Rɔmu minin 9:29 - LAWA A BOO SONBORE 2011

²⁹ Izayii na á saa lɛlɛ á bɛ lɛ dɔ pɛ kɛnɛn: «Bɛ̀ Pàãyiidɛnaa Lawa din bie, á wɔsɛn tɔrɔ gialakun boɛɛn toa wa, bɛ̀ wɔsɛn nə́ papaã kanna ka lenlen, ka Sodɔmu laanka Gomɔɔrɔ kiwi babaraan kɛn bɛ́ ǹ nə́ papaã lɔn.»

LAWA A BOO SONBORE

²⁹ Izayii na á saa lɛlɛ á bɛ lɛ dɔ pɛ kɛnɛn: «Bɛ̀ Pàãyiidɛnaa Lawa din bie, á wɔsɛn tɔrɔ gialakun boɛɛn toa wa, bɛ̀ wɔsɛn nə́ papaã kanna ka lenlen, ka Sodɔmu laanka Gomɔɔrɔ kiwi babaraan kɛn bɛ́ ǹ nə́ papaã lɔn.»

Rɔmu minin 9:29 ပူးပေါင်းရင်းမြစ်များ

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 13:19

Lawa Sodɔmu laanka Gomɔɔrɔ yu lɔn lɛlɛ, a n die Baabilonii dɔ yui miɛ̃, asɛ kɛ lɛ gánan kiwi sonbore lɛa, a minin nə́ n dinin gole koe a paǹ li.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Zeremii 49:18

Dɛnaa Lawa pɛ: «Basaã mɛn Gomɔɔrɔ laanka Sodɔmu ka ǹ lɛkoro lɛ-a kiwin yɛ a din lɛ miã n die ka yii. Min goon din ba re goɛ̃ kaa kiwin ni wa, minbuiin nɛ goon ba re goɛ̃ ǹ nɛ wa.»

Zeremii 50:40

Dɛnaa Lawa a da ǹ boo á ke: Basaã mɛn Sodɔmu laanka Gomɔɔrɔ yɛ, ka ǹ lɛkoro-a kiwin ni, a din lɛ miã n die a dɔ yii. Min goon din ba re goɛ̃ a kiwin ni wa, minbuiin nɛ goon ba re goɛ̃ ǹ nɛ wa.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Busii pɛ 4:6

Maa zaman lɛ a sii baraa gole kɔ á la Sodɔmu kiwi kɛ wɔ nɛ. A na á n yu bǎã goon, min kɔn boo la á sii kɔn zɛnaa wa.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Sofonii 2:6

Ń gána paǹ mɛn bɛ́ dia-n yìsi mu la, ma á re bɛ biɛ tɔɔn buu sɔ̃ ǹ bǎã lɛa, tɔɔn-lɛduəlin kiɛ̃ ǹ bǎã lɛa, sèren kaa ǹ bǎã lɛa.»

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Piɛrɛ2 2:6

Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.