Rɔmu minin 4:14 - LAWA A BOO SONBORE 2011

¹⁴ Min mɛnɛn bɛ́ giɛ ǹ dinin ganaa Lawa a dí-pɛn bɔlɔ-silin lɛa, bɛ̀ Lawa a lɛ kɔ ǹ siin lɛn man bɛn dininsɔɔ̃nɔn wɔn lɛa, bɛ̀ Lawa din nə wusii á barka boe golee Lawa li ni, á n pàã boe a din a lɛ kɔ ǹ boon ne.

LAWA A BOO SONBORE

¹⁴ Min mɛnɛn bɛ́ giɛ ǹ dinin ganaa Lawa a dí-pɛn bɔlɔ-silin lɛa, bɛ̀ Lawa a lɛ kɔ ǹ siin lɛn man bɛn dininsɔɔ̃nɔn wɔn lɛa, bɛ̀ Lawa din nə wusii á barka boe golee Lawa li ni, á n pàã boe a din a lɛ kɔ ǹ boon ne.

Rɔmu minin 4:14 ပူးပေါင်းရင်းမြစ်များ

Loen 119:126

Dɛnaa Lawa, biikoo dɔ, n din sii zɛnaa. Ǹ nə́ n landa lɛ ziziɛ̃.

Izayii 55:11

A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Minin nimi 30:12

bɛ̀ ǹ zuũ lɛ bɔ a siére-a biikoo mɛn li, ǹ zuũ lɛ ná a boo kɔn da-n wa, a ná a boo lɛ woɛ̃ á zumu wa, lɔ lɛ lɛ-kɔn mɛnɛn tumaa wɔ, a boo mɛn tumaa da á da a din bɔlɔ-a, a doamaa nɛ a bɛa sii zɛnaa.

Minin nimi 30:15

Bɛ̀ ǹ zuũ lɛ boo kɔn da-n wa, yaa a wo belebɔ, lɔ lɛ nə n lɛ kɔ ka siin mɛnɛn zɛnaa nɛ, ǹ zuũ lɛ na á lɛ kɔ bɛn ganaa. A lɛ tã lɛ n nyɛɛ mà á lɛ kɔ ǹ ganaa.

Rɔmu minin 3:31

A bie ka wɔ n li wɔ dí-pɛn lɛn sàabaa ká goleemali pàã-n wa. Haayii! Wɔ n pàã we dí-pɛn lɛn nɛ ká wɔa boon kɛn nɛ.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Korɛnti1 1:13

Ka yiri-n mà Krita lɛ n tatalɛɛ-n kɔn gigiã? Pooli na á gã dere ǹ gɔn ganaa kaa lɛa? Hinlaa maǹ nə́ *batɛmu da ka ganaa ka Pooli tɔ nɛ?

Galaasi minin 2:21

Ma bie Lawa a bǐɛ̃ kɛ biɛ sii kooro lɛa wa. A giala, bɛ̀ Lawa n lɛ koe min ganaa min pepere lɛa dí-pɛn gɔ́ɔ̃ nɛ, bɛ̀ Krita a gɛ̀ n goɛ̃ sii kooro lɛa kəni.

Galaasi minin 5:4

Táa ka n giɛ li, mà Lawa lɛ kɔ ka ganaa min peperen lɛa dí-pɛn taman yii! Haya, ka n ká n dinin na ka n bɔ Krita ganaa. Kaa wɔ gii ba Lawa a bǐɛ̃ kɛ-n doo wa.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

Ebrəə 7:28

Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.