Samayeli1 11:13 - LAWA A BOO SONBORE 2011

¹³ Sayulu pɛ: «Min kɔn ba n dii lɛawaa kɛ miã li wa, a giala, pelo lɛ nɛ Dɛnaa Lawa Izirayeli si á da.»

LAWA A BOO SONBORE

¹³ Sayulu pɛ: «Min kɔn ba n dii lɛawaa kɛ miã li wa, a giala, pelo lɛ nɛ Dɛnaa Lawa Izirayeli si á da.»

Samayeli1 11:13 ပူးပေါင်းရင်းမြစ်များ

Samayeli2 19:22

Seruzaa a nɛgiĩ Abisayii nə́ n zɔ̃ á dɔ á pɛ: «Ka ǹ die Simeyii toɛ walan bɛ lɛ sɛ a lɛa, ka n ka a dii wa? A da yaa, Dɛnaa Lawa min mɛn bɔ á koa kii lɛa, á lɛn baraa bíi bɛ li.»

Samayeli2 19:23

Sɛnɛ, Davida pɛ: «Seruzaa a nɛgiĩn lɛn, wàa mɛn sii n ka laanka masɛ bii, ka n yui zɔ́ɔbaa ǹ sii kɛ miã zɛnɛɛ masɛ-n pelo? Má waa la pelo, masɛ din nə Izirayeli minin lɛn kii lɛa. Bɛ lɛ nɛ, masɛ ba li, ǹ min dɛ Izirayeli gána kɛ-n pelo wa.»

Samayeli2 23:10

Sɛnɛ, Eleyazaara lɛ sɛ́ golee giĩbaa la, á Filisiti minin lɛn dɛ yǎa a gɔn laa á dama a gɔya sa ganaa. Dɛnaa Lawa sii gole zɛnaa ǹ nɛ bɛa pinaa kɛ nɛ, á ǹ si Filisiti minin lɛn la. Eleyazaara a woo kio ne, zaman lɛ wusoo a kio, ǹ nə́ daa geren lɛn mànan goa.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Bɔ bɛ̀rɛbaa nɛ 14:30

Dɛnaa din na á Izirayeli nɛnyaanan kirisibaa Ezipti minin ganaa bɛa pinaa kɛ lɛ nɛ. Izirayeli nɛnyaanan yii Ezipti minin geren yɛ tà lɛ lɛ-a.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Samayeli1 10:27

Sɛnɛ min kɔrɔn nə́ yɛ, ǹ nə́ goã pii kɛnɛn: «Wàa-n sɛn! Kɛ lɛ n die wɔsɛn boe a nɛ!» Ǹ pàã wɔ Sayulu n wa, ǹ bǐɛ̃ goon baa la wa. Sɛnɛ Sayulu giã ka a din ni.

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 19:5

Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»