛ la wa. Kanna, bɛ̀ zii-tɔ lɛ á baraa n yii li, man wusii.»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Samayeli1 15:15

Sayulu pɛ: «Maǹ nə́ bɔ ǹ nɛ Amalɛki tɔrɔn li. A giala, zaman lɛ na á tɔɔ bisinin lɛn laanka tɔɔ dadaran lɛn sonboren toa walan mà maǹ die wúlu boe ǹ ne Dɛnaa Lawa nɛ, n din a Lawa lɛ. A gialakun ke, wɔ bɛ yii bɔ̀n baa lenlen.»

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»

Samayeli1 15:9

Sɛnɛ, Sayulu laanka zaman lɛ Agaagi toa walan. Tɔɔ sonboren mɛnɛn bɛ́ tɔɔ bisinin laanka tɔɔ dadaran bii, tɔɔn mɛnɛn bɛ́ ǹ nə́ kasã, ǹ nə́ bɛn toa walan. Sère tenən ne, ka màn mɛn din tumaa goã siĩni, ǹ lɛ kɔ, ǹ nə́ bɛn bɔ̀n baa wa. Sɛnɛ, ǹ mɛnɛn tumaa goã pɛrɛɛ nɛ, ǹ nə́ ǹ ba giɔ̀mɔ boe wa, ǹ nə́ bɛn tumaa bɔ̀n baa lenlen.

Samayeli1 2:29

Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.

Samayeli1 26:21

Sayulu nə́ n toa: «Má sii baraa zɛnaa. N bɔyaa n daa, maa nɛgiĩ Davida! Ma ba re sii baraa zɛnɛɛ n nɛ doo wa, a giala, pelo kɛ lɛ nɛ, n sàn kɔ ka masɛ a yiikoonaabaa-n wa. Taãnɛ, ma gaãnaabaa ǹ sii zɛnaa, má sã gole wɔ.»