Rɔmu minin 8:19 - LAWA A BOO SONBORE 2011

¹⁹ Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

LAWA A BOO SONBORE

¹⁹ Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Rɔmu minin 8:19 ပူးပေါင်းရင်းမြစ်များ

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Matiə 5:9

Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Rɔmu minin 8:14

Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

Rɔmu minin 8:16

a Yiri lɛ din nə pii kun ka wɔ yiri ni, mà wɔ na a nɛnyaanan lɛa.

Rɔmu minin 8:18

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Rɔmu minin 8:23

Sɛnɛ, kanaa mànan dininsɔɔ̃nɔn bie wa. Wɔsɛn mɛnɛn dɔn dinin bɛ́, Lawa ná a Yiri kɔ wɔ la, a bǐɛ̃baa ǹ màn bibinaa lɛa, wɔ dɔn man gini wɔ gɔ́ɔ̃ nɛ. Wɔ ǹ gini wɔ nə́ n yii diɛ, wáa Lawa wɔ bɔ nɔmaa kɛ nɛ ka lenlen, a wɔ baa a din a nɛnyaanan lɛa.

Rɔmu minin 9:26

A n pɛ ǹ nɛ bǎã mɛn din ni ke lɛn mà "ka ba masɛ tɔrɔ lɛa wa", maǹ die ǹ bíi doo bɛa bǎã kɛ lɛ nɛ, "Lawa, nyin nyabaã kɔle a nɛnyaanan".»

Korɛnti1 1:7

Yiri Fu a bǐɛ̃baa ǹ mànan kɛn kɔ́n nyaabaa ka li wa. Bɛ lɛ na á toa, ka tá n yii diɛ ka foo-doa nɛ, wɔa Dɛnaa Yezu Krita a da a din nyaa kɛ la.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Filipi minin 1:20

Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Kolɔɔsi minin 3:4

Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

Ebrəə 12:27

Bɛa «gunyin goon doo» kɛ lɛ n nyɛɛ, mà kanaa diɛ kɛ lɛ a màn bìn-dali tumaa á re papaɛ̃, mà a bìn-dali baãnaa n die goɛ̃.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.