Rɔmu minin 3:22 - LAWA A BOO SONBORE 2011

²² Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

LAWA A BOO SONBORE

²² Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 3:22 ပူးပေါင်းရင်းမြစ်များ

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Luku 15:22

Sɛnɛ, díi lɛ mà a dí-nyalin ganaa: «Ka da fufuu ka dɔnkɛ sonbore ne a wɔ. Ka kaaran kɔ la a wɔ a gòon-a, ka kɔsɔn kɔ la a ǹ wɔ.

Nya ǹ dín 11:12

Lawa a Yiri Fu pɛ ma nɛ: «Wo kunun ǹ ni, nyɛ́ɛ goon din baran n kũ wa.» Ma dɔɔ̃n min sɔrɔ kɛ na á woo kun ka ma nɛ. Wɔ́ wɔ Kɔrnɛyi lɛ a kion.

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Nya ǹ dín 3:16

Giĩ lɛ golee Yezu tɔ mɛn li, bɛa tɔ kɛ lɛ pàã na á giĩ kɛ kaka kɔ. Giĩ kɛ lɛ, ka yii ná a ganaa, ka n doɛ̃ dɔn. Yezu tɔ kɛ lɛ á golee li, bɛa tɔ kɛ lɛ na á ná a bɔlɔkabaa nya ka lenlen, ka ka dinin tumaa yii bɛ́ a ganaa lɔn.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Rɔmu minin 10:12

Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 2:1

Nsɛ min ke, nsɛ mɛn bɛ́ n miãn zɛ̀rɛ biɛ, sonbore yɛ ǹ bǎã goon ba n lon wa. N bɛ́ n miãn zɛ̀rɛ biɛ, ma nə n din dɔ zɛ̀rɛ biɛ, a giala, nsɛ mɛn bɛ́ n miãn zɛ̀rɛ biɛ, n din dɔ n bɛa siin lɛn zɛnɛɛ.

Rɔmu minin 3:30

Lawa n goon toto, a bɔkɔnlɛ we wa. Bɛ̀ Zuifu golee li, a n lɛ koe a ganaa, bɛ̀ tɔrɔ kɔsɔ dɔ golee li, a n lɛ koe a dɔ ganaa.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 9:30

Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Galaasi minin 3:22

Sɛnɛ, Lawa a sɛ́wɔ pɛ, mà kanaa minbuiin tumaa n sii baraa pàã giulun. Màn mɛn bɛ́ toɛ, Lawa a lɛ-kɔ ǹ sii lɛ nə n zɛnaa goleemali wolen ne, ka golee Yezu Krita li barka nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Efɛɛzi minin 3:12

Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Zaaki 2:23

Ká Lawa a boo bɛ́ á pɛ lɔn: «Abrahamu nə́ n foo doa Lawa ganaa. Bɛ lɛ na á toa Lawa kũ min pepere lɛa», á bíi mà a din a giaára.