Samayeli1 12:22 - LAWA A BOO SONBORE 2011

²² Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.

LAWA A BOO SONBORE

²² Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.

Samayeli1 12:22 ပူးပေါင်းရင်းမြစ်များ

Kiin1 6:13

Man die goɛ̃ Izirayeli minin lɛn bii, ma ba re maa zaman Izirayeli minin lɛn toɛ walan wa.»

Kiin1 8:57

Wɔa Lawa, Dɛnaa Lawa lɛ die a goã kun ka wɔ nɛ ka a goã kun ka wɔ digolon ne lɔn. A baran n gɔn bɔ wɔ ganaa wa, a baran wɔ toa walan duduu wa.

Kiin2 14:27

Sɛnɛ Dɛnaa Lawa bɛ́ a bie á pɛ mà asɛ á die Izirayeli gána tɔ tuturi a bɔ kanaa wa, bɛ lɛ nɛ, á toa Zoasi a nɛgiĩ Zeroboamu gána lɛ bɔ sii ni.

Kiin2 21:14

Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Loen 106:8

Sɛnɛ, á ǹ kirisibaa a din tɔ kɛa lɛa, a ná a din a Pàãyiidɛnaabaa nyaa.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Izayii 37:35

Man kiwi kɛ tamɛɛ, ma a kirisibaa. Man bɛ zɛnɛɛ ma din a lɛa ka maa dí-nyali Davida nɛ.

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 48:11

Sonbore, bɛ̀ n yaa má zɛnaa miɛ̃, ma din tɔ taman yii ni! A giala, ma a lɛ koe sɔ ganaa wa. Golebaa mɛn bɛ́ maa wɔ lɛa, ma a re toɛ bɛ dɔ min kɔsɔ ganaa wa.

Izayii 49:15

Sɛnɛ, Dɛnaa Lawa n pii: Nɛ ǹ dan yiri á boe a nɛnyaan tiɛɛ̃n ganaa? A nɛ mɛn yɛ, a kɔn-narɛɛ á nyɛɛ ka bɛ nɛ? Ta bɛ din yiri á boe, masɛ yiri á boe n ne duduu wa.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Zeremii 14:21

N tɔ taman yii, n giã ǹ bǎã ke piɛ̃ nɛ ka n gugurubaa kɛ nɛ, n nyan nə n la bɔ bɛ ganaa wa. N nyan nə n la bɔ a ganaa wa. N lɛ kɔ kɔn la mɛn wɔ ka wɔ nɛ, n yiri kɔ ka bɛ nɛ, n nyan a sàabaa wa.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Busii pɛ 5:20

Wàa na á baa, n yiri n boe ka wɔ nɛ biikoo tumaa li? Ma n die n la boe wɔ ganaa duduu?

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Malakii 1:2

Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

Matiə 11:26

Hiĩ, maa Díi ganaa, a zɛnaa miɛ̃ kɛ na á kɔɔ̃n kɔ n din ganaa.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Rɔmu minin 11:1

Man nɔ̀n diɛ kəni: Lawa na á ná a din a tɔrɔ kɛ daa? Haayii dɛ! A giala, ma dinmaa lɛ n Izirayeli min lɛa, Abrahamu a nɔ̀ɔn nə ma nɛ, man Bɛnzamɛn tɔrɔ lɛa.

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»

Timəə dí-pɛn 31:6

Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Timəə dí-pɛn 31:8

Dɛnaa Lawa din tá re miɛ̃ n nyɛɛnɛ, á re goɛ̃ kun n ni. A re n gɔn boe n ganaa wa, a re n toɛ walan wa. N baran nyɛ́ɛ baa wa, n baran toa màn kɔn nyɛ́ɛ da n ganaa wa.»

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 7:9

Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.