Samayeli1 14:6 - LAWA A BOO SONBORE 2011

⁶ Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

LAWA A BOO SONBORE

⁶ Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

Samayeli1 14:6 ပူးပေါင်းရင်းမြစ်များ

Samayeli2 1:20

Ka nyan kɛ laakalaa Gaati kiwi wa, ka nyan kɛ boo da Asikalɔn ziin kɛn la wa. Bɛ bie wa, Filisiti nɛnɛn kɛn tá re n nyɛnyɛɛ. Soroman kɛn nɛnɛn tá re paparɛ foo kɔɔ̃nbaa gɔn.

Samayeli2 16:12

Kɔntan, Dɛnaa Lawa á re giɛ maa nɔmaa kɛ ganaa, a wusoo a yii-nyɛɛ kɔ ma la, Simeyii a lɛn babaraa bíi kɛ lɛ bǎã nɛ.»

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

KZS2 14:10

Azaa lɛ dia Dɛnaa Lawa, a Lawa la, á gu da nɛ, á pɛ: «Dɛnaa Lawa, n dinsɔɔ̃ n boe la n wɔ pàãdɛnaa laanka pàãwɛ̃naa bii. Da n dɔ wɔ lɛ Dɛnaa Lawa, wɔa Lawa! Wɔ foo n doa nɛ n din ganaa. Wɔ n woe sɔraasi damata kɛ gialaa ka n din tɔ nɛ. Dɛnaa Lawa n din ni wɔa Lawa lɛa. N nyan lɛ kɔ minbuiin nɛ gɔ̀lɔ̀baa yɛ n la wa!»

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

Loen 135:6

Sii mɛn tumaa bɛ́ kɔɔ̃n Dɛnaa Lawa ganaa, a n bɛ zɛnɛɛ, lon ka kanaa gɔ́ɔ̃ nɛ, kɔ̀ mu li, mu zuzulu tumaa giulun.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Zeremii 9:25

Sonbore, Ezipti minin ni, Zudaa minin ni, Edɔmu minin ni, Amɔn tɔrɔn nɛ, Moabu minin ni, ka diə gole minin kɛn nɛ n karazɔɔ ka koɛ̃, bɛn kuriimaa bie wa. Izirayeli minin lɛn dininmaa kuriimaa bie masɛ Dɛnaa Lawa yii li wa.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Minin nimi 10:32

Bɛ̀ ń daa kun ka wɔsɛn nɛ, Dɛnaa Lawa bɛ́ giɛ li a yii-nyɛɛ mɛn lɛ kɔ wɔsɛn la, bɛ̀ wɔsɛn nə́ bɛ yɛ, wɔ á re toɛ n dɔ nə n wɔ yɛ a nɛ.»

Minin nimi 31:4

Ka giĩ duu goon bɔ Izirayeli tɔrɔn lɛn gogoonmaa bii, ka ǹ dia zia lɛ la.

Matiə 19:26

Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Sii yɔrɔ-bɔlen 15:18

Mu boro bɛ́ á goã a ganaa á la yii ni, á Dɛnaa Lawa bíi wɔ bɛ̀ á n pii: «N din ni n dɔ n dí-nyali lɛ, ń gɔ̀lɔ̀baa gole kɛ kɔ wɔsɛn la. Kanna, n nə n die toɛ mu boro ma dɛ, soroman kɛn gɔn dɔ ma ganaa?»

Samayeli1 14:5

Goon na á goã gɔsɛ a lɛ̀gɔn la kɔn pìã zii-a ka Mikmaasi kiwi ni. Goon kɛ dɔ na á goã gusin a lɛ̀gɔn la, kɔn pìã zii-a ka Gebaa nɛ.

Samayeli1 14:7

A ziabaa ǹ mànan-gũli lɛ pɛ nɛ: «Bɛ̀ sii mɛn tumaa kɔɔ̃n kɔ n din ganaa, bɛ zɛnaa. N bɛ́ re màn mɛn zɛnɛɛ, ma tá n kio.»

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.

Samayeli1 17:47

Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»

Samayeli1 31:4

Sayulu pɛ a ziabaa ǹ mànan-gũli ni: «N gɔya woɛ̃ a kii ni, n masɛ fɔ̃ nɛ, ń giɛ Lawa doɛ̃baã wolen kɛn baran da ma fɔ̃, ǹ sàn kɔ ka ma-n wa.» Sɛnɛ, a ziabaa ǹ mànan-gũli lɛ nə́ n piã, a giala, nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á bɔ á n wɔ lɛ tán.