Rɔmu minin 9:30 - LAWA A BOO SONBORE 2011

³⁰ Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

LAWA A BOO SONBORE

³⁰ Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

Rɔmu minin 9:30 ပူးပေါင်းရင်းမြစ်များ

Suusun 15:9

Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

Suusun 21:21

Min mɛn bɛ́ giɛ peperebaa li ka sonborebaa nɛ, bɛ á re nyin sasa yii, peperebaa ka gugurubaa nɛ.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Rɔmu minin 10:10

Sonbore, bɛ̀ ń golee Lawa li ka n foo ne, Lawa n lɛ koe n ganaa min pepere lɛa, bɛ̀ ń pɛ ka n lɛ nɛ, bɛ n woe n diɛ kirisibaa nɛ.

Rɔmu minin 10:20

Izayii sɛ din màn da á la bɛ nɛ: «Lawa mà minin mɛnɛn bɛ́ ǹ goã giɛ asɛ li wa, mà bɛn ná asɛ yɛ. Mà minin mɛnɛn bɛ́ ǹ goã nɔ̀n diɛ màn kɔ́n li wa, mà asɛ nə́ n din nyaa bɛn manɛ.»

Rɔmu minin 10:6

Sɛnɛ, golee Lawa li bɛ́ toɛ, Lawa lɛ kɔ min-a lɔn min pepere lɛa, a na á n pɛ bɛ dɔ wɔ gɔn la kɛnɛn: «N baran pɛ n din gɔ́ɔ̃ nɛ, mà die n die dii lon kəni?» Màn mɛn bɛ́ toɛ, Krita lɛ bɔ lon á gisĩ tán.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 4:22

Bɛ lɛ nɛ, a tá n pii: «Lawa lɛ kɔ Abrahamu ganaa min pepere lɛa.»

Rɔmu minin 4:9

Bɛa Lawa a bǐɛ̃ kɛ lɛ n Zuifu kurii wolen kɛn dininsɔɔ̃nɔn wɔ lɛa? Hinlaa a tá tɔrɔ kɔsɔ kuriibaã wolen kɛn dɔn wɔ lɛa? Má pɛ gɔrɔ máa Abrahamu nə́ n foo doa Dɛnaa Lawa ganaa. Bɛ lɛ na á toa, Dɛnaa Lawa kũ min pepere lɛa.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 9:14

Wɔ ǹ die pii mà wàa kəni? Lawa na a pepere wa? Haayii dɛ!

Rɔmu minin 9:31

Sɛnɛ, Izirayeli minin bɛ́ ǹ nə́ goã giɛ peperebaa li dí-pɛn gɔ́ɔ̃ nɛ, bɛn nə dɔ dí-pɛn lɛn zɛnaa ǹ mìi ganaa wa.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 3:24

Bɛa yɔrɔ kɛ lɛ la kəni, dí-pɛn lɛn man nə́ goã wɔ lɛduə̃li lɛa. Wɔ n wɔ́ goã n yii diɛ Krita a daa la, ń giɛ wɔ á min peperen biɛ Lawa yɔrɔ-a wɔa goleemali a lɛa.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.