Rɔmu minin 3:19 - LAWA A BOO SONBORE 2011

¹⁹ Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

LAWA A BOO SONBORE

¹⁹ Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Rɔmu minin 3:19 ပူးပေါင်းရင်းမြစ်များ

Zɔbu 5:16

Foo-doa tá pàãwɛɛnaa lon, sii kɔkɔrɔ-zɛnaalin sɛn tá re n lɛ tiɛ̃.

Loen 107:42

Bɛ̀ min peperen nə́ bɛ yɛ, manə n nyɛnyɛɛ, sɛnɛ, min baraan kɛn manə n lɛ tiɛ̃ ka kiĩn.

Loen 63:11

Toa ǹ nə ǹ dɛ ka gɔya sa nɛ; toa tolokan nə ǹ siĩ sɔ̃.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Zaã a sɛ́wɔ 15:25

Boo mɛn nə n kiɛ̃ ǹ landa sɛ́wɔ nɛ, a na á kaa bɛ lɛ: «Ǹ nə́ ma baa zɔ́ɔ kooro.»

Zaã a sɛ́wɔ 8:9

Ǹ bɛa boon lɛn ma lɔn, ǹ nə́ n moɛ gogoon, a saa ǹ yii fulii-an ganaa a wo ǹ kiodɛnan yaa. Yezu dinsɔɔ̃ goã bǎã-n bii-a, kun ka lɔ lɛ-n tɔn golee-n a yɔrɔ-a.

Rɔmu minin 1:20

Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

Rɔmu minin 3:2

Hiĩ, mìi tá la, mìi gole gole dinin. Bibinaanɛ, Lawa na á boo da ka Zuifun ni. A na á ná a boo lɛ koa ǹ dinin li.

Rɔmu minin 3:23

Min din tumaa zɛ̀rɛdɛnaa baa, Lawa gugurubaa mɛn kɔ ǹ la, bɛ nə́ n si ǹ tumaa la.

Rɔmu minin 3:4

Haayii dɛ! Bɛ n nyɛɛ dinin kəni, mà ta min din tumaa nə́ n piã ka ǹ lɛ kɔ ǹ sii zɛnaa nɛ, bɛ̀ Lawa sɛ nə́ n lɛ kɔ ka ǹ mɛn nɛ, a n bɛ zɛnɛɛ. Lawa a boo n bɛ lɛ pii: «Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni zɛ̀rɛ ba n ganaa wa.»

Rɔmu minin 3:9

Man wusii ma din a da ǹ boo kio ya? Wɔsɛn Zuifun lɛn, wɔ á soɛ tɔrɔ kɔsɔn kɛn man ya? Haayii dɛ! Má pɛ gɔrɔ, máa Zuifun laanka tɔrɔ kɔsɔn kɛn lɛn tumaa n sii baraa pàã giulun.

Korɛnti1 1:29

A na á baa miɛ̃, màn mɛn bɛ́ toɛ, minbuiin nɛ kɔ́n baran boo la, a n din koa Lawa yɔrɔ-a doo wa.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 4:21

Man nɔ̀n diɛ ka la, kasɛn mɛnɛn bɛ́ zoɛ̃ mà ka goã Muizu a dí-pɛn giulun. Bɛa dí-pɛn kɛn lɛn bɛ́ boo mɛn diɛ, ka ǹ ka a miɛ wa?

Galaasi minin 4:5

màn mɛn bɛ́ toɛ, a da tá dí-pɛn pàã giulun wolen kirisibaa. A din lɛ pàã ganaa, Lawa wɔ baa a nɛnyaanan lɛa.

Galaasi minin 5:18

Sɛnɛ, ka toa Yiri Fu ka nyɛɛnaan bɔ, ka a re goɛ̃ dí-pɛn giulun doo wa.

Samayeli1 2:9

Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.