Rɔmu minin 7:22 - LAWA A BOO SONBORE 2011

²² Ma gɔ́ɔ̃ nɛ, Lawa a dí-pɛn man kɔɔ̃n ma ganaa.

LAWA A BOO SONBORE

²² Ma gɔ́ɔ̃ nɛ, Lawa a dí-pɛn man kɔɔ̃n ma ganaa.

Rɔmu minin 7:22 ပူးပေါင်းရင်းမြစ်များ

Zɔbu 23:12

A lɛ gɔ́ɔ̃ ǹ boo ke, ma talaa má n bɔ bɛ la wa. A din a dí-pɛn kɛn, má bɛn sii zɛnaa á la ma din foo sii ni.

Loen 1:2

Sɛnɛ, bɛa dɛnaa lɛ bɛ́ màn mɛn narɛ, bɛ n ka Dɛnaa Lawa a minin daraa ǹ boo kɛ nɛ, a n taasiɛ we bɛ lɛ-a baayɛlɛ laanka tèlò.

Loen 119:111

N gɔn waa ma-n boon kɛn man maa naforo lɛa yǎa duduu. Ǹ dinin lɛn man ma foo kɔɔ̃n koe.

Loen 119:113

Min mɛnɛn gɔ́ɔ̃ bɛ́ paa, bɛn sii goon ba ma-a wa. Sɛnɛ, n landa boon kɛn man kɔɔ̃n ma ganaa.

Loen 119:127

N dí-pɛn kɛn man kɔɔ̃n masɛ-a, ǹ nə́ la sana-n ma gɔn, haalɛ sana lɛ a sonbore din.

Loen 119:16

N foo siin lɛn zɛnaa n kɔɔ̃n ma ganaa parsiini. Ma yiri a boe ka n boo kɛ-n wa.

Loen 119:167

Má n gɔn waa ma-n boon lɛn si, ǹ tá kɔɔ̃n ma-a parsiini.

Loen 119:174

Dɛnaa Lawa, man giɛ li, máa n din ma kirisibaa. N landa boon kɛn tá ma foo kɔɔ̃n koe parsiini.

Loen 119:24

N gɔn waa ma-n boon lɛn dinin tá kɔɔ̃n ma ganaa á la yii ni. Ǹ dinin lɛn man ma doree.

Loen 119:35

Ma da n dí-pɛn kɛn zii la. A giala, bɛ lɛ n kɔɔ̃n ma ganaa.

Loen 119:72

N landa boon kɛn tá soɛ masɛ gɔn á la wɔrɔ laanka sana duu damata nɛ.

Loen 119:92

N landa boon kɛn nə́ ma foo kɔɔ̃n kɔ parsiini. Bɛ bie wa, nɔmaa mɛn ma yɛ, bɛ̀ á waa ma la.

Loen 40:8

Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,

Loe kɔɔ̃n kɔɔ̃n 5:3

Má saa lɛlɛ má maa dɔnkɛ sɔlɔ, man wusii ma bɛ wɔ lɔn? Ma din a gòãn piimaa lɛ n ke, man wusii ma bɛn tii lɔn?

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Lawa a wúlu-bɔlen 13:39

Lawa a wúlu-bɔle die a ga a ganaa. Bǎãn mɛnɛn lɛn nə bɔ ǹ gɔ̀nɔn ganaa, bɛ̀ ǹ tá fufu kəwuu ni, busu ni, màn nə́ mɛ li, sɛnɛ, a bie baraa wa. Ǹ dɛnaa á yoreene.

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Rɔmu minin 2:29

Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Kolɔɔsi minin 3:9

Ka baran soɛ bɔ kɔn nɛ doo wa, a giala, ká n sɔlɔ ká n bɔ kaa dùũ sii zizin kɛn laanka ǹ sii-zɛnaan tumaa nɛ,

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Piɛrɛ1 3:4

Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.