Rɔmu minin 3:11 - LAWA A BOO SONBORE 2011

¹¹ Yiridɛnaa kɔ́n banban, bɛ n giɛ Lawa foo sii li wa.

LAWA A BOO SONBORE

¹¹ Yiridɛnaa kɔ́n banban, bɛ n giɛ Lawa foo sii li wa.

Rɔmu minin 3:11 ပူးပေါင်းရင်းမြစ်များ

Loen 53:2

Min mɛnɛn bɛ́ pii ǹ dinin gɔ́ɔ̃ nɛ: mà Lawa din banban, baãnaan manɛ. Ǹ nə́ n dinin ziziɛ̃, ǹ giã ǹ gɔn bɔnɛɛ kɔ, ǹ kɔn din banban, bɛ́ n sii bǐɛ̃ zɛnɛɛ wa.

Loen 53:4

Ǹ tumaa sã, ǹ tumaa ziziɛ̃. Ǹ kɔn din banban, bɛ́ n sii bǐɛ̃ zɛnɛɛ wa. Haalɛ goone!

Loen 94:8

Kaa baãnaabaa lɛ la yii ni, ka toa ka sii dɔ̃. Ka yiri lɛ kiɛɛrɛ kɔ á la yii ni, ka á re sii giala miɛ ǹ kɔn pinaa dinin le?

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Izayii 65:1

Min mɛnɛn bɛ́ ǹ ba ma nyankoe wa, má toa bɛn nə́ nɔ̀n da ma la. Min mɛnɛn bɛ́ ǹ ba giɛ ma li wa, má toa bɛn nɛ ma yɛ. Má pɛ tɔrɔ kɔn nɛ a ná a ba ma nyankoe wa: «Ma á ke! Ma á ke!»

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 7:10

Izirayeli tɔrɔn din gole kɔ kɛ lɛ n toɛ min nə ǹ dɔ̃. Sɛnɛ, ǹ lɛ kɔ ǹ nə́ wusoo ǹ nə́ daa Dɛnaa Lawa, ǹ Lawa li wa. A laanɛ siin kɛn lɛn tumaa nə́ ǹ yɛ, ǹ ga ma li wa.

Matiə 13:19

Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

Rɔmu minin 1:22

Maǹ nə́ goã n dinin biɛ màn-dɔ̃lin lɛa, a da yaa sonbore, maǹ gàãnaan lɛa.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 3:10

Lawa a boo n pii: «Min din banban, a n boe la a n baa min pepere lɛa Lawa yɔrɔ-a wa.

Rɔmu minin 3:12

Min din tumaa zii sonbore toa walan. Ǹ tumaa ziziɛ̃, ǹ ba màn kɔ́n bǐɛ̃ koe doo wa. Min kɔ́n ba ǹ bii, bɛ n bǐɛ̃ zɛnɛɛ wa, haalɛ min goon din.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.