Rɔmu minin 6:10 - LAWA A BOO SONBORE 2011

¹⁰ A bɛ́ giɛ̃ ke, a na á gã sii baraa wɔ a paǹ li gunyin goon toto, kɔsɔ ba kio doo wa. A yii dɔ bɛ́ koo ke, a n koo Lawa a lɛa.

LAWA A BOO SONBORE

¹⁰ A bɛ́ giɛ̃ ke, a na á gã sii baraa wɔ a paǹ li gunyin goon toto, kɔsɔ ba kio doo wa. A yii dɔ bɛ́ koo ke, a n koo Lawa a lɛa.

Rɔmu minin 6:10 ပူးပေါင်းရင်းမြစ်များ

Luku 20:38

Lawa lɛ, a n yiikoonaan Lawa lɛa, a bie geren Lawa lɛa wa, a giala, min tumaa yii n koo Lawa yɔrɔ-a.»

Rɔmu minin 6:11

Ka doamaa-n ka n taasɛ ka dinin sii ganaa bɛa yɔrɔ goon kɛ lɛ la. Ka n ká gã sii baraa wɔ a paǹ li, sɛnɛ, ka bɛ́ kun Yezu Krita nɛ, ka yii n koo Lawa a lɛa.

Rɔmu minin 6:9

Wɔ á doɛ̃ dɔn sonbore, wáa Krita lɛ yii bɛ́ á kaa á n bɔ geren bii ke, a giɛ̃ doo wa. Pàã ba gɛ̀ lon doo a boo asɛ la wa.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti2 5:15

A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Piɛrɛ1 4:6

Bɛ lɛ nɛ Boo Tii Kɔɔ̃n nə́ n pɛ geren manɛ. Kiri nə́ n wɔ ǹ ganaa á kɔnpɛ ka ǹ yiikoonaabaa nɛ tán la. Kanna ǹ yii n koo Lawa wɔ paǹ li, Yiri Fu barka nɛ.