Rɔmu minin 3:26 - LAWA A BOO SONBORE 2011

²⁶ Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

LAWA A BOO SONBORE

²⁶ Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

Rɔmu minin 3:26 ပူးပေါင်းရင်းမြစ်များ

Izayii 42:21

Dɛnaa Lawa a peperebaa taman yii, a na á goã li a na a dí-pɛn baa gole, a ǹ siĩn kɔ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Luku 1:80

Nɛ lɛ sɛ na á goã gole koe, á n yiridɛnaa biɛ á woe nyɛɛnɛ. Biikoo kɔ́n waáraa á goã don bii, yǎa a din nyaa Izirayeli minin ni pinaa dɔ.

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 3:27

Wɔsɛn Zuifun lɛn, din gole kɔ tɔrɔ kɔsɔn ganaa ǹ gɔn tá wɔ lon? Haayii dɛ, a banban! Wàa na á baa? Ta wɔ n dí-pɛn lɛn sii zɛnɛɛ, wɔ tá a lɛ piɛ̃, bɛ dɔ ba a gɔn lɛa wa? Haayii! Màn kɔ́n! Yǎa wɔ golee Lawa li.

Rɔmu minin 3:30

Lawa n goon toto, a bɔkɔnlɛ we wa. Bɛ̀ Zuifu golee li, a n lɛ koe a ganaa, bɛ̀ tɔrɔ kɔsɔ dɔ golee li, a n lɛ koe a dɔ ganaa.

Rɔmu minin 4:5

Sɛnɛ, Lawa wɔ ba miɛ̃ wa. Lawa n giɛ golee Lawa li ganaa. Ta nya ǹ dí na a ba min lon á nyɛɛ wa, bɛ̀ á daa yaa, ǹ dɛnaa golee Lawa a zɛ̀rɛ bɔ sii baraa zɛnaali ganaa ǹ dí kɛ lɛ li, Lawa n lɛ koe ǹ dɛnaa ganaa min pepere lɛa, a goleemali kɛ lɛ a lɛa.

Rɔmu minin 8:33

Lawa din min mɛnɛn bɔ, die n die bɛn zɛ̀rɛ biɛ? Min kɔ́n, a giala, Lawa dinmaa nə ǹ biɛ min peperen lɛa.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.