Rɔmu minin 4:20 - LAWA A BOO SONBORE 2011

²⁰ a gɔ́ɔ̃ dɔ nə n lonlankɔ Lawa a lɛ kɔ ǹ boo kɛ lɛ wɔ gɔn la wa, á golee Lawa li ka foo-doa nɛ, a ná a tɔ bɔ.

LAWA A BOO SONBORE

²⁰ a gɔ́ɔ̃ dɔ nə n lonlankɔ Lawa a lɛ kɔ ǹ boo kɛ lɛ wɔ gɔn la wa, á golee Lawa li ka foo-doa nɛ, a ná a tɔ bɔ.

Rɔmu minin 4:20 ပူးပေါင်းရင်းမြစ်များ

Siin Giala 15:6

Abramu nə́ n foo doa Dɛnaa Lawa ganaa. Bɛ lɛ na á toa, Dɛnaa Lawa kũ min pepere lɛa.

Kiin2 7:19

Dí-nyali lɛ na á goã á pɛ Lawa a min lɛ nɛ mà ta Dɛnaa Lawa n lon a dɔǹɔn lɛ buĩ, mà kɛ ba boe la a n zɛnaa wa. Yǎa Yiliizee dɔ tɔn a lɛ si mà a tá re yii ka a yii ni, sɛnɛ, mà a na a ba re bii wa.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Danayeli sɛ́wɔ 10:19

Á tɔ́n pɛ ma nɛ: «N baran nyɛ́ɛ baa wa, n sii á kɔɔ̃n Lawa ganaa. Là nyantoro die a giã n li! N gù we yii, n nə n foo taã! A bɛ́ a gialaa boo diɛ ma nɛ, ma gù wusoo á kaa.» Má tɔ́n pɛ: «Maa dɛnaagiĩ, boo da, a giala, n ma gù kaa.»

Danayeli sɛ́wɔ 11:32

Min mɛnɛn bɛ́ ǹ ba koe lɛ kɔ kɔn la lɛ a boo lɛ lɛ wa, kii lɛ á re bɛn bebele ka boo kɔɔ̃n nɛ, a ǹ kaa piã ganaa. Sɛnɛ, min mɛnɛn bɛ́ Lawa doɛ̃, bɛn manə ǹ sii zɛnɛɛ ǹ foo n tã a gɔ́ɔ̃ nɛ.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!

Zakarii 8:9

Dɛnaa Lawa bɛ́ boo mɛn pii á ke: Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

Matiə 9:8

Zaman lɛ bɛ́ á bɛ yɛ lɔn, nyɛ́ɛ nə́ ǹ kũ parsiini. Ǹ nə́ goã Lawa guguru koe, bɛ miã pàã kɛ lɛ a kɔ minbuiinin la taman yii.

Luku 1:18

Bɛ kio, Zakarii pɛ lon a dia dí-a wole lɛ-n kɛnɛn: «Masɛ n die doɛ̃ wàa mɛn li, máa bɛa boo kɛ lɛ n sonbore lɛa? A giala, ma laanka maa lɔ nɛ, wɔ́ zizi kɔ á nya.»

Luku 1:45

Nsɛ wɔ bǐɛ̃ kɔ, nsɛ mɛn bɛ́ n lɛ kɔ a ganaa, Dɛnaa Lawa nə ǹ dia ǹ nə́ daa boo mɛn pɛ n nɛ, bɛ á die n zɛnɛɛ sonbore.»

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.